因為我放左屁被發現左
1個讚
每次我都有諗定情況再發生時應該講咩好點反駁，但每次真係發生時，自信心唔夠就會好快覺得當刻係我自己唔o岩咁，反駁唔到…之後又會腦裡面reloop又嬲佢又嬲自己，每次都咁
想見下小朋友，除左上家姐屋企，可唔可以問你家姐俾唔俾帶/湊佢地返你自己屋企當幫手睇住小朋友之餘又可以玩，仲唔洗受人面色。
我姑仔同佢老公成日間接話我（不過無你姐夫咁直接），佢小朋友又好痴我。咁我就會跟佢既父母方法試下，但如果都係唔得，就見少D。佢父母咁講，我老公無幫口，我都有少少唔開心，不過好多父母都唔鍾意他人用不同既方法接觸仔女，我都唔想99亂教啦，所以我唔會上心。如果你會上心，你就唔適合在人地父母前同小朋友玩啦。
你既性格可能就係慣左俾佢地話你做成，所以遠離佢地啦。你話唔捨得小朋友，但搞到自殘就得不償失。同埋人地父母又真係可以決定點教仔女，最好唔好干涉，遠離現場，費時將來佢地怪你。
鍾意你既人可以再找，去做下兒童義工就有。但你自殘受左傷係一世既。
依家係姐夫將教仔既責任掉左落我度，唔係我去干涉
其實呢個問題已經同家姐講左2次，都冇改善，佢係跟左我家姐平時對我既語氣黎對我。我都有話過我家姐我都要面，唔好响小朋友面前話我，n年前都有叫佢唔6成日鬧人，都係左耳入右耳出…咁我可以點…唔係我慣左助長佢地，我有反抗
不如你試下做義工呀，做陳校長義務補習導師。
1個讚
補習我唔曉架
反抗唔係咁既。個人經驗係，對方繼續話你既話，就唔需要同佢多講，因為佢根本無心幫你。真正既反抗，係疏遠佢，唔好俾佢有機會再話你。
以前有d好朋友成日話我，佢地覺得係為我好，搞到我好down。我又怕覺得咁多年朋友，我朋友又唔多，佢地一片好心，無理由唔理佢地。但忍左幾年後，我終於忍唔著反面，自此一兩年先見佢地一次，成個人即刻開心曬，無朋友都開心過有D成日話我既朋友。
3個讚
我就係唔想當下反面，家姐難做。至於疏遠以前有試過避開佢，先佢星期六返長周我先上去，但時間問題好累，之後過左幾星期以為情況會有改善，點知仲係咁。亦有試過當佢透明唔理佢，每當家姐話比咩我帶返屋企佢又好積極時，我又會心軟
再疏遠我上面講過既顧慮就唔多講啦…
開心咪去
唔開心咪唔去
又唔係返工
唔駛委屈自己
有睇你上面既顧慮，唔捨得小朋友。真係反抗就唔好理個小朋友，無論佢對你幾好都好。我朋友對我再好，我都好慶幸我無再理佢，換來我心靈健康，重新識過朋友，換來一片新天地。
唔好俾人睇死，以為你無左佢唔得。你家姐對你好，唔好心軟，問你點解唔上去，直接話唔鍾意俾佢罵。佢話你既責任，咁就唔上去，唔好俾佢小朋友做人質外交。佢小朋友問到，就話因為佢地父母罵你，太傷心。
唔敢反面，又顧慮小朋友，即係唔敢反抗，就會繼續俾人蝦
2個讚
有諗過好唔好同小朋友講真正既原因，但我覺得大人既事唔好牽扯到小朋友，如果我話因為要返工所以改時間睇佢地，小朋友都係會扭計怪我，所以又好矛盾
我覺得又唔係一定要反晒面先叫反抗既，始終你既case唔同我既case，我既係家人，唯一死剩僅餘既家人，要小心處理，因為想珍惜
1個讚
你可以買玩具放自己屋企，叫佢地上黎玩
有冇試下串下姐夫？有啲人得吋進呎！
見你咁「林善」咪成日搵你出氣！
你家姐可能都有難處！
你應該試下自己反抗，臨走前係小朋友面前講說話比佢聽「姨姨走喇！唔玩咁耐，廢是你爸爸唔鍾意」
如果情況持續，都係考慮自己先，少啲過去！
3個讚
X2
唔係話要幫手教人地仔女（佢指意你教一件事，唔代表你要聽話），
太過份說話要出聲，亦係比小朋友榜樣
感覺你姐夫好似管家公,好似要管埋你咁
1個讚
係囉！
而且要係小朋友面前做榜樣更加唔應該係小朋友面前話人、「無」辱人！
（唔記得左個字
）
1個讚
侮
我覺得佢平時都成日話小朋友話老婆話阿媽，專話女人，說話仲好重，好似早兩日個大既响矮櫃頂推個細既落地，佢話個大既冇人性……我同小朋友細細聲講爸爸唔應該咁話你，小朋友細細答我爸爸成日都咁……小朋友有咩損傷又話個老婆唔識做人阿媽
以前個大既比老豆話得多，發覺小朋友情緒有d問題，成家人叫家姐勸下個姐夫先叫好少少咋
1個讚
你只需要無限loop呢句:
「教仔係你哋2公婆嘅責任，唔係在我身上」。
呢句好百撘
3個讚