公院生
醫生姑娘助產嬸嬸全部都好好！
不過產後發生左小小問題，醫生怕傷口感染，食左幾日抗生素。
350蚊
講真幾萬蚊私家，我寧願留番出世後買野比小朋友。
3個讚
我自己就晌公立生，QE，平靚正，我自己就覺得幾好。我個人覺得最重要係公立有限定時間探人，你其他時間可以自己處理BB啲嘢，唔洗比啲八掛親戚嚟煩Q住晒。（我嗰陣時老公啲親戚係唔係都嚟，最離譜係老公阿婆坐晌度望住粒曾孫，我阿爸阿媽晌外面等）
不過而家疫情，個胎無乜事，又經濟上負擔到就私家好啲。
我6月屯門醫院生完
催生＋無痛+BB一出世發燒住咗5日院。
自己覺得產前 產房同產後既姑娘姐姐都OK 都好有禮貌有求必應
產房d助產士仲好好 我響產房8個鐘等生 （因為打咗無痛真係無感覺）佢地一早就比我老公入黎陪我 照顧我之餘到六點幾仲提我老公落去食野上黎再等 比我瞓下 .
我因為唔夠力生要吸BB出黎 老公要出去等 但BB一出世就發燒要送落兒科 助產士即刻比個電話我通知爸爸叫佢響門口等 佢地推BB響門口停低比爸爸見下佢同埋影相先送去兒科 我覺得呢d都好人性化 佢地大可以咩都唔理直接推BB去兒科快快趣唔駛煩
又或者因為我響產後BB留咗兒科唔駛我照顧 我留院嗰兩日就可以休息 唔駛好似其他媽媽咁照顧BB 可以話有得有失啦 而且有母乳姑娘其實都幾好 始終第一胎咩都唔識有人教下鼓勵下 我無BB響身邊佢地都keep住教我用手泵同埋一d 技巧咁（雖然有d媽媽覺得佢地好煩搞到好大壓力）
所以我覺得如果唔一定要私家既 政府醫院其實都好OK. 同埋價錢真係差好遠……BB住咗5日院都係$300 私家有咩事真係奶哂野。。。。
5個讚
多謝您分享 
雖然我未咁快生得，但都要計劃下…純粹考慮疫情嚴重之下，可能要去私家生，好似穩陣D。但驚有咩意外，私家收費好甘…
係，交左咁多年稅，係去公家生果下我先覺得乜都值返晒。
1個讚
好似我咁 決心一定開刀 只可以私家了
初初估計 11萬找數
我係廣華生BB, 係催生順產, 我覺得D姑娘同助產士好好人.
我都記得岩岩生完成日都有母乳姑娘問候餵成點, 好在都OK.
個陣真係幾日都唔知有無訓到幾個鐘, 真係好累.
好在返娘家坐月時有家人幫手照顧BB, 我除左埋身同泵奶之外, 基本上都係床到休息訓教.
想知你兩次係法國生埋單幾多錢？
我睇到Fb 同forum 有唔少話公立生，生到唔開心到有啲抑鬱
所以好驚
係，好近預產期，如果要私家生就要快啲決定喇，所以問下過來人之後就下定決心俾多啲錢私家生定做好心理準備公立生
我啲產檢同生理指標都好正常，所以出現unexpected 既情況應該唔大
想陪產架因為我暫時想生一個就算，所以陪產機會難得
威爾斯
5萬又唔貴啵
6月有得陪產？
咁都幾好啵
唔知過多個零月咩情況呢
我自己覺得唔會怪公立醫護態度唔好
醫療budget不停cut
工作量越黎越多
再加上可能有西客要求多多
去私家俾$生大部分係買佢服務, touchwood過程中有咩事咪又係推返去公立?
利申: 支持本土醫護人員, 係香港做HA醫護真係好慘
2個讚
唔止媽媽，主要係BB, 因為BB出世可能有未預計到既情況。例如比較輕微同普遍既就黃、微燒，嚴重既可能吸左胎糞咁，公家收費幾百，但私家就未知數，同埋BB如果有嚴重情況到最後都係去返公家。
雖然聽返情況唔算好多，但我覺得去私家最好唔止預自己果條數，要預鬆少少，如果BB有乜情況可能要加錢。例如我朋友開刀只係4萬，但BB出世要加護(唔記得乜事但要入箱)埋單就十萬，仲要轉返去公家。
1個讚
公家serve咁多人，基數咁大有唔開心既都會多d. 公道d講香港公立產科服務真係算係咁，幾百蚊(冇事冇幹好似收百零蚊)包產前後服務，如果係助產士跟進仲會好貼心打晒電話問你產後有冇情緒問題、餵奶問題咁。
雖然我冇響私家生，但我相信成個產婦體驗一定好好既(我朋友話響醫院嘆過屋企)，如果真係咁擔心，去私家都無防。
1個讚
俾我揀多次,一定係私家生,我生產過程好快好順利~但一生完公立完全唔俾我抖,產後房態度仲好差…如果只係生1-2個小朋友,去私家啦…
疫情關係, 我係私家生, 護士會幫你照顧BB, 可以全程休息, 但都係因為咁所以耐啲先上奶
生B之前入過公立產科病房, 啲醫生姑娘都好好人, 不過佢哋真係太忙, 人手又少, 照顧上一定無咁好
如果係威院就唔洗去私家，啱啱6月生完，不論候產 產前同產後病房既姐姐同姑娘都好好人，仲好有心機，我住3日兩晚呀b喊姑娘都主動話幫我睇住叫我休息。而家衰就係衰在無得陪產，不過我覺得陪唔陪都無分別，因為已經痛到無理過隔離嗰個，反而覺得佢好阻訂。要俾幾萬蚊去私家，我寧願留返啲錢俾個女買奶粉尿片
2個讚
我一開始都係你呢個睇法，不過我冇公家生過唔知其他人口中佢地既態度係差成點。如果係無端端只係因為佢地心情唔爽而呼喝/鬧產後媽媽，咁我就覺得唔合理囉 
我好幾個fd 黃得黎唔鐘意醫護，覺得佢地做護士只係為左人工高。
如果樓主經濟ok的話我都覺得私家生好,公家既評論好壞太參差，睇完kol詩寧講公家生仔同樓下既comment 覺得好慘
3個讚