一入風水門就… 比豪門更加愁
我覺得風水呢樣嘢就比大家（包括我自己）諗得博大精深好多好多好多…
我老師有教弟子班（即係無得比錢就教你，要老師邀請你先可以入，學費照交），呢類弟子最耐嗰個講緊係學咗10年甚至以上
如果你話個老師廢，個學生點會跟佢咁多年呢？
我個人覺得，要大概知道個概念，係咁易擺下流年，可能一年左右就ok（上曬初中高3班）
上咗1X年嗰d弟子，我都想知究竟佢地學緊d乜
如果係其他玄學嘢，例如紫微斗數，我相信1-2年應該係學得曬，至於有幾勁，就睇自己領悟力啦
我有同風水弟子班d師兄傾過幾句，佢哋一問就問我之前學開d乜嘢，我話第一次學，佢地都異口同聲地話跟呢個老師學行少好多願望路，話大師兄之前行咗好多冤枉路，係跟咗依家個老師先定落黎一路學
如果淨係講學習體驗，呢個老師我係好推薦嘅，因為上堂輕輕鬆鬆，佢份人都幾風趣，最緊要係… 雖然佢無講到明，但好多蛛絲馬跡我覺得佢黃既
佢有大概30年教學經驗
1X年係台灣，近1X年係香港
有你真好
，快啲介紹俾我，仲收唔收生㗎？
可能我係明燈
普通學生長期收生
老師d班唔會停
但開d乜班就要就期啦
係度利申埋先
我只係係度分享d皮毛嘢
唔係開檔做生意
大家如果私下有嘢問、求，可以唔使PM我
因為我唔會答
post floor plan問嘢我一律時運高睇唔到
大家吹水為主，千祈唔好搞到個post邊曬質
我係報咗風水班學緊風水，唔係幫人睇風水
我都係跟咗一個老師幾年, 行咗好多冤枉路, 最後頂佢唔順走人… 之後就無學啦
想問下點先知道自己行冤枉路
其實我都唔知我個老師係咪良師
我係學呢派
基本上係用大廈門度坐向
將開又講，我有個好朋友N年前都有請人睇過風水，4-5年前收5-6K咁上下
最近我問返個朋友話佢屋企財位係邊，佢話唔知
講下講下佢話好似係睡房，師父教佢他擺豬仔錢罌擺錢，跟住話佢地層樓2024先開始旺
但事實上呢，我朋友最近發現佢老公原來一路借卡數去幫補家用（講緊係2X萬）
我唔知佢哋層樓2024係咪會變旺，但睇完風水唔知屋間屋財位係邊，一路住落財運都係麻麻，咁比個幾千蚊睇黎做乜？
難怪咁多人話風水佬呃你10年8年啦😵💫😵💫
唔係話我學既風水先最正統，因為我覺得風水同宗教一樣都有好多派別，無話邊樣係最好嘅，但起碼我依家學緊呢派係講緊睇完風水後（擺好個陣後）一頭半個月就應該會明顯有感覺。
以我自己為例，我今年6月先開始擺流年，依家1個月左右，某程度上d好消息係慢慢陸續黎。好似係我小朋友學校有著落、我老公工作方面有不同嘅好消息，咁對於我呢個FTM黎講，小朋友學業ok，老公事業ok，我仲有d咩好求呢 唯一係講我依家心情會輕鬆d、個人開心d？
可能d好消息係咁啱啫，但我覺得既然如果係咁啱但又keep住有好消息，咁都幾好呀！
（但其實邊有咁啱啫，以我老公工作方面，一個月前根本無expect咁多利好消息）
我都係學玄空飛星
即係全棟大廈嘅主要入口嚟定坐向?
咁每個單位嘅大門呢?
當佢經常性今天的我打倒昨日的我, 咁即係連佢自己都唔肯定。
基本上無乜用
只係用黎定門口收乜門
係
用大廈去定底盤
始終我學習時間仲短
未feel到老師有無前後矛盾
畢竟要get到發生緊乜事，都要對呢個學問有d了解
你個老師係邊度？九龍、香港
我依家學緊係九龍，9/F
希望無同你撞老師
放心, 唔係佢。
好彩好彩
你之前學嘅冤枉路
即係唔係用我學到嘅方法定坐向嗎？
佢嗰套用自己大門去定。冤枉路唔關佢點定坐向事, 因為派派唔同無得講邊個對錯, 問題係… 佢畫法錯嘅, 會偏咗去左邊15度, 仲死唔肯認 (佢仲有好多其他問題)
其實我都唔信服用自己大門定, 我覺得應該以大廈主入口定坐向, 再睇自己大門入咩星(氣)
咁你都好勁bor，自己可以領悟到咁多嘢！
我只係好學生，老師講乜我就聽，未分辨到有無前後矛盾嘢
不會老師自己都講：教紫微斗數佢毫無保留，教風水佢就有好多保留
否則點會有一堆入室弟子跟足佢10年8載呀（但我明bor，教風水，都係一門生意）我唔怕學得慢，最緊要係學得啱