應該每個風水師傅都會知，但無人講出黎
1個讚
update下d風水小貼士先
家中飯枱圓形橢圓形為佳
長方形都ok
最忌正方形（四方城，用黎開台㗎）
想一家人凝聚力好d，齊人開飯，可以係枱底放4粒正常大小嘅白石
5個讚
咁黎緊下年風水應該點擺呢？
咁心急
半年後嘅事依家就要知？
你今年流年有無擺？
今年冇呀！舊年有！今年同下年會好唔同？定係8運基本上都係咁擺？
唔知你跟邊派擺
但流年係每年都不同
同幾運無任何關係
我冇跟派冇學過，聽你地講得多咋！ 
我無教過人擺流年風水呀
上年買咗樓，咁啱大廈座向同屋企嘅主窗係同一方向 
裝修前搵咗師傅睇風水，都跟咗師傅嘅意見做裝修，但入伙咗幾個月好似都麻麻地順咁，少少擔心 
其實風水好快應
基本上一頭半個月就會有感應
一命二運三風水，如果命同運嗰度無問題，就係關風水事
你覺得麻麻地，係因為點呢？
有機會係大廈入口非吉，咁單位都係跟大廈入口
其實風水嘅嘢要考慮嘅嘢好多，我呢個貼士只係幫手篩選，之後都係要搵人睇大廈入口係點
其實室內裝修靠風水係好後期嘅嘢（過五關斬六將），因為本身係要論個盤吉唔吉
即係要check，大廈入口，屋企單位，屋企各房，跟住先會考慮點去裝修間屋，eg拆牆、換房門位置，然後先會係裝修好嘅單位安放風水物品
你既然有搵人睇風水，應該用盡d係一開始就睇
其實我嘅感覺有少少矛盾
我大概3月搞掂裝修，4月左右入伙。3-5月其實中咗成6次六合彩，雖然都係啲細獎，但咁多年以嚟係未試過… 嗰陣覺得間屋都幾旺自己
之後開始就有啲投資失利，健康上係成日覺得比較大壓力（同工作+依家社會環境有關），亦因為咁用咗唔少錢調理身體 
… 所以其實又未必關間屋嘅風水事 
加上我今年開始轉大運，所有嘢真係亂上加亂，心態上都好負面，搞到感覺上好似搬咗屋之後仲唔開心咗咁 
都係買完樓心血來潮，裝修前想搵師傅睇一睇，之前係無諗過。其實有問過師傅覺得間屋點，佢話算係中間偏好。只係感覺上住落總係有啲嘢咁，唔知所係咪自己凝住
雖然我是教徒，但我都信最基本嘅風水，即係住得舒服(唔好打頭，我唔係要踩場)
我追晒你個Post, 好多嘢學
1個讚
如果風水唔好點會有獎你中
可能你間屋係利橫財
但投資算係偏財
分得好細ga
其實睇風水唔係單單去斷間屋凶吉，最重要反而係去tune間屋
好似你去睇醫生，唔係去求醫生斷症only，最緊要係開藥醫病呀
不過一命二運三風水，運影響會大過風水
咁其實有無擺d咩風水陣？
要打下
不過講真，我覺得我學緊呢排風水好環境學feel，唔係d迷信type，當個參考都好
eg師傅講過d鞋一定要收係鞋櫃，其實就算係普通常識論，呢樣都係好事
但事實上，好多人係會將d鞋擺係屋外
2個讚
其實有冇話點解？
出完街啲鞋臭臭又有濕氣要通通風，下下都放鞋櫃個櫃咪好臭？
你都話d鞋臭臭地
門口對於陽宅風水好重要ga（風水上叫入氣）
一黎就經過d臭氣先入屋，你覺得會係吉定凶呢？
好似如果去爆石，就會係關廁所門去爆，而唔係走去開住廁所門去「通」走d臭味啦，要臭，就由得個廁所去臭，唔會因為想廁所冇咁臭，想d臭味分散係房/廳
另一樣例子，如果個垃圾桶入面d嘢臭，你係關個垃圾桶蓋，定係開垃圾桶蓋去散味？
鞋櫃臭，可依用下d吸味劑去解決
BTW我一路都擺鞋櫃，鞋櫃從來無臭呢樣嘢
3個讚