如果去到受情緒困擾要自殘的話，真係要抽離下啦，減少對姐夫時間或轉換方式
你星期六日間上去呢個作法幾好啊
小朋友一時間唔適應，好快就適應到唔洗咁煩惱又或者佢地去你度玩，你準備啲玩具俾佢地都得姐，少少錢算得啲咩
你姐夫果度我唔評論啦，因為佢呢啲人覺得「我講幾句姐，又唔係突登話你冇諗過你會咁唔開心」佢唔會改所以亦唔洗係呢方面入手
試下抽離對你家姐、姐夫既感覺先（無論開心定傷心）專注係對小朋友到
你話同佢地玩令你人生有返價值，咁就focus係呢方面就得
1個讚
係 我都叫自己冷靜d，唔好同家姐講住，應該唔會再好似上次咁投訴，因為真係冇用…集中小朋友方面點處理先，多謝你既意見
1個讚
除左唔同佢地講，要學識下左耳入右耳出，唔好俾呢啲負面情緒記入個心入面
係有啲難我都練習緊
我通常會即刻轉移注意力例如睇message或者同其他人講嘢
我都有分散自己注意力，情緒低落時就煲下劇睇下野，但有時都好難做到。好希望自己麻木左，就唔會又嬲又唔開心
你要學識遠離一啲令你唔開心嘅人，哪怕果個人係你屋企人…
你姐夫呢啲叫大男人粗聲粗氣，有口話人無口話自己，講就天下無敵做就無能為力…我地仲係父權社會，好多男人慣咗「話事」，慣咗有野就講有屁就放，佢應該無心令你唔開心的，你家姐應該都慣咗佢老公呢種口吻，所以覺得問題好輕，改變佢地唔易，不如改變自己
要學會自愛，唔好將你自己嘅價值/存在感建築於其他人身上…例如朝早見到人講早晨，哪怕果個人會唔會應你；有好多人會因為其他人唔應你而唔再講早晨（又或者暗地裏抱怨其他人無禮貌），咁，就係將你自己嘅存在價值建築於他人身上；no, 我地見到人講早晨因為係有禮貌嘅表現，我地做有禮貌的事唔係因為要博其他人嘅讚賞或者交流，我地會咁做因為我地認為呢件係正確嘅事，哪怕其他人點諗…
唔係要你以為變成一個我行我素嘅人，而係要學會應聽就聽，應改就改；人地意見要聽，但最總點做都係你自己決定…你唔開心，比你做到人見人愛又如何？你嘅感受係最重要的，因為你都唔理你自己嘅話，其他人又點會理你？
你應該仲細，要盡快學會愛惜自己，唔係第時拍拖你會好蝕底
12個讚
其實果個係佢d仔女，有時都唔駛講咁多嘢比姐夫知，急大呢d唔駛講啦
但同時你受到不禮貌嘅對待，換返嚟嘅係你會自殘，好累鬥累，得不償失。
小朋友終有長大嘅時候，到時你又要搵另一個生存理由？
現實係殘酷的，你不是為別人而活。
你唔夠愛自己，你唔錫自己係唔會有人錫你。
有問題再上嚟講，我哋好願意聽你呻同畀建議你
6個讚
不管什麼，只要嗰件事情直接影響到情緒要自殘，係應該要停，哪怕嗰件事係心愛。
人善被人欺，我係你就索性唔上，對仔女佢哋生架，同埋佢哋都無尊重過你。
咩唔捨得小朋友⋯⋯ 你又唔係佢哋阿媽
你姐夫下次再話你，直接反擊佢，說「教仔、夾餸係你責任，唔係在我身上」。
6個讚
呢份唔係工作，只係家庭活動，甚至唔係責任，簡單嚟講︰睬Q佢哋啦
其實唔洗理佢地咁多，佢地係一家人，佢地會攪惦，教成點佢地會負責番。
其實你唔好太受二個小朋友既意見左右，自己買過哂玩具俾佢地咪得lor。
我細個阿姨都個個禮拜嚟，我哋好鍾意佢㗎。長大咗，依家一年唔知見唔見到三次。同佢close嘅係阿媽，唔係我哋。
我覺得唔駛對人哋啲小朋友咁上心嘅。得閒咪揾下囉。長大咗一定將朋友、伴侶排前好多。不如focus返自己，老咗陪你嘅真係唔係佢哋。
6個讚
其實好小事，如果你介意真係少d上去，等自己休息下，保護自己先可以照顧他人。
其實你本身情緒太過依賴兩個小朋友，到佢地唔再需要你，你自己就會爆，咁好危險。你要抽離少少。
做阿媽都無你咁投入，去中心參加多d活動。
10個讚
就算係份工，都可以辭職啦
你可以放輕鬆一啲，你夠堅強的話，比人話幾句係傷害唔到你㗎!
太緊張怕事到情緒差自殘太極端了。
另一方面，就好似女人會唔鐘意姑仔成日出現喺自己嘅婚姻入面，男人都可能會啵。
姐夫會唔會覺得太經常見到你呢？
如果你仍想同小朋友相處，可以嘗試同家姐姐夫傾吓，將來有咩意見想表達，可以唔喺小朋友面前講，既然你知道呢個係你家姐一直以來的問題，更加應該係同家姐傾咗先，n年前同而家又唔同左，你同家姐都會成熟左，集中喺小朋友度而唔理家姐姐夫好似唔係咁可行，小朋友仲細，同家長仲係分割唔到呀。
1個讚
呢個我明，所以我話想珍惜埋呢兩三年，大d就唔痴我
1個讚
我都預左兩三年後就會有咁既情況，所以先想珍惜依家，我都有定心理準備