呢隻入邊嘅成分大肚都可以繼續食，不過就建議自己加埋DHA，如果食嘅話其實我都建議食返6粒去滿足每日建議攝取量（佢嘅葉酸量係上面嘅post都有計過，就算係6粒都未算太多，因為佢嘅葉酸量係用folate而唔係folic acid去計）。 
2個讚
其實都睇返你年紀，如果本身後生就冇乜必要食，但如果本身食開for其他用途（例如抗衰老、預防心血管問題）加埋一齊食都冇問題！
1個讚
唔客氣 
其實子宮肌瘤最主要係要避免一啲效果同雌激素相近或者會增加雌激素水平嘅成分，最常見係豆類（有時會用黑豆備孕，但入邊有類似雌激素嘅大豆異黃酮，就唔係咁建議用啦），其他多數備孕保健品都冇特別影響
1個讚
多謝你嘅意見 多謝你開呢個group 
1個讚
準備中⋯已經試左半年都無乜起色
加上每次黎M都會頭痛，有幾次痛到去廁所嘔
所以都食好多止痛藥。有試過忍住唔食藥，不過有次痛行行下街暈左。做哂檢查都正常。好擔心係食得太多止痛藥而無起色
有冇一些補充劑可以幫助到？唔該
本身食鈣片、葉酸同魚肝油備孕
近排朋友介紹買咗FH pro ，我見成份已經有葉酸，但鈣同魚肝油唔太肯定FH pro 有冇
想請問備孕就咁食FH pro 已經好足夠，定我都要繼續食鈣同魚肝油呢？
謝謝 
而家11週，本身有食materna，但尋日產檢醫生建議我額外食鈣片
請問食一般成人鈣可以嗎？
抑或要食媽媽專用鈣片？
因為我見媽媽專用鈣片入面嘅鋅、錳、銅、鎂，materna入面都好似有，會唔會雙重吸收而唔係咁好？
謝謝回覆
唔洗客氣，希望可以幫得到大家啦
你可以試下每日食180mg EPA + 120mg DHA嘅魚油丸（好多魚油配方都係呢個比例）加200IU嘅維他命E，研究發現呢種配方有助緩解經痛情況（嚴重時可以搭配埋止痛藥食都ok）。
不過好似你咁嚴重，有做檢查就岩啦，因為有啲婦科問題（e.g. 子宮內膜異位症）會減低懷孕機會，而佢嘅症狀之一正正就係嚴重經痛，所以先排除咗呢啲問題就perfect啦
1個讚
你指魚油定魚肝油？懷孕個時就通常用魚油／藻油，係想要入邊嘅DHA，如果魚肝油嘅話主要成分就反而係維他命A同D。
FH Pro入邊冇鈣同DHA，但有維他命A+D，所以食FH Pro唔需要再加魚肝油，所以你可以FH Pro + 鈣片咁樣食
（雖然有啲網建議懷孕前加埋DHA食，但懷孕前攝取DHA嘅benefit evidence就唔多，但如果你想提前補充，FH Pro + 鈣片 + 藻油一齊食都冇問題）
如果醫生叫你額外食鈣片應該主要都係想你攝取多啲鈣質
鈣片入邊好多時加入其他礦物質，係因為佢哋本身對改善骨質密度都有幫助，而本身materna入邊都含有呢啲礦物質，所以你專心補充鈣就ok
Materna入邊本身含有250mg鈣同10mcg = 400IU維他命D，而孕婦一日需要1000mg鈣同600IU維他命D，每日攝取上限係2500mg（鈣）同4000IU（維他命D），所以你可以用淨係得鈣或者鈣+維他命D嘅鈣片
黎食都ok（目標係補充多750mg鈣，如果平時有飲奶嘅話，可以扣返一杯大概300mg鈣）
而揀鈣片時，我會建議揀更好吸收嘅檸檬酸鈣calcium citrate，因為佢冇咁容易造成便秘或者胃脹呢啲問題，比較適合孕婦
1個讚
請教下，備孕中，係咪男女都唔好打針住？ 但公司焗打，其實會唔會反而科興好啲？滅活技術嘅副作用都已知，復必泰個 mRNA新技術，好多未知，會唔會對生仔有影響呢？唔該晒
備孕中食緊800mg葉酸···
都食左一個月左右
不過近來見到就算有左好多都係食600mg左右就夠··
我想問我要唔要買過瓶葉酸？
thanks! 
謝謝你呀
Li度有你咁樂意解答我哋d問題真好
1個讚
多謝你解答啊！原來我食嗰隻係魚油 
另外食開嘅鈣片本身都有包埋600iu vitaminD3, 500mg magnesium同埋10mg Zinc, 係咪都可以同FH pro 一齊食，定淨係個鈣片加埋佢好啲？
好多謝你解答我哋嘅問題！
如果唔考慮保護率，淨係睇副作用，科興嘅副作用確實係冇咁強烈
不過就算大家都係滅活疫苗，科興同其他滅活疫苗嘅副作用都未必完全一樣，但會比復必泰少一個變因。
依家兩隻疫苗都咁新，要落結論邊隻備孕安全啲仲係為時尚早，
我建議你可以睇返自己工作性質，如果本身屬於高風險人士，都係打返復必泰保護返好啲，otherwise你可以打科興
最後如果想穩陣啲，可以打完疫苗之後隔返一個cycle先再開始返備孕
其實800微克葉酸都唔算係好高嘅葉酸劑量，可以繼續食啊 
好多備孕產品都係400-800微克左右，如果準媽媽之前有試過bb脊柱裂甚至需要食到5毫克mg（=5000微克mcg）葉酸，所以食800微克唔需要擔心架！
1個讚
多謝你啊！ 
唔洗客氣，魚油同魚肝油都好容易撈亂haha
其實繼續食你用緊個隻都ok，但500mg magnesium好似就算單獨食都幾高下 
Victor你好，想直接問備孕係咪食Materna就夠？
本身一直食開Materna，中間有食過FertilAid+OvaBoost又咁啱果期bingo不過小產咗，前排做IVF之前有食過，抽卵質素都幾好，不過個樽上面寫Discontinue use once pregnancy，所以抽完卵我都停咗再食返Materna，咁問題係我想轉食FH Pro，佢個樽就無寫bingo要停，其實佢算唔算同Materna差唔多？除咗無Q10同另一樣唔記得
，又驚佢無FertilAid+OvaBoost嘅效果(因為好似有啲幫助)，問到一舊舊咁其實我唔知點比較呢三樣product，唔知點選擇好