我覺得私家生好，真係舒服同安心
不過要預d budget
因為我唔想痛，所以都係係私家開刀
最後埋單都唔駛六萬
覺得好好
比錢買服務始終唔同啲嘅！
我自己係公院生，不過已經好多年前，無痛順產，除咗係同我吊鹽水個個醫生手勢同態度差之外，其餘都好好，我生完無哂力，個姑娘幫我按摩個肚推個胎盤出嚟！
因為我穿水太耐先生得，醫生驚阿女感染，要拎去觀察，所以我唔駛湊女，有人幫我湊埋，餵奶換片，生完之後又無迫我走，話無大便唔準走，記憶前後住咗5日！谷奶個時個姑娘又教我點用手擠奶，留起啲奶又會安排拎過去比姑娘餵阿B
1個讚
講漏左，只係支持有良心既醫護
好多醫護都藍 尤其係老屎忽果啲…
後生都有 好多係警嫂添…
唔要面既去到咩環境都可以hea住做
我係樓主
多謝大家既意見
我岩岩生完
係第一胎
最尾都係簡左公立
講下感受俾其他15/16緊既準媽媽們參考下先
我生完既最大感覺係
除非下次係私院生，如果唔係唔會想生多個
候產室、產前房、產房、產後房每位staff包括醫生、護士、姐姐（唔識佢地個職位叫咩）、產士etc 都ok幾好人
係呢到多謝佢地多一次
我係晏就feel 到有輕輕陣痛，但唔密唔太痛，又冇穿水冇見紅驚醫院會彈我走所以等到食埋晚飯沖埋涼先搭的士去醫院
入到醫院先問下野之後候產室，會教你坐下波波
凌晨4點穿水，大約朝早9點去產前房打催生針，大概11點開始好痛，痛到想用笑氣/打止痛針/無痛，但因為開得1/2度，所以姑娘話第一胎要開到7度生得可能要多啲時間，如果而家1/2度就用，咁點捱到7度，不如等開多啲先，而且會有副作用etc
之後就用香薰、音樂、教呼吸法、按摩，所有公院提供到既非藥物方法都會用
跟住可以借電話打俾屋企人，我打左俾老公喊（每次諗番個陣都眼濕濕，因為真係好痛）
但因為太痛所以講唔到野，好快收線，個陣痛到我懷疑人生，諗緊點解唔俾多幾萬去逃避呢個痛楚，之後我喊住求姑娘幫我申請打止痛針/無痛分娩（疫情下係冇得用笑氣,當然姑娘既講法係個陣冇笑氣管）
之後醫生黎檢查，ok左姑娘幫我打止痛針，打左之後我就滿心歡喜啦，點知都係好痛，個刻心情又跌番落地獄
之後又申請無痛分娩，麻醉師ok,但因為產房無位所以要等，可能因為我痛到好大用谷個bb想佢快啲出黎，夜晚6點幾開到6度，之後入產房，又因為太痛所以我好想快啲生出黎，生個陣feel唔到十級痛所以乖乖聽助產士指示好快生左出黎，好似半個鐘多啲，而且冇剪會陰，最後只需要聯一針細細既傷口
生個陣唔覺好痛，因為俾陣痛衝擊
而我因為陣痛個陣太用力谷，內痔瘡都谷埋出黎（本身我都唔確定自己有痔瘡
）
結論係我覺得番工搵錢既其中一個意義係俾幾皮可以避到陣痛就應洗得洗，搵錢係辛苦但應該要善待自己
公院其實真係唔鼓勵/資源上未必一定有得用藥物止痛，而且唔係特別情況一定冇得剖腹
可能我心靈夠硬，總之而家一諗起個陣咁痛就唔開心，眼濕濕（當然我好少會諗起個陣既野）
5個讚
之後入產後房，個陣我個間係4對媽媽同bb
一間，唔嘈，同埋有人教點餵人奶
母嬰同一間房係攰既，但好快出院所以唔算辛苦
1個讚
*心靈唔夠硬
多謝你分享啊，我依家都諗緊公院定私院好
多謝分享！超級有用！
之前試過因病入院，先後入過公家同私家，價錢係相差100倍以上，所以有時都會縮數想諗會唔會入公家生仔慳多d錢
有你呢句說話，我更加覺得自己冇落錯決定，因為我心靈都唔係好強大
超級感謝！
長輩話行多啲樓梯同行路會痛得冇咁耐
話我太少郁（咁疫情下我真係唔出街既）
係公院生當博一舖，冇十二級既陣痛當賺左幾萬
博唔到就有個陰影
你之前做過手術？
可能可以係公院剖腹啵
咁就可以慳番同唔洗經歷陣痛喇
Blogger 緊係講到好差好差
我兩個都公院生，好唔好要睇彩數
我覺得係餵人奶煩d
其實唔係公院無資源比止痛藥，我要笑氣，佢地都即係比到。不過公院係想孕婦盡量用少藥，盡量清醒咁生和順產，因為咁樣對母子都好。
我係公院生第二胎，要求唔剪和縫細下面。
資源既意思係，個陣冇產房俾我去打無痛，要等，等得黎都生得luu
我上面comment 既成句野係：公院其實真係唔鼓勵/資源上未必一定有得用藥物止痛
我冇講話冇得打無痛
另外疫情下，笑氣就係冇既
如果淨係醫生同醫院報嘅價，我都負擔到。最驚有特別狀況，超支⋯哎，1516中
我明，我個陣都係諗負擔到個報價，但驚其他情況既extra fee
如果最後簡公院，咁問下醫生可以做啲咩野縮短陣痛時間
（啲長輩教行樓梯同行斜路，當然小心為上同要有人陪住做）
1個讚
唔係呀，冇做手術
當時斷斷續續都係公家私家游走左個幾月，都體驗到服務差好遠好遠，住公家時連訓覺都訓得唔好
我呀爸呀媽都極力叫我去私家生，老公都好堅持要去私家，但我孤寒想慳錢
最後都去私家交左留位費
7月尾QE生，有笑氣但要戴住口罩聞，本身笑氣個mask已經重，要手揸仲隔住口罩大力索，講真真係唔聞好過聞。（個人覺得笑氣0幫助）
其實如果隨時拎10萬出來再另請陪月都唔肉赤同唔駛諗，梗係私家舒服；如果要左計右計，梗係政府啦，生仔咁大變數，緊急、半夜、全餐、BB有咩瞓箱，私家條數好難預，而且有事最終私家都叫你返政府 （尤其私家無NICU)，所以住嗰幾日，有咩所謂？我寧願請陪月兩個月、買藥材補自己、買靚用品俾BB。因為真正打大佬係出院後！
4個讚
10萬我都唔捨得, 寧願留錢兩個陪月(日+夜) 
咁樣已經5萬
其實行得多樓梯唔代表生得快啲架，我訓左10個月床，最後痛左一個鐘多啲就8度，生左6分鐘就生完，我孕期都無行過。亦有啲媽媽好勤力日日行樓梯，點知生左十幾個鐘，所以其實真係睇人
同埋打無痛中間係會減少痛楚，但最後都一樣係會好痛好痛，因為打入去既藥會減少，一樣係會10級痛，與其俾十萬住私家，不如留返啲錢請陪月仲好，出院湊仔先係最辛苦