其實我學緊嘅係唔可以用羅庚去度度數
單位內就可以用立極尺去度
咁點知方向? 係咪用地政署個地圖?
可以參考
但都會有dd誤差
咁佢點定坐向?
呢d商業秘密黎ga
好老實講，我依家就算係知道都方法，都未係好識用
要實習多d
但你唔知點定方向, 點實踐呀?
知道點定
但自己未試過自己一手一腳去做
同埋，要買個老師嘅apps先做到
老老實實就咁講個大廈門口，都好難定
因為未必係個主要門口納氣
總結：要靠儲經驗先分辨到
我明你意思
1個讚
係其他post回覆某會員
覺得擺係呢度都合適
其實學風水都係可遇不可求
一堂其實唔貴，但因為呢個學問遠比大家平時係網上平台見到聽到嘅高深10萬8千倍，所以一學幾乎係無止境
（同勞力士無止境一樣
gag 完）
所以…
1 你真係要有時間學先得，因為學完之後仲要溫書
2 好多嘢要靠自己去分析、領悟，老師話比你知道個方法，好多嘢都要靠自己去諗通。雖然我依家只係中班，但其實都開始feel到有d同學嘅問題好明顯show到佢地個思維唔係嗰條路度，即係未諗通
3 永遠無人話你知你跟緊神棍定係良師，係學習途中你都會有懷疑。因為玄學其實好難去證明，就算擺咗風水後有改善，唔信嘅人依然會覺得係「咁啱啫，係你自己對號入座⋯⋯」。我相信係呢條路度，你嘅信念會不斷被動搖。學幾年風水其實學費可以好似度個degree，但無cert無證明，其實你會覺得好唔「實在」
我自己嘅總結就係，我唔理風水係咪可以實在地能夠該善d嘢，只要佢係work，就算係心理作用，自己/全家人都覺得好好feel，舒服咗，開心咗，咁就已經足夠曬。
我自己買過兩次樓，兩次都憑藉自己微弱嘅風水知識去揀樓，第一次比較求其，係why not心態，第二次係一定要嘅心態，事實上係越住越好。其他嘢唔好講，淨係講我地一家touchwood 無大病痛（其實連小病都少），呢樣嘢已經係值回票價啦。
之前試過住service apartment半年，我老公死都要其中一個單位，我心諗就下佢比佢話下事，廢事自己好似好專制咁（因為我根據風水係揀另一個單位），點知就出事啦。
我每個月都無端端病一次，幾乎係好返又再病。小朋友有史以黎病得最嚴重嘅一次都係當時發生（平時我小朋友一年都唔使睇一次醫生），我老公自己都話佢做嘢未試過咁唔順。其實當時我未有咁信風水，無將呢d嘢同個單位聯繫，當我地想再續租時，呢個單位竟然因為要翻新而無得再續租。當時我好嬲我老公，因為我地可能只係住一年左右，但因為佢呢個選擇，搞到要搬多次
跟住再揀另一個單位時我已經無再問佢意見，自己簽曬約先通知佢，而佢亦都知道自己係呢方面已經無得再欸
事實上就係我地搬去另一個單位後，我同小朋友都無再病過，佢考到心儀幼稚園，我老公做嘢都順咗好多。男人，叫佢承認覺得風水好work，我覺得好難。但最明顯係我幫老公office睇咗風水後話某d位還擺d水種植物後，佢當日即刻提我去買，平時佢邊有嘢咁上心
咁大家話佢信唔信風水呢？
1個讚
有關我朋友EF兩夫婦睇風水，我覺得以後可能有follow up，依家post定個link先
呢度講得幾好
沈嶸也提到多年算命經驗看過無數命盤，當然也看過一些人出生的命格很不錯，但卻活得又窮又不快樂且一事無成，她歸結五個會讓命格損壞崩塌的大忌，包括「有隱藏訊息、會欺騙人，內心藏有不可告人的壞念頭」、「自私自利，獨善其身，有好處不與大家共享」、「背叛他人或是惡意傷害他人，包含身體暴力及言語暴力」、「起心動念有邪念，想佔他人便宜或好處」，最後則是「與人對立，產生糾紛、爭吵、是非或是官司」。
沈嶸說，人一出生呱呱落地的那一刻命格已定，但命運是可以靠自己突破及改變的，只要常常做增強命格的五大點，以及避免會讓自己命格崩塌的五個大忌，就能福氣綿延，好運多多，大旺大發。
3個讚
「存好心說好話做好事」
咁究竟南北半球既風水有冇分別？
有
算命黎講，南半球出世如果用八字算，肯定唔準
用紫微斗數去算，有機會準
有機會準咋？我以為掉轉黎睇就得添！
如果睇風水就正常咁睇
算命就會有dd分別
深夜update我最like
綜合小小我由風水初班到依家中班嘅心得：
就係揀住宅單位同揀商業單位最容易簡單但又最難嘅嘢
最容易係：係唔識任何風水情況下都可以用黎篩選下選擇
最難係：原來搵呢類單位都真係唔容易，朋友近幾個月睇樓，睇咗N間，原來只係遇過一個單位係咁，仲要係over budget🥲
好啦，入正題。
單位窗口望出去個方位（主要景觀），最好係同大廈入口係同一方向。即係企係大廈門口望出去去方向，同你係單位入面望出去，要係同一方向。
因為一般黎講（唔係100%）大廈入口個位，用黎定坐向。如果大廈個坐向係吉，你個單位望出去係同一方向，自然都係吉。
調返轉諗，如果大廈坐向係凶，你單位同呢個方向調轉，可能係吉bor？！咁就no no la，因為係一個凶嘅大廈入面，就算你個單位係吉，其實可以幾吉呢？
咁當然點去定大廈入口嘅吉凶，當中涉及好多專業知識/經驗/其他因素，我可以講如果如果求其對個floor plan比人睇風水係無可能會work。如果真係咁易，個個都發咗達啦，因為堅嘅風水，好快見效同埋力量好強。
如果大廈入口同單位望出去方向唔同，成件事會complicated好多，做風水無理由捨易取難，特登去搵個難去定吉凶嘅單位去住
PS我只代表我嗰派，咁我學得呢派，自然會/要信 你唔會走去問一個佛教徒點解唔信耶穌，唔係耶穌靈d咩
最後要係度認個叻叻，係我未學風水同對呢樣嘢無任何認知之下，以前同依家住既地方，入口同單位都係同一方向，真係好彩
其實呢個小知識可能大家覺得好細，但其實呢個學問係好寶貴ga，至少坊間我無聽過任何一個topic係講呢樣嘢
再PSS，我係學風水，唔係幫人睇風水
10個讚
仲有，雖然師父無明確講明自己政見，但我覺得蛛絲馬跡都顯示佢並不是一個廢老
1 上上下堂佢講開個topic，話呢幾樣嘢就係風水入門4大訴求啦
2 佢已經停同Whats app，轉曬做signal同其他apps la
3 佢一路都話，d針留返比返身體健康嘅人打 上次有個同學打完疫苗上堂，師父直頭叫佢唔好離開位，佢自己走去收學費，平時我地係大家排隊交學費比師父。師父勁驚佢不支倒地
我深深覺得，師父佢如果係一個廢老，就算佢有幾叻，我都會覺得佢無道德標準，唔想跟佢繼續學知識。佢依家能夠明辨是非，某程度上都幾有節氣，唔係係度靠瀨搵食。
2個讚
嘩真係好高難度喎
自己住過嘅屋好似冇一個係咁，而家住緊嘅大廈直情冇一個單位係同方向。（反而隔離兩座都有）
真係可遇不可求
但呢個理論（唔知係咪咁叫）真係新鮮得嚟又幾有道理 