你可以 search：LipiDiDiet_Factsheet_2014
我係2015年買俾婆飲，飲左幾枝就無飲，當時不同住好難攪。
就算唔起腳踢，同佢轉身已經好吃力啦，捉起一隻腳放一邊，推膊推腰轉，點同bb可以一手抽起對腳，一手抹 pat pat.
2個讚
咁如果無咩事, 我地都唔會揀正苦野, 原因只係唔想等, 十年, 真係人生有幾多個十年, 
唉,你咁講, 我都唔知到底應該比佢揀食藥定唔食藥
因為而家佢行路都唔係好穩, 咁有我或阿哥扶佢, 但佢行得bell 下bell 下, 成日都用晒D力去扶阿媽, 個人都好攰.
個日覆診我都有問醫生, 阿媽需唔需要柺杖
醫生叫佢起身, 阿媽連起身都唔穩 (而家佢要搵野扶住起身), 醫生都話要用柺杖,
但今日帶佢去睇, 佢點都唔要買, 激死我
好啦, 我岩岩都睇左一下屋企附近有冇安老院, 都有幾間 (希望唔係咁快啦)
有間類似agent 既, 寫大約四千至2萬, 咁個心都起碼有個底
佢變返左做個細路仔, 但聽落都覺得心好up (對唔住 
)
嗯, 呢排睇黎要影多D相, 我地平時都無咩影相, 唔好話家庭照
我地合照都好少
真係幾秒咋喎, 睇黎我要諗家如果唔見左佢, 佢會去邊
最後你係邊度搵返佢? 係咪佢平時去開既地方?
唉, 我媽無呢D習慣, 無頭飾, 無耳環, 無頸鏈, 無手錶, 無介子, 真係百無 
佢唯一緊張既就係銀包同八達通, 鎖匙, 但呢幾樣野, 呢排佢都已經成日唔記得放左係邊(其實都係放係佢手袋, 不過佢未必留意到)
唔得, 因為佢本身無咩朋友, 有幾個朋友但又成日呻埋D苦事,
我媽唔想多理, 所以無上網習慣
我比佢睇D貓貓狗狗相, 佢都係笑下就算, 覺得有我比相佢睇
佢對住電話既熱衷程度係差唔多近乎 0
佢對BB麻麻地…基本上佢都係無咩個人興趣
(應該話, 佢對屋企係做到100分, 但就無左自己)
一個人唔係專業人士, 我覺得真係好難, 點樣識得就個力, 唔整親對方同自己??
個成人體量點都係重, 就算我體量係量, 但唔代表我有咁既力氣
好彩有隔離床工人姐姐咋, 好人一世平安
浸會係私家嘛, 我覺得就算係refer, 佢都會貴D
(不過我舅父都話平, 6千幾, 算我好彩 
)
唉, 咁我都唔知咁樣算係嚴重定唔嚴重, 而家每一次佢問完D奇怪問題
我就覺得好難過, 唔知下次佢又幾時會再問… 阿媽呢,
應該都係我既, 如果係清醒時, 但從平時睇, 佢都係鍚佢個仔多D (即係偏心)
唔知到佢嚴重D既時候,佢會信邊個多D
其實如果唔係我哥咁廢, 我都好想佢信任阿哥多D
但奈何, 我哥真係好廢, 唔敢指望佢
跟本都無得比, 2個情況唔同
BB幾易拎起對腳, 但父母點樣拎起, 一腳伸開你, 你嬲都無得嬲, 仲要比佢鬧都似
search 左, it’s an on going project?
係關於D咩?
咁你婆婆飲左幾枝, 有冇D咩positive 反應?
sorry，我改改先，睇先無睇清就打左自已bookmark個檔案名，應該係：http://www.lipididiet.eu/
(外國既研究資料)
後尾港大都有做過d研究，不過我係取單張，post唔到俾你睇。
我婆飲左幾枝，我唔預有效啦 
，我媽就飲左成年，覺得佢無咁長氣，問完又問(唔記得又問果隻)
都係係區內搵到, 身上無帶銀包, 就係唔想佢走太遠,
有一次係成家人搵左成個下午, 其中一個太累諗住返屋企休息下, 點知見到佢企係門口…差人巡例問下佢, 佢話返左大陸…
另一次又係成家人搵左大半日, 其中一個親人係附近一間糖水舖見到, 親人即刻哭出來, 佢話, 唔好哭, 我同你食碗糖水…
而家諗返竟然覺得幾搞笑, 亦安慰, 對比其他走失老人家庭, 而一直搵唔返, 我地算好彩
1個讚
政府安老院起碼照顧得好D (私家就真係好參差), 呢樣一直係家屬最擔心, 不過政府始終僧多粥少, 我地當年都係私家。
老人家跌倒好大件事(我唔會用可大可小安慰你), 就算肯用stick, 遲D佢都會唔記得, 為有睇實D佢
佢語言能力無問題, 仲行得走得, 已經唔係差,
當佢忘記左你係佢親人係最大打擊, 但都要調節心態,
有時佢問自己阿媽去左邊, 我地話, 去左買送呀, 陣間佢就返來, 會買野比你食, 佢就會好開心, 唔好太介意佢撈亂晒時空、過世親人, 最重要係安撫佢情緒, 比安全感佢
唉, 我媽無呢D習慣, 無頭飾, 無耳環, 無頸鏈, 無手錶, 無介子, 真係百無
佢唯一緊張既就係銀包同八達通, 鎖匙, 但呢幾樣野, 呢排佢都已經成日唔記得放左係邊(其實都係放係佢手袋, 不過佢未必留意到)
觀察下佢會唔會唔鍾意戴呢D物件, 如果乖乖地肯戴、唔多手就無問題,
我亦見過有D家屬會係老人家件衫上縫塊布, 寫左聯絡資料
排左政府先算啦，等咁耐都時排唔切！
買柺杖我果時係先搵物理治療師做評估睇下邊隻適合，知道要用4腳叉時就係屋企洗腦，讚佢係物理治療部果到用左行得好叻，再預先去好多間復康店搵靚款，要有花有圖案(當年唔多)，搵到靚款後帶佢去買，仲呃佢抽中獎免費送，去到細細聲同職員講係呃個老人家免費，俾錢都係暗中俾，好彩個職員又好識做又讚佢用得好，好靚、好襯，用左行得好威水好有形 
。
買完仲要叫佢要用慣，用慣就去海洋公園行山，行山要用柺杖架，佢用慣左就記錯平路都要用
1個讚
我個都走失過，嚇死我地呀，我同老細講想早走佢又唔肯，好彩後尾係隔離村搵返，佢話：我去隔離村行下遮，行去倦坐下囉，遲幾個鐘返屋企遮 
我識路
但我已經即刻係手機 keep係佢樓，打好佢名，自已電話，萬一走失即刻出尋人post！
再整左個鎖匙扣俾佢，上面印左我地全家福，仔女電話 
當時真係嚇到六神無主, 佢仲有一次係係老人院走失左, 之後我地換另一間,
唔少私家唔會收曾走失嘅老人, 就算肯收都會綁住佢地, 好慘
係呀，一綁肌肉好快退化，之後一定唔使行得，佢掙扎就仲傷，手腳會瘀曬
唔綁又易走失, 綁左就更難行得返, 惡性循環,
所以樓主唔好覺得排政府耐、麻煩, 照排左先(雖然我唔清楚政府老人院會唔會綁起老人家),
次次佢走失, 我地都諗起港大校長太太, 走失後再搵返已陰陽相隔
我俾佢睇我 FB 渣，我同佢講：呢個我朋友，點樣識…
你媽有乜鍾意？煮食呢？我個早期睇電話專註度係「零」 
睇緊都可以走開，唯有慢慢俾佢睇，或者長開個 mon，有時開埋音樂聲引佢注意，慢慢會好d
排政府係鬥長命，真係排左先，好多老人家排到中途已經…
1個讚
介唔介意問下安美醫學診斷中心做既係咪 ：DaTSCAN？定係普通 scan個腦？
唔知講咩好
希望你同家人都平安
1個讚
要排呀，差好遠好遠㗎，我爸頭十年住私營，後尾輪到政府，真係天淵之別。
謝謝你比左一個笑既機會我, 謝謝 
雞腸要花D時間睇, 謝謝你既資料
本來想話諗住聽日去附近既屈神寺買, 但諗起1月1, 多數無開, 希望飲幾支會好DD, 有效果啦
咁都好好彩, 係區內, 都係佢熟識既地方, 如果老人家去到D唔熟既地方, 佢地都會驚, 怕影響到佢病情,
我媽住院個幾日, 佢都係話返左大陸, 之後佢清醒D既時候我再問佢, 點解你會返左大陸架,
佢話唔係, 係有個大陸婆住係佢隔離床
唉, 佢就好似好輕鬆咁, 同你飯糖水, 但屋企人就驚足成大半日
但真係好好彩, 搵得返, 唔使擔心
竟然? 我對政苦野, 真係好無信心
事源唔記得阿媽入邊間醫院, 個姑娘綁住我媽
我媽即刻打比我, 好惡咁問我係咪叫姑娘綁住佢, 咁我緊係無叫姑娘咁做啦, 亦無人打過黎
咁我即刻打電話去問, 點解綁住我媽, 個位姑娘話佢想落床, 驚佢跌倒
之後佢出院就行得好差, 我媽出院個時都仲係度鬧姑娘, 話唔好唔比老人家落床,
之後我都有解釋比阿媽聽, 佢地姑娘驚你行得唔好, 所以先唔想你落床
另一間就(我阿媽話)D姑娘凶佢, 又係唔準佢落床, 又出手打佢,
(咁我信姑娘係有凶佢, 但打佢我就唔肯定有冇)
所以我對正苦野, 真係… 唔多信
咁呢個我都知, 唯有再過幾日, 再tum佢買返支用 (我諗住扮佢仆親時, 我真係仆親, 再話佢2句, 要佢買支野)
每次諗到"你係邊個", 個心就好up, 但只會得一句"媽, 我係你個女呀"再笑一笑, 迫自己早日準備好
(如果真係有一日發生, 個心會好酸, 好酸, 但以我性格, 應該可以好快收執心情,
因為個句已經發生左, 過去左, 要著眼之後既每一步, 想喊就唯有留返係自己張床到啦)
好, 下次如果佢咁問, 我就咁樣答啦, 聽起上黎, 我自己都舒服D, 站係佢立場,
聽左都開心, 阿媽一陣就返, 又有野食
唔會啦, 我同阿媽一齊住, 我都唔見佢有咩係會日日戴係身, 有既就係銀包, 8達通, 鎖匙,
(可能整個鎖匙扣, 做多個保障好D)
係衫到寫都係一個好提議, 可以試下整, 謝謝你
我book 左物理治療師做評估, 但未有確實日期, 我諗就算有, 都要1,2個月後
你呢個方法都好正, 雖然唔知佢受唔受 (佢都知有電話詐騙)
唉… 佢真係無咩要求, 你比錢佢, 佢比返錢你, 你買野食比佢, 佢都唔一定會食
佢真係無咩愛好, 佢淨係返工, 放工, 屋企, 都無咩鐘此, 好傳統既一個女人
阿伯友都好輕鬆下, 係好既~ 不過如果可以打個電話, 寫低字條/通知一下就會更好
(你老細好衰呀, 咁都唔肯)
睇黎鎖匙扣真係唔錯idea, 會帶鎖匙機率係高D
衣 - x
食 - x
行 - x
佢無樣野有特別愛好, 佢又唔8掛, 唔酒, 唔煙, 唔貪靚, 所以淨低貓貓狗狗比佢轉換下心情
因為佢耳仔有邊聽唔到野, 另一邊聽耳又弱, 所以音樂都無咩用
佢既世界就係工作, 我同阿哥, 同埋狗仔
佢應該係做普通… 份report無寫DaTSCAN 相關資訊
(只係寫左腦縮細, 無中風)
咁誇張? 私營真係衰到咁???
搵左社工先, 睇下有咩資源可以攞.
就算你唔係諗住要送佢入老人院, 你都要排定先. 排左老人院, 有時啲社區服務會優先俾一啲排緊老人院的人.
我最後都冇送到爸爸入老人院, 佢就已經過左身. 生前最尾一兩年請工人照顧, 我媽媽又一齊睇住. 屋企買左醫療床, 老人椅, 輪椅, 便椅, 各種用品方便照顧. 如果屋企冇空間, 冇人力, 唔好勉強.
其實我有時都掙扎想送爸爸去私家老人院 (因為政府未排到), 但係媽咪唔想, 咁我唯有盡力配合照顧, 其實係好困身, 好辛苦.
我覺得自己同其他照顧者比較, 條件已經算好, 但係都覺得辛苦. 我好彩請到個照顧開老人的工人, 個工人好大份, 好夠力. 換片過床都做到. 如果唔係請到佢, 就冇得揀一定要送老人院.