話說我每個星期六都會上我家姐度食晚飯，同佢兩個小朋友玩，但最近一年發覺我姐夫成日會因為我講既野或者做既野覺得對佢小朋友有影響而話我，例如食飯唔幫手夾餸比佢小朋友，又或者夾多左餸，玩既時候小朋友太興奮又話我。覺得好委屈，點解教小朋友既責任反而响我度? 我只係陪玩，又唔係响佢地面前講粗口，小小事都啄住我
呢件事我有同家姐講過，唔鐘意佢咁話我，仲要我家姐都未出聲話我，佢憑咩出聲，以前有幾個星期我專登避開佢，襯佢份工要返長周先上去，唔留低食飯，小朋友又唔開心。我家姐話有同佢傾過，話佢自己都唔覺有呢d事，又話唔係專登喎
但之後情況都冇改善，仲係會話我，我因為呢件事好嬲，自己喊過仲自殘過(我有情緒問題) 尋晚又黎，話說我急大唔想去，同家姐講忍到返屋企先去，姐夫又話我咁樣教壞佢小朋友，响學校會忍住唔去，到時會賴。我當下覺得自己又錯左咁(成日都覺得自己做錯)，但返屋企諗返又好嬲佢又嬲自己，結果又自殘。當時我家姐又冇開口幫我，其實每次都唔會……
我同家姐講過佢咁樣令我好緊張擔心自己d言行，驚又比位佢入話我d咩，我有諗過上少d甚至唔上去，但係佢2個小朋友好痴我，好期待我每個星期六同佢地玩，我唔想令佢地失望…之前家姐有提議過帶佢地上黎我度，但我度冇玩具比佢地玩，佢地實會扭計要我上去
sorry打打下變左咁長篇，只係覺得我進退兩難咁，姐夫冇改善繼續上去自己又唔開心，我自信心低總會第一下覺得自己做錯，之後又會嬲自己冇用又嬲佢…但唔上去兩個小朋友又會扭計肯定怪責我，我唔知點算…同埋過多2至3年小朋友大個就唔會咁痴我，所以想珍惜依家同佢地一齊既時間，怕將來自己後悔
P.s. 其餘時間佢冇咩野，家姐話比咩我帶返去，佢都會懶helpful咁話比啦…覺得好似專登做比我家姐睇咁
可唔可以揀啲你姐夫唔係度嘅時間上去陪小朋友玩？
咁小朋友又開心，你又可以避開下。
你去到自殘證明件事已經好困擾你，你要先處理好自己情緒，再去諗其他人。雖然小朋友會失望，但你自己情緒更加緊要！
4個讚
以前有試過襯姐夫星期六返工我先日間上去，佢放工返黎前走，小朋友好唔慣咁既轉變，佢地不嬲有晒飯前飯後要玩咩遊戲，當佢地唔開心咁既轉變時我又好內疚，覺得自己好冇用，咁少事都忍唔到…最重要重要係覺得過多2至3年佢地就唔會痴我架啦…我想珍惜呢d時間，想試下忍…
有次個小朋友自己夾餸，我坐隔離，姐夫坐較遠，但小朋友夾唔到，我見到既但我想比佢試下練習下，所以冇幫佢。但姐夫就唔耐煩咁叫我幫下佢啦…我當時有話想比佢練習下
自此我都好留意佢地d飯碗有冇餸，驚比位我姐夫入，有次小朋友話太多，佢食完我又夾，我同小朋友講sorry呀…我夾多左啦！之後有樣餸佢鐘意食，我問佢要唔要，姐夫插口話唔好搞佢啦…
因為我自佢地出世開始就每星期見，好多小遊戲佢地都係留返星期六同我玩，我自己又唔捨得
睇到呢度，我都幾肯定佢2公婆都無你做得細心做得盡力，通常呢d人都有口話人無口話自己。見你咁良善就會無意間想你再做多d做好d, 但責任真係唔係你度，你一星期見得個一次幾個鐘，會唔會影響力大到可以教壞佢小朋友？佢地分明搵藉口賴啦。
正常來講，你狠心d應該話你配唔起同佢地小朋友玩而唔再去，而唔係死忍。佢d小朋友咁鍾意你，咩睇佢2公婆點同小朋友交代lor.
分明睇中你弱點（想陪小朋友），但明知你情緒有事都仲hurt你，你要諗諗點斷捨離了。
你要學識好好保護自己呀。
16個讚
聽落冇咩，可能你姐夫重視小朋友教育，又慣左發號施令，覺得你係自己人咪話埋你囉。
佢係冇心，但都唔會知自己好難頂。
你面皮薄就唔好去了，
搞到要自殘不如你理左你自己先理人哋啲仔女啦。
5個讚
我既意思係，你咪等姐夫返工/唔喺屋企先上去囉。
唔駛太在意小朋友既“習慣”， 就左你自己先啦。
4個讚
A_lcy
12
你諗得太多喇，姨姨都有自己嘅生活，唔係因為其他人而活，唔一齊食飯唔係咩大問題。
搞得掂咪帶小朋友出街食，然後叫家姐落樓接番佢哋，都可以有長少少時間相處。
記住，辦法總比困難多。
7個讚
冇錯，教小朋友方面我地家人都覺得佢地唔成熟，由其姐夫好鐘意鬧人，對小朋友用詞都好重，我覺得比粗口仲難聽，小朋友自信心都好低，所以我先想陪小朋友身邊比多d快樂佢，個大既佢痴我既程度令我覺得呢個世上終於有人鐘意自己，我有d存在價值…如果我既斷捨離令佢同我之間既關係疏遠左，我會好後悔
佢地一定掉個波比我叫我同小朋友解釋，再唔係話我返工，總之賴晒落我度，然後小朋友一定會打電話比我扭計再發脾氣，我仲委屈…
唔洗覺得係關自己事，咁大壓力架。你又唔係上去返工，做乜鬼次次出咗門口就傷心？你好得閑咩。你而家係免費同D小朋友玩嘛。開心D啦。
你姐夫D說話同投訴，你想你家姐㸃做？佢哋係兩夫婦，你想佢哋鬧交咩？
如果係我就小D上去玩。費時受氣。
tobie
17
我都係會揀少D上去, 甚至唔上
小朋友係鐘意你, 大個左, 佢都會痴你, 佢唔鐘意你, 大左都唔痴
你姐夫選擇係小朋友面前, 直接話你有問題, 咩都係入你數
咁都已經好唔比面, 我寧願有咩事, 你之後同我私底下講, 我下次改
係佢自己小朋友面前講, 係當你無到, 下屬? (我個人覺得)
你姐夫係佢地屋企一家之主,
但你都係佢老婆個妹, 做得唔好, 唔需要係小朋友面前講
但佢知你會上去 幫手 湊仔, 知你離唔開, 所以
你變左佢既工人, 免費個隻
做人都係想開心O者, 而家你唔開心
對住小朋友又有壓力
咁你為自己做左D咩? 你又對得住自己咩?
到時有咩時, 我都好想問你家姐, 你個妹為左你老公唔開心, 自殘
你做家姐既係咩事??
// 唔上去兩個小朋友又會扭計肯定怪責我
問題唔係你度, 你唔需要自責, 因為同佢地玩既人, 應該係爸爸媽媽
你係bonus, 得閒就過去, 唔得閒唔通都要飛的去嗎?
2個讚
多謝你! 我覺得佢受我家姐影響，我家姐都好鐘意响小朋友甚至陌生人面前話我，變左我個地位都係下屬咁，其他人自然就跟埋咁睇我…
佢地唔知我自殘，只知我情緒有事，就算知我自殘都係會怪我，責任响我度…呢個我肯定因為n年前因為某些事攤過牌，都係覺得佢自己冇問題。
我睇大家意見都係叫我少d去，我有d難決定，要考慮下…我唔捨得2個小朋友，特別個大既，驚佢失望然後會疏遠左，我自己又後悔。
因為佢真係令我覺得全世界只有佢真心鐘意我，响呢個世界仲有d價值，可以話係我黑暗中既一點光，唔想因為相處少左或者佢對我失望，以致失去左佢對我既愛…就係因為珍貴先會諗太多……
應該係話如果我自殺死左呢個小朋友會唔開心，所以係我支撐到依家既生存理由