鐘意住邊都無問題
但唔使講到新界好到無人有呀嘛
新界空氣好過市區？都要睇地區啦
元朗市中心空氣會好得過山頂？
就算樓主真心覺得新界好過市區，有錢都唔住市區，都冇咩嘢啫，佢又冇話過市區低等啲
我唔覺得佢自卑變自大
唔使咁攻擊人嘅，又話人口氣大又話人冇見過世面，討論下啫，唔使咁呀嘛
1個讚
可能你dream house都係新界所以同樓主一樣都好鐘意新界
其實新界好唔好都無所謂啦
最緊要自己鐘意
唔使將新界同市區比喎
自己睇餸食飯啦
係囉，所以點解我上面講朋友嘅例子都係要住到同野豬做鄰居啲樓價先可以近1萬⋯⋯
有朋友住元朗舊樓冇𨋢劏房嘅租金，竟然貴過我住旺角對正地鐵站口有𨋢嘅2房單位租金，咁點解要住元朗⋯⋯間屋細交通又唔方便 
住過新界市中心、九龍同港島，都唔覺得有嘈音同空氣質素分別 
反而衣加住港島夜晚睇到星星⋯⋯
我做女個陣咪就係住新界市中心，好方便丫，但樓價貴過九龍喎⋯⋯
係囉，我就係覺得啲人住得新界又要每日花咁多交通時間出市區好慘，為乜呢？明明入面有學校又有工番⋯⋯
1個讚
住新界舒服，住九龍方便
呢個真心同意，我以前都想像唔到住旺角原來冇想像中咁嘈咁亂，反而靜過我住新界市區！亦想像唔到原來可以方便成咁
住港島前以為樓價一定好貴，點知平過新界市中心，仲勁寧靜～食飽飯有得行海旁，星星仲多過新界！
同埋不得不承認，各區鄰居質素真係唔同⋯⋯
我未住到我 dream house 呀，我會努力
希望大家開心討論，以和為貴。有乜唔啱聽多多包涵
好多因素嘅， 可以喺元朗屯門返工、近屋企人
但都有機會係啲人以為大西北一定平過九龍， 所以冇睇過九龍就揀左元朗
我見過， 沙田第一城貴過西環同面積同樓齡嘅舊樓，連個則都一樣 （眼鏡房）
藍籌屋苑呢個名真係咁值錢？
1個讚
尤其係某d新屋苑，爆多大劣人，就算係有錢大家生活習慣都應該會好唔同
1個讚
如果佢哋嘅生活圈子係同區我覺得好方便吖，新界城市規劃應有盡有，我覺得佢地其實完全可以一世都唔出港九 
但我好多同事住新界番港島，每日都花四小時係交通上，望到都覺得好攰⋯⋯
呢個都絕對係⋯⋯所以睇樓價真係要睇哂全港，做足功課先下定論。
嗰度算低水，努力一定得
香港人一生人都係為安樂窩打拼，大家一齊加油
某d地區因為風水問題，所以我真係會skip完全唔考慮
加埋721呢樣嘢
哈哈， 冇四小時嘅， 計埋塞車三小時咁啦， 搭鐵就準時啲， 不過冇位坐啫。 我有得揀就揀市區， 夠方便 
不過有小朋友嘅話， 可能寧願遠啲， 但間屋大啲， 始終小朋友需要空間走動
唔同階段會作出唔同選擇， 冇話邊個好或者唔好
多謝! 不過呢一年內隨時有機會變流亡人仕，唉
我細個係住上海街啲劏房，啲唐樓天台劏出嚟嘅一忽，然後就同區舊樓，跟住九龍區大屋苑兩房，而家就新界普通中產屋苑三房，如果唔移民，生活穩定又生性儲個錢，我估臨退休會住到錦繡花園，甚至加州花園/葡萄園，如果唔得我個計劃就降低啲：靚靚地嘅村屋/四房套廁單位
要林太同維尼幫手唔好搞咁多嘢先得囉
見步行步，香港人好識變通嘅
去其他國家生活未必係流亡嘅，唔好咁灰
1個讚
因為我窮開，都幾有信心自己捱到，不過我體力唔夠，身體唔係幾好，呢個就係我concern
離題ed
肯捱未必關家底事嘅
你年紀好大？正路中年應該正正常常呀
身體麻麻一係就靠運動，一係就注意飲食
我四十幾歲，冇乜病痛，不過成日見凍同易攰，去完街市拎兩袋嘢返屋企上下樓梯都好氣喘，平時又懶運動，鼻敏感同濕疹底，中醫話好虧。
我體力勞動工作應該唔得
但如果需要都要做，馬死落地行