我媽10月開始, 睇左醫生, 做左電腦掃瞄, 腦有縮細…
佢情況比我想像中黎得快…
想搵人傾下 
以前爺爺有
而家好似有藥控制？
God bless ur family!!!add oil
pray for U
1個讚
呢層我唔清楚
因為其實… 佢本身有睇開精神科, 10月某日講野9唔答8,
又認錯晒人, 咁第2日咪帶左佢睇醫生, 醫生話入醫院睇急症之後住左幾日院
個時都無咩野
之後就無食精神科藥, 10月至11月就出現其他身體不適
來來回回住左好多次醫院
最終等到去睇返精神科, 食返D精神科藥
身體不適就無晒
上星期去返醫院覆診, 但醫院無開呢D藥
(可能我無講)
記錯日子就一定
上星期開始, 問D奇怪問題
(例如, 舅父係咪係房呀? 咁我地一直都唔係同其他人住)
佢清醒時, 話發夢見到阿公阿婆坐係屋企
咁呢排出現既角色就多左阿公/婆 (阿公/婆走左好多年, 起碼都廿年)
頭先去完食完lunch, 之後買餸, 都係我陪住佢
佢返到屋企之後, 我再落街買D野,
返到屋入門, 阿媽第一句就問, 阿媽呢(即係阿婆啦)
我話佢死左啦, 佢聽唔到我再答多次, 佢死左啦
都係聽唔到, 我就話, 阿婆走左啦, 走左好多年啦,
佢就笑笑口
我問佢, 點解咁問呢,
佢話頭先明明見到阿婆跟住我, (打左個冷震)
我話, 佢走左好多年啦,
坐車返屋企, 佢無拿拿話, 以為舅母係我房瞓緊
一係就認唔到隻狗, 以為係佢自己細個養既lucky
(佢細個都有養狗, 但以我所知, 佢個隻係西施定唐狗, 總之就唔係貴婦)
有時我都唔知點答 / 點面對佢呢D突如奇來既問題
到底係真心答, 定係"講大話" 定係可以點
點樣答先係比教好…
佢似乎loop緊細個d記憶
你幫佢裝平安鐘之類，驚佢自己出左去
我婆有，由輕度變中度，但都好精靈聰明，8x識用手機去打機，whatapps，影相，有食藥減慢退化。
我媽就輕微，飲保健產品(智敏捷，係中大教授推薦)keep住。
你係邊做電腦掃描？我見私家好貴呀，話要7k幾。
有時不用答真話，佢問完都未必記得，佢果刻情緒需要乜就俾佢，耆智園有攪家屬照顧課程，你可以zoom去聽下。
1個讚
我有聽過有藥食，因這病屬於會遺傳，除左爺爺，我大伯都有這病
你而家首先寫定佢啲個人資料及聯絡家人電話俾老人家掛喺頸度，怕佢唔記得路返屋企
佢會慢慢好多嘢唔記得，甚至去到唔記得小便要去廁所（好後期情況）
可以打下麻雀改善既，試下無壞
1個讚
樓主比定心理準備自己, 以而家醫學都只能減慢退化,
遲D生理機能會更差, 大小二便失禁, 走失(整定手帶, 但醒目到自己拆左…), 行動不便,
本身有冇其他人照顧開伯母?
有冇都好, 都要諗下點樣安排, 會唔會請工人(你一個人一定會身心崩潰),
本身有冇兄弟姊妹分擔? 我指財政, 係時候要諗定不久將來機能再差時, 連工人都未必照顧到, 要入安老院, 除非你屋企過千呎, 會改裝屋企, 請兩個工人全天候睇住。
唔好有道德枷鎖, 一個成年人照顧一個自理能力只有BB一樣嘅老人(成人), 對雙方都唔係好事
3個讚
agree , 其實病人問完後幾分鐘, 佢都未必記得件事, 只需要安撫佢即時情緒。
我無記錯的話部份長者日間中心有暫託服務, 但只收行得走得嘅老人家, 而且唔知要排幾耐先入得,
就算樓主唔駛返工都好, 比佢入去大半日, 起碼可以比自己休息下
佢似係, 佢而家應該係同細個時個撈亂晒
平安鐘就… 因為1來, 佢唔係用開電話, 佢都唔會成日帶電話 , 所以我比D咩新既野佢, 佢都未必會帶住, 2來係, 我同我哥基本上都係有人陪係佢身邊, 暫時都未有需要住
咁佢好叻喎, 8X都識用手機, 我媽最多都係打麻雀, 但換左部新電話, 個app update左, 成日都彈D野出黎, 佢無心機玩
謝謝你分享, 我一陣睇下資料
電腦掃瞄, 我係荃灣, 安美醫學診斷中心做, 有醫院轉介, $6360, 照腦, 之後交左比保險, 唔知有冇得claim
明白, 我真係當下個心好難過, 但明白佢係病, 只係我真係唔知點樣答佢, 先可以令佢唔難過
謝謝你分享資料
我諗都係啦, 因為我婆都係有呢個病, 當時係我另外既舅父照顧佢,
所以我婆有, 我媽有, 如無估錯, 我應該都會有 
希望樂觀D, 可以唔會有啦
有, 我有寫低資料, 放係佢銀包, 佢都係個會帶銀包既人
要佢掛野係頸, 佢應該唔會so 我
暫時佢出入, 都有我或者我哥
睇到你呢句好驚, 有日如果佢問我係邊個, 我驚我會 
(岩岩佢又問我, 有幾多人食, 我話我地3個囉
咁舅父同阿媽呢? 佢地唔食啦,
佢地走左啦? (我都唔知佢既走左係邊種走)
我話舅父返屋企啦,
屋企??? 係啦, 佢屋企係XXX, 唉, 唉, 唉)
如果佢唔可以自理, 我都唔敢想像會係點
除左我同阿哥之外, 無了,
個阿哥仲要勁廢… 無咩幫到手, 返到屋企就淨係係房, 食完飯就返房, 一係就攤係sofa睇電視, 所有家務都唔會做, 佢會做既就係問佢, 佢會比錢
請工人唔會啦, 我地屋企無咁大
安老院我就真係唔敢諗, 因為住安老院, 真係… 以前阿公都有住話, 就淨係瞓係度
加上而家D安老院新聞, 令我唔夠膽再諗落去 (冬天推D無著衫既公公婆婆出去沖涼)
我明, 但到支針吉到埋黎, 真係會痛, 好難揀
(基本上我哥都係… 有病, 我地不嬲關系都唔好, 可以用惡劣黎形容, 你想搵佢幫忙, 佢未必做到我想要佢做既事, 佢唔會主動幫手, 你叫佢做, 就係做個一下, 唔會有多
呢個真係唔知要排幾耐, 我都想有得休息下(心靈上, 但暫時無咁既機會)
1個讚
搵醫院醫務社工幫手, 排政府安老院起碼等十年,
唔係嚇你, 同樣都係食藥, 有D人惡化得快, 有D惡化得慢,
我屋企人就係幾年內惡化到大二小便失禁、行動不便,
個個要返工, 呢個階段日間護理中心都唔會收, 只能入安老院,
呢個世界唔係有愛就解決到, 一個人點幫一個手腳唔靈活成年人過床? 隨時你拉傷之餘, 佢亦跌倒,
一定要諗定最壞打算
我爺爺果時係會連著褲都唔記得，唔認得你好正常
你得閒俾啲合照佢睇，寫住合照既係邊個（睇電視見啲人咁做），佢唔記得可以睇返相簿
我地當年出街, 唔記得係收銀比錢, 定係望緊巴士站牌, 再轉頭望佢, 佢已走失…已即時報警, 搵左成個下午先搵得返。佢唔鍾意帶平安鐘、電話、手繩(政府嗰隻係金屬)、頸鏈都好, 你都要諗辦法令佢係身上有記認, 呢個記認佢除唔倒出來, 銀包佢都可以忘記
造一隻金屬戒指，刻聯絡電話？
睇病人本身習慣, 人類好奇怪, 有D習慣係腦退化到仔女都唔認得, 但都會記得呢種習慣, 可能已變成本能反應。
我屋企人當年雖然腦退化, 但就分到手錶同非手錶,
佢成世人習慣左戴手錶, 我地係手錶貼左佢資料
1個讚
教佢玩FB又應乎到嗎？我直頭俾埋我FB acc佢入去睇野，睇下我生活圈係點…但俾佢發現到我有個朋友BB好得意，大叫好靚仔BB，又話買禮物俾佢，我朋友都知道又whatapps個仔相俾佢，佢睇完就好開心 
佢影下自已相what下我同我朋友，再睇下人地個BB相、打下麻將又一日 
…但機不離手就 
換片真係好辛苦，我試過係醫院一人幫佢換，後尾隔離床工人姐姐睇唔過眼都埋離幫手 
平喎，我問過浸會要7k.
我講多少少，當病人嚴重時佢會唔認得自已仔女 
，可能會係突然一日唔認得，但明天又正常返 
我成日同佢講：有乜事要話我知，有無人蝦你？(佢可能連夢境都當現實)，唔使怕，我保護你好唔好？我最錫係你。
佢要搵到一個人信任，咁你地會易照顧d，叫需果個人話佢知要點做就得，唔使嘈交.
係呀, 我見過一D人好有自信咁問, 當年你要換片時, 又唔見你父母嫌棄你, 點解你要幫父母換片時又唔得?
我地當年要換片時仲係BB, 一個成年人單獨都搞得掂,
但幫一個年成人換片又點同, 一個唔覺意佢起飛腳踢親你都得(唔係故意), 點可以咁樣類比, 根本唔係嫌棄, 而係能力做唔到, 問得出嘅人都唔知有冇親自照顧過成年人
2個讚