咁又真係幾虧
要改善下
應該係免疫力低，否則唔會有鼻敏感同濕疹(聽人咁講)
我見啲阿婆拎餸都好力氣過我
佢地操咗幾十年
又早睡早起
1個讚
婚後由長沙灣搬去屯門碼頭, 環境係靚 對海樓下海濱長堤, 但交通真係惡夢, 幾年後頂唔住由無敵海景搬去無敵樓景美孚 好似重獲新生咁 
重獲新生好貼似
我娘家住九龍，婚後搬到東涌，沙田住total 4年，我媽入來探我又話遠，我仔女出去九龍返學又辛苦。
最後都係由海景搬返去九龍大啲既樓景單位，近返媽媽，身心開朗 只係住慣問題，無話九龍定新界定離島好啲。
我冇度過，有時d嘢係個人感覺嘅
點解會睇到樓主自卑自大…樓主只係想討論大家鍾意住邊區同埋表達自己鍾意住新界多d，我反而覺得你先入為主左，認為住新界樓係因爲無錢先住新界，睇唔起人，所以就覺得樓主係因爲自卑先話鍾意住新界樓。其實你覺得九龍香港島好d，咪講下有咩好處，又唔洗成日針對人，攻擊人既。。。
2個讚
我之前住九龍屋苑兩房，但搵到份新界好工，pay 同前景都好，結果同其他人相反方向返工，每日三個鐘起碼，差唔多有八年咁耐，後來同事話我做乜唔搬入新界，話反正我新界工作，同價錢買啲樓都大啲，我都唔肯，因為貪方便，又想住近奶奶(老公孝順仔，而且佢哋煮飯好好味)
結果係我搭車太長時間，我耳水不平衡，試過落車暈低，好誇張。我老公話不如試下睇下新界樓，一睇就好吸引，啲單位同環境啱心水，咁就租，租到咁上下就上埋車了
仲有一個原因：我啲主子地位好高，佢哋要多空間 XD
朋友住新界村屋，想叫年老嘅父母搬去附近，有個照應，佢父母話自己年老多病，出出入入睇醫生要花好多時間，會好倦，同埋嗰度離醫院頗遠，怕有起事上黎去唔切醫院，所以寧願住返原本既舊區。最終朋友要搬返市區住方便照顧父母。朋友話以為無小朋友，揀住邊區都唔係問題，點知都係無選擇
嘻嘻我咪就係住嗰頭囉，黃昏散步好浪漫㗎
死啦我啲同事如果有睇一定估到係我
樓主自己話：就算有錢，都唔會住市區
即係依家無錢所以住新界
樓主自己話：由細到大住新界
即係無住過市區
一句到尾一個無住過市區嘅人係咁講新界好過市區點點點，你覺得好有point？
呢個睇法同住公屋好過住私樓一樣⋯⋯
我覺得根本無好壞之分
大家根據自己家庭需要選擇就得
反而學樓主咁講到新界有幾好，其他地方都不如，我真心覺得好井底
其他谷友個個都傾得好開心，唯獨你不斷攻擊都唔知有咩得罪你。
冇住過市區就唔可以唔鍾意住市區？
好似餐廳咁，見到裝修又差，又污糟，食物賣相又樣衰，我未食過d野食，但我都有權唔鍾意食架？有咩問題？
坦白講我住新界既獨立屋，雖然唔係富豪，但都夠錢買市區千呎單位，你唔係你所講無錢買市區大屋，所以自卑囉。
好似其他谷友所講，你先入為主，覺得住新界就係冇錢，睇唔起人。
新界係粉嶺上水，天水圍元朗？
定係沙田，荃灣依啲？
鐘意後者多過九龍同港島
但前者就寧願住返市區
始終路程好遠，特別係元朗天水圍
日日揸車行隧道好重皮，唔行又好耐先出到市區 
你話有村公45分鐘去中環，我都估你住屯門
1個讚
同感 
又唔係話要市區vs新界同尺數比較
根本係各有各好處，有人傾向死都唔會揸車，要落樓就有商場，果班人寧願住到好細都唔會住新界
亦有人想屋企有花園仔，可以養下車，就會鐘意新界村屋
1個讚
要計埋等車轉車同行路時間啊，因為同事們都住得唔近地鐵站，所以冇考慮坐地鐵，就算叫做巴士近啲都仲要有段路行番屋企，啲車時間又唔夾番工時間，即係一係就早半個幾鐘番到公司一係遲半個鐘，番工又怕塞車，收工又會跑都趕唔切架巴士要等半個鐘至9個字，夜晚啲車少啲車程好快嘅，但要係街呆企，冬凍夏熱⋯⋯
所以我永遠都選擇住近地鐵站，時間好預好多！以前住新界近Mtr包埋行路都係1個鐘番到港島公司，但一近地鐵，唔好諗樓價會平囉⋯⋯
仲有一個原因我唔留戀TM, 就係冬天太凍 (我本身勁怕凍) 不過睇樓時事實比個環境迷惑咗 
我作為屯門牛已經習慣晒了，我記得頭一兩年係你咁
而家我冬天一出市區係咁除衫嫌熱
1個讚
睇嚟Bonus 係身體好左
而家香港冬天唔凍， 少左天氣呢個concern