求其報
每堂$300，一個月4堂，3個月為一期（一個level），學費每個月比一次
不過地點唔就腳，我要特登過海，來回車錢應該比學費貴，同埋時間係放工後，for我呢d FTM反而唔太好
如果無伏上完初、中、高班後，我應該都差不多時候搬屋換樓，到時可以實戰呢個係我個如意算盤
其實之前我都有實戰經驗，但始終係自學，遇到問題亂咁估，希望今次有老師教，以後自己睇風水更加順手
我嘅實戰經驗就係買邊層樓就係根據風水決定，裝修前所有規劃又係跟風水黎搞
我無乜擺d乜嘢風水陣，因為我覺得個效力一定無以上兩樣先天條件強，同埋我覺得普通住宅風水係環境學
（磁場呢類），係古人智慧，同坐月類似（所以我都buy坐月呢套㗎）
以我呢個師奶利益為出發點，有d tips for大家：
廚房代表女主人之財，同埋係屋企地位，所以有咁大得咁大就最好。我老公一路好鼓勵我將廚房整大d，係以為for我煮食就手d，咁佢就會好口福d⋯⋯
哈哈哈，不能說的秘密
都幾好，讀完成個course 可能平過搵出面d師父
從來無打算搵師傅
因為我覺得應該真係有好多神棍
靠自己穩陣d
當年買樓前又係睇左幾本風水書自己研究
風水班，都要睇師父係呩係有心教
任何一個班都係
就算做個普通學生，以前學校都有hea教老師
一個月比$1200，如果唔對路上完就算
係！等你分享
其實仲可以考慮自學，我阿媽係成功例子。佢冇拜過師，只係成日睇玄學家嘅嘢，呢個興趣已成三十年，佢可以自己起命盤、睇風水、改名，仲同幾個有少少名氣嘅風水師有交流
佢成日話自己只係為興趣，但興趣都咁pro我都真係好佩服佢
我一路係自學
但今次想正式拜下師，睇吓有無分別
如果跟師傅，我可以幫下d朋友，自學我只敢搞自己d嘢
Antie應該好有慧根，玄學呢樣嘢，好講有無慧根
我阿媽就係咁講，所以只肯幫家人同最親果d朋友睇。連我朋友開到口問佢都唔肯幫手。
佢雖然有慧根，但我覺得有啲太沉迷，仲越大年紀越嚴重，所以間中同唔信風水嘅我有衝突
有無d例子呀？
我屋企係開放式廚房, 係咪唔好?
上年結婚後直接搬入老公屋企, 冇乜點執過, 冇辦法…
例如要求基督徒嘅親友屋企擺風水陣；家人見唔成份工係因為冇著佢指定顏色嘅衫…
講嘢可以清楚d嗎？
你屋企=你老公屋企？
咁Antie又有d強人所難喎
同埋我唔buy著乜色嗰類嘅風水嘢，呢類太迷信啦
普通住宅風水我覺得係環境學 比較有根有據（磁場呢類）
未婚前老公自己一個住, 宜家變左我地屋企 
ic
基本上住3個月左右如果間屋有問題，健康財運都會麻麻地，無事無幹就唔使特別去再搞佢
廚房係財位，財不可露眼，尤其係灶位（煮食爐）。
開放式廚房對健康同夫婦感情都麻麻地（風水上）
但搞廚房好大工程，如果以後有機會搬屋先再搞啦
留位問,我突然醒起我隔離離婚POST間新村屋廚房都幾怪 
佢有2個開放式廚房
哈哈哈
廚房代表女主人，一間屋有兩個廚房
有D house好興有兩個廚房
一個大龍鳳明火中式廚房,另一個輕盈D無火焗爐西式