仲有個零月就預產期喇，睇得愈多啲媽媽講番係公院生b既經歷我就覺得愈驚
而家想轉軚係私院生，岩岩搵左下最平係法國醫院順產埋單可以4萬零蚊，都算負擔得起但驚有咩意外既Extra fee ,所以之前一直都冇諗私院生
而家臨近生B既日子，好驚公院生B有唔好既經歷
係公院生過B既各位，俾你地揀多次仲會唔會係公院生呢？
私院生b既你可唔可以分享下用左幾多錢？
我第一胎公立，第二胎私家。
如果無乜特別情況當然私家最好，生完果幾日真係可以好好休息回復元氣。
但如果有特別/緊急情況，無可否認公立配套好好多。
1個讚
法國咁平？
我見到blogger / fb 分享話公院產後房既姑娘/姐姐言語上差，令到佢地好唔開心
所以我而家都驚驚地
有blogger 係18年個陣既順產價錢
我2胎都法國，覺得好似去左渡假咁，有姑娘睇住bb媽媽可以休息。
我有個好好既朋友第一胎公立經歷好慘，話D姑娘好衰態度長期好差，次次講起呢個話題佢就好嬲好激動，feel 到佢生完後好憎公立護士
佢第2胎私家生就話好好多~
我剛剛生完冇耐, 第1胎, 法國順產, 本身諗住公立生, 都諗左好耐去唔去私家生, 因為我個人覺得都係順產又唔係開刀, 去私家好似好無謂.
但有朋友過來人第1胎公立, 第2胎私家, 佢成日叫我私家, 公立佢experience唔太好.
最後因為疫情同埋一d巧合都選擇左去私家生
因第一胎, 我生個時10幾個鐘先生到, 好彩有打無痛, 如果唔係我應該痛死左 
另外姑娘都好好 
無痛&姑娘好, 公立未必有
我考慮既係咩:
- 同意上面sis話無乜特別情況當然私家最好, 如果有特別/緊急情況公立會多d backup, 要睇自己情況
2.你仲有個零月就預產期, 醫生收唔收你?
-
疫情關係, 我自己覺得去私家安全小小, 又係睇你自己點諗
-
budget, 除左生時怕會有突發事, 例如順唔到要開刀, BB有黃要照燈等等都係比公立生多出黎既錢, 要睇自己預算
5.想唔想無痛分娩? 公立未必有得打, 如似係有限額同埋要睇個麻醉師得唔得閒, 做手術個D優先用麻醉師, 但私家就一定有得打, 不過都有聽過公立打完都係痛, 公立笑氣個D就應該唔係好止到痛.
6.想唔想老公陪產? 有d媽媽好著緊呢樣野, 我自己就冇著緊, 而家公立唔知開返陪產未, 但私家就仲有, 同埋探病, 公立都好似未可以探病, 睇下自己想點
7.姑娘好唔好? 我覺得公立都有好姑娘, 都聽有人講過係公立生experience好好, 私家都有唔好既姑娘
我都有dd 考慮呢樣野, 因為生完自己荷爾蒙影響, 情緒未必可以自己控制得好好, 我自己就唔想有bad feeling, 睇比例應該私家姑娘穩陣d
3個讚
講真, 服務就一定私家好啦. 分享一下, 我係廣華生, 再加自己2次入去住過幾日, 我都覺得姑娘同姐姐都好喎. 態度都唔差丫, 都關心病人, 明明忙都不得了, 有需要幫手都盡量滿足你. 我陣痛左16個鐘, 夜晚8點幾生, 個姑娘當晚都主動幫我接阿女去照顧, 比我休息一下. 所以我完全無難受仲覺得得到好好照顧添.
我係公立生，服務同態度都好好。有朋友都係法國生，媽媽享受當然係私立好。但有位朋友既小朋友一出世就有少少事要入箱(唔記得乜事)，住一晚醫院就要轉返出去公立兒科(唔係錢問題，係法國話公立支援好d)，仲要收十萬。我女出世有少少燒+要照黃，入左加護病房，埋單都係三幾百。
所以同意樓上JM，冇事冇幹就私立好，有事起上黎公立back up好好多。
p.s. 另外無痛分娩公家都有。我響威院，陣痛可以用個減痛波波，到等生果時可以用笑氣(冇用架…)同打無痛針。
2個讚
我喺公立醫院生，再生我都會去公立醫院呀，因為平，我打埋無痛順產，都只係$100一日，私家無可能咁平。
唔呃你，嗰幾日係辛苦嘅，陣痛時基本上係你自己喺度痛，隔一兩個鐘會有姑娘嚟問候吓你咁囉。
喺產房就幾好，助產士好nice 又專業。
最地獄係產後房，又迫，人又多，個個媽媽旁邊一個BB, 哭聲震天，母乳姑娘24小時“問候”係有無餵人奶，我嗰幾日應該加埋只瞓咗2－3小時，一出院就比BB 老公，然後自己大覺瞓。
但只係辛苦幾日，私院要駛幾萬，我寧願用啲錢請陪月／工人產後幫手，因為生咗BB 後先係真正嘅辛苦。
4個讚
你係邊間公立生？
我東區生，我自己就好輕鬆舒服，姑娘態度好，助產士好快手。我生得快，個人唔攰，行完仲可以自己落街買早餐。自己生完立即餵奶湊B 唔辛苦。
不過同房有個生左好耐，生左十幾個鐘，個人完全虛脫，極度要人照顧。呢個情況公院服務對於佢好不足。不過佢生太耐，BB 有缺氧，好在係公院可以立即入ICU。
我見法國都好多內地人去生架喎，選都選其他，例如浸會？
如果你係正常生b無其他病，私院係ok；但如果有其他病跟手，公院跟開就最好公院，私院知你有事都係踢你返公院
我老婆就係有其他野跟手，都係諗公院，但就算唔係公務員，都打算升公院的私家病房，價錢同私家都無咩分別…
瑪麗醫院
我都係廣華生呀
順產3個都咁好
無乜特別差
姑娘/姐姐可能見我baby face
怕我薯 仲好關心我添
有冇係屯門醫院生b嘅媽媽分享？ 
我就係聽得太多向公立生嘅慘痛經歷，所以一有左已經決定私家生。bb上年年尾向寶血出世，開刀生5萬埋單。
不過bb臨出世前以為自己穿羊水，衝左次廣華產房，住左1晚。同房幾個媽媽都好痛，啲姑娘姐姐都有好好照顧佢哋，有問必答，感覺上又唔係好似人哋講得咁差。
總括黎講，公立生要睇吓邊間醫院，好唔好彩遇到啲好嘅姑娘姐姐。私家因為比左錢，服務質素有保證啲。
我有聽過廣華醫院係生仔最好的醫院---- 當然未必係真, 但有人咁講, 即係一定唔會差先啦.
諗返起當日穿水入院, 陣痛左十幾個鐘, 姑娘對我都好好, 問候我的時候都幾溫柔, 係有一個產婦因為陣痛的時候佢大聲叫, 比姑娘鬧話會嚇親其他媽媽. 又係產房有成6-7個人係我身邊幫我, 大家都鼓勵我, 有一個助產士/護士長特別嚴厲, 一味叫我再用力D, 又嚇我生唔到就要落手術室. 過後再諗, 有人軟有人硬都係有需要的.
產前無得頂（因我妊娠糖尿，所以唔係覆診健康院）。但產後就麻麻。不過我小朋友要打7日抗生素。留佐院7天。我都幾慶幸自己係公家生。否則條數都好貴。不過我生果陣有陪產。感覺不錯。
1個讚
兩胎都係東區醫院生
姑娘同助產士都好好，不斷講咗好多鼓勵嘅說話。當然公立係病房環境無咁好，但 touch wood 如果bb 有咩事都可以立即有支援。
我生第二胎時出咗啲意外，直頭要喺急症室 call 咗6個醫生上嚟 standby 。幸好最後都大細平安。
生BB 係好多變數，私家講真有咩事都係轉番去公立。
同埋出院埋單係開心價。