多謝你，我慣左d事情由自責開始，反省係咪有d位做得唔夠先發展到咁樣。62之前血壓問題入過醫院，醫生俾張紙佢叫佢紀錄住d血壓覆診時要睇，99同老公都唔理佢，都係我隔兩日就幫62量血壓，日日量左兩個月，依家一星期量2-3次，廢事佢食錯藥或者亂食藥又入院。
有時都會諗點解依d野唔係99或者老公做 
係呀，佢真係咁，連d極無謂既野都要拗贏，多數我老公會叫佢7左就認，我就多數唔同佢拗講完唔理佢等佢自己無癮。
佢一向都知，次次恐怖醫學講有咩幫到腦退化症佢就會睇，但又唔會跟住做，我見到有集都係話飲綠茶，我同老公突登去買返黎，結果沖得一次咁大把，得把口。
以我所知，女士如果曾有精神病，好大機會50多歲就已經開始會腦退化，仲係會急速退化，登唔到6 
唉我想用"一家唔知一家事" 黎形容下
可能係你未嫁入門之前, 佢地就係咁樣相處 (齋估, 勿當真)
你62就外出返工, 好少理屋企既事, 就淨搵錢, 所有野都交晒比老婆 (男人又少感情交流)
咁你99又覺得你返你既工, 我係屋企, 做返我既工,
你老公見唔會成日都見老豆, 而且無仇不成父子
就算我阿哥都係, 唔理佢老豆, 覺得佢講野唔合理, 就算我老豆當年最尾幾日係醫院過
我哥一次都無去過探我老豆 (我老豆都唔係咩文人, 粗粗老老咁, 不過佢都好鍚我地2個)
就算而家阿媽病埋, 我哥都係咁, 最多係同阿媽講多幾句, 但佢要返房打機, 無野阻到佢
唔係佢地唔愛對方, 只係表達方式同你唔同
(愛… 不過係在心中)
我發現, 我身邊D朋友既阿媽都係咁
(係咪個個年代既女人都係咁, 咩都鐘意拗一餐, 就算係衰左, 都唔會認輸)
我有諗過, 係咪以前就得阿媽太多, 佢話1, 我地唔會話2, 造就到今日阿媽們
去到唔講理, 總之, 我就係"岩個位"
唉, 拿, 向好方面諗, 99比緊機會你同你老公盡孝, 少少野唔係唔做掛?
(我諗佢自己都未必記得要沖)
或者放係當眼處, 一有時間就問99一唔一齊飲, 沖埋比佢飲,
大家一齊預防下
你99 或者 我覺得, 上一代既人
愛, 唔係做D咩感性野, 佢地用行動黎代替甜言蜜語
一路鬧, 一路愛你
咁我媽, 頂盡都係呢4,5年開始有精神病
係呢2,3年先開始睇精神科,
今日睇完精神科醫生, 我講完佢呢排發生咩事
佢形容為"斷崖式"下降
咁如果好似你咁講, 我媽都賺左起碼十幾廿年
你指登唔到6係指… 死亡?
估中，一向都係咁。
自己個阿媽都係咁，由我老豆開始縱，縱到依家我同阿哥受，不過主要都係我受。
GOOD POINT，可能套恐怖醫學都係俾我地睇，叫我地識做。
全新角度，大檸樂，我老公唔做即係99想我做 
你都要加油呀
我爸都唔食糊餐.
早期吞得好啲, 就剪碎啲野食. 撈飯.
後期吞得唔好, 朝早俾佢食鮮奶麥皮, 午晚餐食粥, 加蛋. 三文魚易處理啲, 冇骨易吞.
醫生所指的"斷崖式"下降，我奶奶係咁，從確診腦退化，去到無晒自理能力只係1年多d時間，因為連吞嚥能力都無埋，能係咁走咗了
你奶奶幾多歲?
其實傾左呢十幾日
好似做左個人生review咁
開心, 快樂時間好短
唔好到等到身體差,
先發現屋企個幾寶老左
我阿公阿婆, 阿(女麻)都係我未夠18歲前已經走左
阿爺就更加未見過
所以我都唔係好識同年長者相處
好彩既係, 起碼我都叫自問孝順阿媽
開心, 快樂, 嗌交, 咩都做齊
得閒飲茶, 行街, 每年去一次旅行
唔係同一屋簷下都視而不見, 不聽, 不講
頭先食食下飯, 唔記得講起咩
我媽話我哥係舅父
咁我又再問, 我係邊個
我媽話我係"仙蘭"
我話, 邊個係"仙蘭"
我媽話: 你囉
我問: 咁我姓咩
媽答左,佢自己個姓
我問: 咁邊個係我媽
媽: 我點知呀
我問: 咁點解我係度
媽: 我點知呀
我話我係度白飲白食
我理解點解我媽叫左我哥係舅父,
但我唔明點解我變左一個無謂人, 我有D嬲
其實我都明既, 我媽既屋企人, 得佢一個係女
所以我唔係佢屋企人
但佢亦都無朋友叫仙蘭
食完飯, 我再問我媽係邊個
媽: 仙蘭囉, 我點知點解你媽幫你改個咁既名O者, 個名咁好聽
唉, 仙蘭呀, 仙蘭, 別傷心
因吞嚥困難死果時59歲，差少少登6
《十個給照顧者的實用提示》可供下載：https://www.jccpa.org.hk/…/common/pdf/10hintsbook.pdf
腦退化症照顧技巧講座 2021 (第一季) 報名表格
如果只得正常的七成、算不算嚴重？評估師師只説不及格,應該是17分,現只有12分
如果想睇私家、應睇咩科？可否介绍一下？多謝各位
有7成點都未算嚴重啦??? 起碼可以自理先,
我媽而家好左好多, 起碼唔係之前咁混亂 (對答)
應該是17分,現只有12分 ,我記得滿分係30分, 如果而家12分, 咁真係唔算太好
(得1/3分)
之前我媽狂入急症, 最後正苦醫院打左黎, 比左條hotline, 有咩事都可以搵下佢傾計
咁岩有日佢打黎, 我就問姑娘, 腦退化應該睇咩科
佢答我可以睇精神科
因為我媽本身都有睇開
所以我無需要再搵一個
精神科醫生比左 “補腦藥”
最初食左2個星期, 佢少左混亂 (對答不正常, 成日有幻覺, 記唔起日子… 成日以為自己唔係香港, 等等)
到而家佢… 同街外人對答就一般啦, 有時會有D 9唔答8,
對屋企人… 無咩大問題既… 對答正常
如果你有需要PM我, 不過講明先
佢都好full下, (以前第一次book 要等3個月)
同埋我懷疑佢藍藍地, 但不能確定
收費大約千4元起( 我估係包含醫生既consulting fee + 藥費)
由今年1月起, 我媽覆診由3星期, 改為4星期, 之後5星期, 因為我媽係好轉, (最由要係睇D藥夾唔夾), 所以覆診時間可以長D, 5星期大約係1700蚊, 如果我無記錯
tobie,好多謝您詳細解答, 照顧者壓力唔小. 要身處其境,才明白難處,請問可否SEND ＰＭ 給我，有關醫生資料，因我暫時未學會發ＰＭ，我只識收，不好意思，謝謝
我都覺得我算唔好彩之中既好彩
挨過左最開頭, 搵到同患者相之方法, 自己都要調整心態
咁個人先會輕鬆少少, 要同你屋企人商量下點樣分配時間, 家務個D野
唔好一個人做晒, 記得要放鬆自己
PM既話, 你click一下對方個名
佢會popup個細window, 右上角有個信封既樣就係PM啦~
大家都加油
謝謝您的關心和解介紹, 我去問下, 
