謝謝你既提議, 我會同我哥商量下先
(如果想搵社工, 係咪搵區議員先? 謝謝)
我諗你屋企環境都好過我, 你屋企買既野, 我屋企都未必有位放… Orz
可能醫療床, 老人椅未必有位…
可能如果真係太差, 真係會請工人, 但可能我或者阿哥要搬出去住, 因為屋企真係唔大
唉, 到時先算
咁你好好彩, 起碼請到個有經驗工人, 又夠力,
(聽朋友講)想請個工人姐姐都好難搵到個好既, 又14日, 又咩agent fee, 下下次都萬萬聲都未必岩心水
做照顧者, 大家都辛苦, 但求病人唔好辛苦, 開開心心, 健健康康咁過每一日
我嗰時係爸爸住醫院，有小中風，搵左醫院社工
如果冇入院，可能做左腦退化評估先？sorry 唔係好清楚
就算排唔到政府，真係搞唔掂，私人老人院都要住架喇。千其唔好覺得送去老人院不孝，至多你多啲探佢。千其唔好搞到自己崩潰。
可以睇多啲陳曉蕾記者的書/facebook，佢成日訪問照顧者，研究香港醫療制度，可以research定先
佢有搞個大銀 Big Silver, 專講照顧者資源 ,etc etc
don’t be
唔緊要啦, 我下星期都會去睇一睇醫生, 到時我問問醫生
又或者真係去問區議員 (都預左要周圍問)
你咁講, 我都會問自己, 點樣先會送老人家去去老人院
(因為我阿公都係住老人院住到到走… D舅父們同我媽係咩心情
(但其中一位舅父叫我唔好送阿媽去老人院, 住老人院好慘, 叫我就算結左婚都要照顧阿媽)
我夠知住老人院好慘啦, 但以我屋企咁既情況, 得阿哥同我, 阿哥又幫唔到咩手,
得我一個可以做到D咩, 但未去到我handle唔到既情況下, 我都會照顧阿媽, 唔會放佢去老人院)
謝謝你介紹, 我都有Like大銀, 有時facebook 都有新既資訊, 起碼都知一D資訊
遲D先再睇陳曉蕾記者D posts
(忍左好多日, 但今日真係忍唔住上黎問, 個心好亂, 好煩 又唔知可以點做, 想問下個阿哥, 不過心知問佢都係多餘, 好似全世界得自己一個咁)
佢再咁講,你話送阿媽去佢到照顧. 你出錢請工人.
如果係得你一個, 你哥又幫唔到手, 就送去老人院, 你一個係絕對搞唔掂.
之前照顧我爸, 係工人主力做操重野, 我媽每天在家睇住, 我同家姐都有幫手, 咁多人都覺得辛苦. 因為會有好多突發野, 在家會跌親, 有時肺炎, 尿道炎，爸爸又成日夜晚唔訓. 沖涼賴屎呢啲工人一個做唔黎.
而且工人星期日+勞工假會放假的, 咁你就一定要全日睇住, 超級無敵困身.
仲要manage 工人個人啦, 又要處理老人家啲藥呀, 覆診.
嘩, 而家回想都覺得人都癲. 你一個人+工人係沒有可能做到.
不如夾多啲錢送間好啲的老人院.
咁我諗佢都係心痛佢家姐, 佢地2個係關系最close
我都明白佢關心佢家姐, 但唔係對我有期望就有用,
係我做唔做到
睇完你段, 個段時間, 真係辛苦你同你屋企人
如果係可以預見到既事, 都無咁痛苦, 最痛苦係你唔知下一秒會發生咩事
個心理壓力好大, 而你睇住佢, 無藥醫, 又幫唔到佢 
(呢D都係我要面對既將來)
好老實，飲幾枝一定無效果 
我果都飲左幾個月先好d 
你上網睇下原廠訂有無優惠做，我疫症後已經無買唔清楚價錢，始終長遠飲係好貴 
我個試過將醫院當左酒店，問點解我地會無(床)位架？點訂房架？隔離床又有人既 
咁講，當我婆好嚴重時我地陪過夜，我的確有見過姑娘凶病人，什至大聲罵都有見過，再衰d都仲有 
係我婆 
不過老細book左個人黎又一定要我跟，好無奈 
物理治療宜家疫症期，好亂。
買野食果到，佢會唔會唔記得食呀？
買隻玩具貓公仔俾佢玩又得唔得？不過又係好貴
嫲嫲8十幾歲，有腦退化症，請左個工人貼身湊佢，瞓覺要用尿片，星期一至五會去明愛嘅老人中心上堂，8點-3點，有校車接送，係for 腦退化嘅，你可以去明愛問問
我見佢官網都係$755 / 24支, 咁呢個錢我都afford得起 (我都仲可以搵個會比錢既阿哥share, 咁每人都係4百左右, 你1個人比就晒就真係貴啦), 最緊要係我媽肯飲, 又有希望有用 (雖然佢都係寫得26%(可減慢腦萎縮達))
哈哈哈, 伯友真係好可愛, 咁即係佢住院個排都OK啦, 住得舒服, 似酒店
最緊要係伯友舒服唔難過
我信, 真係信, 有D係因為對方未必聽到, 但久而久之, D姑娘未必有咁好耐性, 佢地都係人
會燥底, 之後就係唔友善既態度, 但希望佢地都係用心咁真心為病人好, 而唔係發皮氣咁對佢地唔好啦
會呀, 我問佢尋晚, 前晚, 大前晚我地食左咩
佢淨係答岩尋晚, 前晚同大前晚都答唔岩
(但我哥尋日下午買左D凍糕 (紅豆糕, 馬豆糕), 佢今日都記得, 我反而唔記得, 可能因為我無份食))
我地屋企有隻汪星人啦, 真狗, 會互動, 其實有隻狗, 我地一家既生活都唔同左, 比起以為大家都開心左, 雖然係要做多左野, 但, 每當聽到鄰居讚佢可愛, 得意, 我地屋企人都開心, 笑到笑多左, 以為阿媽未病, 秋冬我地都會帶佢出街, 行下街, 太平山都行過, 可惜而家唔得啦, 我1個人, 照顧唔到阿媽又同時睇住隻狗, 會同狗狗出行既日子應該無了)
好似位位都差唔多8十幾或以上, 其實我媽先七十… 精神科醫生都話以佢年齡黎講太早了… 
唉, 咁佢有得上堂, 同其他人一齊"學習" , 有社交生活, 都好過係屋企悶呀
又有工人照顧佢, 謝謝你既資料呀
你好有孝心呀！ 
多謝你.
純粹係父母都對我好, 咁我都對返佢地好啦.
我唔覺得人人都應該要孝順架. 例如如果啲父母重男輕女, 咁第時個女唔孝順都無可口非.
而且我係咁啱單身, 冇乜其他負擔, 先有能力做咁多野. 如果我生左bb, 真係唔會搞得掂, 都係要送老人院.
我地搵過社工、區議員，經驗上係嘔血！！！
區議員到選舉前會采下你，平時會幫你問下資料，但資料網上都有。
社工，醫院社工會好過家庭服務果d，當然我婆留院係見醫務社工，出院後轉左去家庭服務果邊，佢地好 hea，除非你不停煩佢搵佢，否則都唔處理，處理時佢又要求帶埋我婆去 (行好遠，無車答)，面見時佢話：你個孫話你 老人痴呆呀，你痴呆呀，佢要送你入老人院等死呀，激到我婆彈起，我亦投訴佢，搵社工主任，點知個主任話我同事有講錯咩，你唔係想咁咩 
之後又係我返工時，打俾我婆問我媽幾點落去買 ‘‘食送’’，襯佢買’'食送’時上去屋企家訪，影埋相話告我地獨留佢在家，一係告我地虐老，一係就我婆有能力自我照顧，唔可排老人院。
我地攪左好多野先排到老人院，最後係襯入院時搵醫務社工攪，要做腦退化評估(職業治療)、活動能力評估(物理治療)，再由醫生寫佢個程度係輕微、中度定嚴重，再點樣安排。
當時只係排期，排年幾後會有安排平少少收費既訓練課堂…
$755.24枝算平左，我之前買$37一枝，佢有分雲尼拿同 coffee味，先買少少試下口味 
我婆入院後回家，已經唔記得自已入過醫院 
醫院病人太多，護士人手有限，做到燥底，但有d的確好差，例如派飯時病人訓左覺無人叫醒佢食，之後個阿姐就大聲話病人拒絕進食，病人醒左按鐘叫肚餓，護士走埋去話頭先有飯又唔食，你等晚餐啦！
有’‘真’'汪星人，正啦，……陪到你媽都好呀！
岩呀，可能真係要無負擔先可以分到個身出黎 
哇, 好仆街呀,
家庭服務個D, 唔係幫人, 係害人
令人唔係開心唔係職責, 幫助別人先係呀
比我會再上訴 (不過個時都未必有心情)
我覺得就算我真係需要社工服務, 都唔論到個D仆街社工亂咁講野
有咩人有需要, 我心有個底,
我黎得就係希望阿社工你可以有咩提議比我, 有咩係可以做
面對親人有病個心已經好唔開心, 好心煩
你仲要咁樣做, 係為份工, 為興趣, 定係為你個人開心
其實我媽做左(職業治療), 不過個時佢都未係好似呢排咁差,
個時做同我對答都係無問題, 亦唔係有"阿公/阿婆"出現
#37蚊如果計返24支, 就888, 佢網頁而家都係寫原價888
咁我諗佢呢排做緊特價…
唉, 我都未得閒去買, 希望今日有時間可以去買啦
咁對你阿婆黎講, 可能好似一場夢咁, 個腦都未必分得清, 咁就… 忘記左
個D護士好明係懶同瀉膊, 唉, 總之無咩事都唔想入院, 病唔舒服,
仲要受氣
我係有投訴，上訴，但佢專登係我返工時、我媽買’‘食送’'就去攪我婆，同佢傾電話話踢爆我地d衰野喎 (我地set左電話錄音可以聽返)，一時又突擊家訪，好煩，最後迫到我地 cut case救安寧。我好記得見呢個社工第一句係問：你係邊出世？ (我話咁多代都係HK)，佢已經話幫唔到，我地應該適應香港生活，唔使人幫？
前後攪左一年，果時好火，宜家已經過去，好彩我婆好快唔記得左唔會嬲好耐 
除左呢隻飲品，我係腦退化展覽仲見過話益生菌都幫到，話要私家醫生開，費用貴，我無研究，無睇文獻，如果你有睇開私家醫生可以問下。
職業治療有無做100-7個測試？
但其實你話獨留長者係家中唔OK, 咁就更加需要一個地方比佢留係有人既地方
就係個D早上中午可以(好似上樓 cw0311話既) 老人中心, 咁屋企人先可以外出返工, 買餸嘛
不過呢D仆街, 我係香港人又點, 咩叫做應該適應香港生活，唔使人幫?
如果我唔使人幫, 我使搵你服務咩, 就係有需要呀嘛
佢都真係痴痴地線, 呢D咁既情況, 遇到呢D仆街, 真係早Cut早著
都唔係黎幫人, 係度攪攪震
而家過左去, 真係, 明白同知道, 原來就算係做社福介, 都唔一定係有心幫人
益生菌, 我都係iherb買, (因為我媽都有好嚴重既便秘問題)
私家醫生, (家庭醫生/精神科醫生) 都係開"草餅比我媽, 益生菌就無
但草餅越食越多, 但就唔多OK, 都係幫唔到佢幾多
有, 佢無幾多次答岩晒, 當第1日帶佢入院時, 佢減第1次都岩, 之後諗左起碼20秒先答到
個時我真係唔明, 咁易都答唔到, 平時佢數口都好精, 個時都未有心理準備
之後每次醫生問, 佢都無幾何答岩晒 (起碼都問幾次架嘛)
之後真係要去睇職業治療既前一晚, 佢拎左張紙出黎
係檯面寫野, 我問佢寫咩
見到佢係度100-7 , 我問佢, 點解要咁做?
佢話你地次次都問, 話我次次都答左, 咪做家先囉
到左去見職業治療啦, 醫生問佢, 我等佢答完,
就同醫生講, 佢出貓呀,
醫生望住我, 我拎埋個張紙
醫生係度笑, 又係問我媽點解要咁做
我就話, 佢驚答錯, 大家都係度笑
咩野道理嚟？要响邊度出世先會幫？