千其唔好咁諗、求過於供既時候就會出現負荷崩潰
佢有口音，可能幫自已人有親切感d 
我個獨留家中有時OK，有時唔ok，佢自已落街都得，不過差果時就連行都行唔到，要用埋尿片，所以先排定老人院，我地預計排10年，咁10年後佢一定仲差 
不過你果好醒目呀，識出貓 
好有考試 出貓 feel，
便秘我覺得食呢個幾好，無色無味加落水到佢都唔知
https://shop.nestle.com.hk/collections/fitness-beauty/products/optifibre
2個讚
咁都係既, 每日都有好多人要睇醫生, 做呢行, 真係要好識得整理自己情緒
係人都有會頂唔住既時候
但個條友咩唔使人幫, 真係痴膠花
其實你阿婆個時, 係一時差, 一時好? 定係一直慢慢咁差落去?
(我都明呢個病只會一直差, 但會唔會有可能係一直到停留係一個階層, 唔會再差? 即係個階層會係一段長時間(半年, 1年, 2年咁?)
咁你都係準備好, 做定準備, 我都係不能接受 / 想像, 有人會咁講野
唉, 個時囉, 而家就未必有咁醒, 岩岩先問完我個洗衣機點用
(我覺得佢下午精神D, 講野有紋有路, 但晚上,可能佢攰啦, 所以無咁好精神, 唉, 唔知啊~)
正, 謝謝你, 即該去左HKTVmall, 買左盒
希望都幫到佢啦, 最重要無色無味, 唔使tum, 之前個隻我都講左一大輪佢先試
真係口水都乾
謝謝你
睇到我勁嬲
俾我投訴到佢天腳底都要繼續投訴，Post上網唱衰佢，你好慘呀，遇到啲咁既西人。
其實身邊上左年紀親戚同朋友父母、當中都有腦退化的、經濟上冇咩問題果啲就請工人、日日夜夜都有個熟人及熟悉環境在身邊、會減輕腦退化患者的焦慮不安感。
每日可以既話就比一啲活動去增強記億力（打麻將係治療一種、或者了解一下患者後生的活動興趣）/另外有機會就保持做運動（行行企企、踏單車、拉繩呢啲簡簡單單佢地都鍾意玩、可保持減慢身體僵硬）/靜態活動可以播一啲佢年代的歌/電影比佢地睇。
飲食方面要留意番吞咽嘅能力、佢地會慢慢出現冇食慾情況、一般人會以為呢啲叫冇胃口、但可能係冇力吞唔到/慢慢失去味覺而唔想食野、咁到時你要改變餐類、比如正常飯要加多啲水改成軟爛的飯、再差就打糊等等、如果飲水都會濁親就要加凝固粉。
衛生方面、要留意大小便/沖涼問題、佢地隨著腦退化而開始處理唔到自己大小便/沖涼、咁樣會令患者出現衛生/皮膚問題。
藥物、係好多人覺得食左就會增加記憶力、所以會抱一絲希望去尋求防止腦退化藥物、藥力會因人而異⋯⋯舉個例子你食左維他命C就不會傷風感冒？
照顧腦退化患者唯一可以做到係共存你要按佢唔同既退化階段、做唔同程度既照顧、例如初期佢地會重複問問題、快到可以每10分鐘問一次、我朋友佢媽每10分鐘問一次幾時食飯
⋯⋯你要唔好激氣同樣要照答佢岩岩食左了、遊走先可怕、你要車大量名同電話的名牌、連在衣服上、方便游走時可憑衣服上的名牌尋回
加油呀⋯⋯
1個讚
我爸爸都係輕微腦退化
自理都仲OK,但開始唔記得自己做過啲咩
最慘係我地舊年已經搵社工,想幫佢排政府宿舍,但佢地話佢太醒冇得排,唔通真係要賴屎賴尿先開始有得排???(其實佢有賴過但唔肯認)
有冇人有排政府宿舍經驗分享吓?
1個讚
62好似有d腦退化症狀，99話佢個性情變晒完全同以前唔同，同埋好無記性。
62曉行曉走日日都要落街，佢話要落街買野例如買蔥，出左門口一陣又會打返黎問有無野買，99話買蔥，結果返到黎話無蔥賣買左薯仔。其他野唔敢講一定有貨，但正常買餸時間成個街市十幾廿間菜檔唔會蔥都無得賣。
日頭在家99話佢買左9個包，佢地三個人一人食1個，應該仲有6個淨，但係過左幾個鐘得返1個包，即係話62食多5個，我地日日都返工好少直接見到類似事發生。
另外有次62入左幾日醫院，出院時62同我講入左幾日減肥營，返到屋企99問佢知唔知自己去左邊62就答去左旅行。
有次62去政府門診覆診，99入埋醫生房話62性情大變依個問題，醫生寫左紙俾62預約左去睇職業治療，結果去到果日62話唔記得左去睇，依家再等下次個期。
99同62係對怨偶，一開口就互相傷害，互相呼喝，有時我都覺得62係反叛突登做D野黎激99。而我老公就企99果邊，因為62唔識做人老豆淨係識搵錢，99又唔識做人老婆淨係識得O係我老公面前講佢老豆不是 
我做新抱，可以做既野都係返到屋企就同62講下野，傾下計，講下我公司既野，就算62答野又長又悶我都會應佢，不過99就O係旁邊反白眼，又用口型話我嘥氣。
99直頭想62唔識返屋企，報得兩三次警想快D排到老人院唔洗對住佢。
就咁睇性情大變、買蔥、麵包同入院呢幾個例子，已好似腦退化症早期情況，99/老公同佢關係幾差都好，搵日請假睇醫生啦，唔好拖，不過身抱做到嘅都有限，最怕再惡化時你地冇準備先慘
就在62應該要見醫生既夜晚，我放工返到屋企99好氣憤咁同我講62無去到見醫生，我問係因為疫情所以唔想去醫院? 99話62唔記得，我問99做乜唔提佢，99話點知佢唔記得。
以我對99既了解，99唔係想62睇左醫生之後有藥食或者延遲症狀，佢只係想醫生證明自己一直話62有腦退化症係講錯。
真係關心佢既，明知佢係無記性係去見醫生果朝做乜唔提?等佢無去到先講黎把鬼咩！
我認我衰女，普通野門面野我會做，把口提下佢地去覆診我會，但唔想插手太深入佢地d關係入面。
我婆係越黎越差，慢慢差落去，但基本上仍可自行應乎到日常生活，容許佢可以自已落街 (差果時佢又扭落街時我地只好係後面跟蹤佢，有時扮係街撞倒佢再一齊)，我返工時遇上我媽要出去，佢仍然有能力自已一個都可以煮到飯食 (食材係雪櫃)。
不過有時佢發夢後會以為真實…扭計扭到反轉屋企，拆屋咁款。又試過個腦突然錯亂半夜唔訓覺，日頭又唔訓發曬脾氣，唔認得自已仔女，只認得我，我地送佢入院，醫院以為佢爆血管照腦，無事，佢繼續扭計，不停出走，甚至睇錯牆身係門唔停按製要開門，開唔到門就繼續搵路走。後尾等到醫生開藥，俾粒藥佢食平靜左，就係醫院又狂訓補眠，訓醒又正常返，出院後又無乜大礙，一年 loop一次咁囉，出院後照舊唔記得自已入過院。
講多樣好笑野你知，我宜家就係怕我媽將來唔識用洗衣機，換機時買左部最易用既機俾佢，只要扭1-14數字，或者按橙色制已包洗包乾衣，因為我無咁好氣講完又講，寫完又寫 
你可以打電話去雀巢到問佢拿幾包sample架，我果時係先拿sample試完覺得ok先買，加落湯到佢完全發現唔到，雀巢cs都幾友善。我之前叫佢飲智敏捷都講到口水乾啦，雲尼拿味=奶 = 唔鐘意、咖啡味=咖啡=提神=唔飲，我放棄只叫我媽飲就算。
我要返工，我媽又要揍個「大BB」，搵主任投訴過，主任都係咁款，仲話我目標係咁遮，同埋呢個PK社工專係我返工時我媽買’'食送’就打俾我婆講電話、家訪，攪破壞式，攪左幾個月後我婆又病又入院，最終 close case.
1個讚
講起糊餐，我婆差時都食過短時間，因為佢唔肯食呀，最終我地全部人陪佢食糊餐，開飯時全部糊，佢點揀都係得糊 …佢話要落街食喎，但又無力行 
哈哈
好有畫面好有愛呀
照顧腦退化其實少啲精力都唔掂架
我以前有個同學、佢嫲嫲好突然有一次
深夜開門外出、話趕時間去飲宴
重複多次夜間行動後尾醫生話腦退化
好快又好突然差到一年內唔認得人
最後要臥床便離開左
所以要珍惜時間
1個讚
我個係輕微腦退化，醫生叫遲d排，大約5年後見佢差d要求再評估，
醫院叫職業治療做，排期，等，做完覆診睇報告，
醫生又話要做埋行動評估，又去排物理治療，又排期，等，做完覆診睇報告，
期間入院轉左去醫務社工跟，未跟好就出院又轉家庭服務部繼續處理，
家庭服務部社工玩野，玩左半年我地 close case，
佢又入院再叫醫務社工跟，話叫醫生再做評估 (果時佢入院時已經要用尿片)，咁評估完係中度可以排。
我地經濟都OK啦, 係間屋無位…
睇完你段文, 炸炸林開返個麻雀game, 扮晒唔識咁問佢打邊隻, 但唔知佢係眼瞓定點
亂咁黎, 以前佢都打得好好架… 食完飯佢瞓左一陣, 好似精神D, 但對答都係有D混
佢話對腳無力, 又係炸炸林叫佢踢下腳, 郁下個人
佢都真係無咩個人興趣 , 可能睇電視啦, 希望之後都可以叫郁佢做下運動
暫時佢食野都仲有食慾, 頭先未到6點已經開飯, 但佢唔記得按飯煲, 6點半先真係開飯
(得1碟菜, 後面我係雪櫃拎埋D急凍食物)
(因為佢之前成日都胃痛(個精神科引發既問題), 所以佢想日都要/想食野)
希望佢唔會咁快有呢個問題啦
暫時佢都仲可以自理, 如果佢之後出現呢個問題, 我就真係好大問題, 佢唔係瘦人
我希望佢係大眾, 唔係小眾, 希望如果佢食左, 真係可以減慢退代
(應該每個照顧者都係咁諗, 真係見步行步)
係, 無錯, 以前有D咩唔岩, 我地都會嗌一餐,
而家… 個心境唔同佢, 佢未必有意悉咁講, 講完佢下一秒就唔記得
你嬲, 嬲個幾秒, 下秒佢又對住你笑返, 嬲落去都多餘
我覺得佢好慘, 明明我地係諗住佢可以"診"武肺退休, 裝修埋間屋, 可以有個好環境,
點知, 裝修完, 搬屋個日就係出事既第1日,
而家佢就真係好好咁休息下…
好彩佢平時唔係點自己出街(都唔知係好彩定唔好彩)
暫時佢都未會去到自己遊走, (但佢就想自己落街帶狗散步, 好彩每次都發現到, 同佢一齊落街)
加油, 唉… 我都想, 個心成日都好攰(佢病之前我都已經係好攰)
而家仲攰, 希望阿哥生性, 幫下手, 唔係下下有事, 無事都留係房, 陪阿媽多D
1個讚
其實我覺得你做新抱既已經好好, 我個人係覺得99有問題
係個種包拗頸而且一家要拋贏個種 / 又或者係佢唔接受 (唔面對現實)
唉, 係佢地既緣份黎既, 你點幫, 都幫唔到個99
要等99自己領悟, 佢老公真係病左啦
, 呢個方法好正, 比佢發現左就話, 咁岩既
咁都算係OK啦, 起碼有自理能力, 係要擔心佢唔知走左去邊O者
咁真係有醫生開既藥好D, 我媽而家都係準時食藥, 差唔多佢就自己瞓覺,
暫時都未有咩出事, 但如果日頭佢眼瞓, 我淨係會比佢瞓半個鐘至1個鐘
怕佢夜晚瞓唔著, 到時我地瞓左就大件事
我諗起, 我過左身既阿婆, 佢以前係我地度住, 會對住塊鏡係咪講野(因為佢講上海話我聽唔明, 唔知佢講咩, 但我有同舅父講過, 佢知阿婆講咩, 我先知, 原因阿婆有埋怨過阿媽, 結婚後唔返屋企, 覺得阿女嫁左就唔理佢… ahhhhhhh, 怪唔知得我媽唔想我嫁啦, 原來係想我唔好離開左, 過左咁多年, 終於都明白, 唉… )
好叻啊你, 買部易操作既, 又可以一次過洗衫乾衣, 連掛衫都慳返
(我個部都得, 但要接多幾個制, 我個部係開機> 轉個盤(但如果要乾衣就要按多一個制)>開始
佢都要問我, 我個下真係O左咀)
無啦, 反正都係無色無味 , 我都唔想等, 早買早享受啊
真係, 同佢講野, 有一排喉嚨乾到痛, 講野講到好似唔夠氣咁, 一輪咀, 係咁講, 講, 講
1個讚
即係要再嚴重啲先有得排…排得嚟都十年啦
1個讚