總之要記得，孕婦如果要用藥，最理想一定係由最溫和嘅choice開始試先，始終任何藥就算多數媽媽用過都冇事，都好難保證下一位媽媽用完都係冇事，人人身體唔同，所以好多時真係免得就免 
不過便秘就真係孕婦好常見嘅一個問題 
可能係因為bb壓住條腸或者媽媽食嘅維他命入邊有容易便秘嘅礦物質，所以平時要多留意纖維同水嘅攝取，例如好common嘅一個方法就係飲西梅汁，就有齊曬兩樣野啦 
謝謝你詳細嘅講解呀！
我沖粉飲咋
1個讚
16周繼續日日作嘔，想問吞唔落維他命，唔食會唔會影響到個胎㗎，真的梗唔落，雖然已買齊維他命，葉酸，藻油dha
都想搭單問下，膠原蛋白粉有無激素? 上網search過話當中既成份可能含有激素，會容易引致婦科病，到底係咪真?
你好啊 我係備孕中 做IVF果種 請問我應該放胚胎後 自行買黃體酮作補充嗎 大家都話係安胎藥。聽太多討論區會講 要食菠蘿蛋白酶 黑朱古力 黃體酮 所以想請問下你專業嘅意見 
Hello!! 我黎緊下年會生第二胎，大仔有濕疹同好多食物敏感(gluten-free, seafood….)
想問你我陀緊呢胎既時候有無咩supplement可以食下預防Bb濕疹同敏感呢？麻煩晒你🥲
利申我每日要食Zertine 10mg, 隊友有asthma
第一胎果陣問過醫生話無問題，但大仔咁多野敏感令我好擔心肚入面嗰個都會係咁 ：(
Hello～請問懷孕9週感冒同有D咳，食呢兩隻藥有冇問題嫁
-Fexofenadine Hydrochloride 120mg，1次1粒
-phenexpect syrup,每日4次每次10ml
Thankyou 
唔該想請教下
懷孕時俾蚊咬可以茶乜野止痕?
同埋可以茶乜野驅蚊呢?
Thanks
懷孕後期(30周)開始食兩粒藻油DHA會唔會過量呢? 每粒有200毫克DHA
我見指引寫最少要200毫克, 外國有講最好多D, 呢個時期係bb大腦發展…
Hello, 想問 如果有左既話，呢隻仲可唔可以繼續食？ 食4粒係咪都夠？
https://hk.iherb.com/pr/Fairhaven-Health-FH-Pro-for-Women-Clinical-Grade-Fertility-Supplement-180-Capsules/73939#details
如果最core講葉酸個邊，影響就唔大，因為葉酸反而係頭三個月最重要
但除左用葉酸預防脊柱裂之外，本身BB生長都需要其他營養，所以反而要睇下作嘔呢邊有冇啲咩可以改善到，例如：薑同維他命B6都係proven可以比孕婦用黎緩解孕吐嘅成分，又或者全日戴住暈浪手帶都有幫助
如果真係吞唔落藥丸嘅話，就要考慮下會唔會用媽媽奶粉個啲補充下營養
正常膠原蛋白粉係唔應該有激素，但有時生產過程，會用到魚、豬或者牛嘅皮作為原料，而如果養殖過程有用到大量激素就有機會有殘留。
所以揀嘅時候，可以搵下有冇一啲素食者適用嘅膠原蛋白，呢啲通常係由動物以外嘅原料合成，就可以最大程度避免激素問題
1個讚
好詳細解答，學到好多野呀！樓主
好人一世平安啊！
不過想問下啱啱有左，會食elevit…咁q10 仲食唔食好？見你話可以唔洗食
不過之前一直左食開，for 養卵之餘
又想達到抗衰老效果
感謝解答
明白了, 多謝你既解答 
我本身有子宮肌瘤，想問下有無咩備孕supplement唔可以食或者要小心選擇呢?
你好啊，其實如果IVF嘅時候，有時醫生都會開埋黃體酮，幫手令子宮內膜更加ready for BB
食黑朱古力主要係補充鎂質，令你身體可以製造返多啲黃體酮，當然冇問題，但如果用黃體酮藥，我會建議同醫生傾下先，睇返咩劑量比較合適自己
呢種情況好大機會係我哋講嘅「異位性體質」（可以當佢係過敏體質），有呢種體質嘅bb好容易有：濕疹、鼻敏感同哮喘等情況。
通常如果父母本身都容易過敏或者有濕疹底嘅話，我都會建議大肚時除左補充正常維他命外，可以加埋含有乳酸菌LGG（lactobacillus rhamnosus GG）嘅孕婦益生菌食，生咗bb之後，都可以keep住比佢食多至少6個月LGG菌（如果餵人奶嘅話可以由媽媽食都ok），可以減少bb患上異位性體質嘅機會。
皮膚問題比較難隔住個screen講 
不過bb塊面出現紅粒粒最大機會係奶癬/口水癬問題，係因為平時飲奶或者口水刺激到bb嫰滑嘅面部皮膚造成，可以買返啲阻隔霜（例如：氧化鋅軟膏）比bb搽係紅嘅位置，保護返面部皮膚通常就會自己好返 
1個讚
呢兩種都係敏感藥成分為主，其實generally敏感藥對孕婦都冇咩特別副作用，唔洗太擔心 
（不過如果孕婦平時想用敏感藥我都會建議用返最傳統嘅chlorpheniramine/cetirizine/loratadine）
1個讚
外用止痕其實孕婦都有好多選擇，例如：diphenhydramine cream（較溫和）或者hydrocortisone cream（勁啲，係類固醇藥膏入邊最溫和個隻）
驅蚊嘅話孕婦可以用下面呢幾種成分（呢幾種成分都係美國CDC approved for pregnancy）：
- DEET（驅蚊胺）
- Picaridin／icaridin
- IR3535（好似係蕃茄提煉出黎嘅成分）
1個讚
唔會過量啊，外國有啲研究甚至比孕婦每日食600毫克DHA。
不過通常建議都係每日食200毫克DHA都足夠架啦 