我岩岩8月尾㡳聯合生BB，感覺良好，可能係因為由零晨到朝早都係得我一個順產生BB，同另一位開刀的，所以姑娘同助產使，都係focus 係我度，我係順產，姑娘都好好不斷鼓勵我，同好有耐性教我吸氣呼氣。
到上病房，6人房，計埋我都係得3人，所以姑娘，姐姐都好有耐性，如果係第一胎，無經驗一，其實住公立醫院都好好，因為你可以學習如果餵母乳，如何換片，如何清洗臍帶，變左到時番到屋企就唔會太過狼狽。
雖然係少咗時間休息，但係當你太攰的時候就可以將BB推番護士站，就會有人幫你睇住，3日2夜埋單，3百幾蚊。叫做終於交左咁多年稅，有享用下一個正常香港人的福利
如果喺公立醫院想打無痛，要一開始係產前房就好堅持要打無痛，無論啲姑娘講咩“有副作用”、“你要信自己可以唔用藥生B"嘅“廢話”，你都要完全無視，並繼續堅持要打無痛，叫姑娘即刻幫你抽血驗。
因為公立人手長期不足，打無痛要搵麻醉師，姑娘會盡量叫你唔好打無痛。打無痛要先驗血，result ok 又再再call 麻醉師，起碼等3個鐘的。
我當時好堅持要打無痛，但產前房嘅姑娘都繼續講“廢話”，入到產房同助產士講，佢哋先幫我抽血，再搵麻醉師，我足足痛多10個鐘，好唔抵。助產士仲問：點解你唔喺產前房抽定血驗呀？
我當時真係無語問蒼天
3個讚