曾經都有考慮過住村屋，不過研究過村屋既壞處就冇諗lu
1個讚
我去錦繡花園，真係覺得好大好靚係我嘅 dream house，不過太隔涉，又貴，我買唔起
你哋有冇諗過老咗會想住市區/新界？我同老公成日諗老咗就住村屋，不過朋友話老咗就唔需要住咁大地方，出入方便最緊要，可能佢哋啱嘅，不過我好羡慕村屋環境，成日覺得就係老咗唔使返工先住村屋，享受鄉村生活
當然到時就有到時嘅考慮
孩子N班已幸運地有心儀九龍塘KG 收，本來唔忍心去咁遠返學，已有行10-15分鐘N班收咗，最終都決定出九龍塘讀，之後亦收埋老二
孩子小學都係九龍塘返，我地住嘅屋苑仲好多同校學生住，見過有人抽中獎住夠一年死約就搬過嚟，因為點講住新界間屋都大dd，而且自己坐火車轉小巴快過坐校車！30分鐘就到學校
不過聽朋友話錦繡有村巴出九龍新界，都似幾方便丫
我覺得最緊要自己取捨，區區都有人住，再睇送食飯
1個讚
啱，其實都係睇自己，我住旺角廿幾年，曾經以為冇得住市區會死得，跟住入新界住，諗都冇諗過可以喺河散步，然後好快行落沙灘，個個親戚朋友入嚟探我哋都要BBQ游水，好開心
我有朋友偏愛轉車，係咪好奇怪？又有人住村屋，好僻，但佢鍾意遠離人囂 ; 又識過人住坪洲，食嘅餐廳得四間，但佢話咁先係理想環境 ; 又有人寧願住納米樓都要住市區，啲衫褲鞋襪八成放返喺娘家
各有喜好
2個讚
元朗跑贏大市喎
1個讚
我都唔覺得元朗啲樓平得去邊，同九龍區差唔多⋯⋯望下Yoho就知
所以同樣價錢，我都係鐘意市區多啲。
樓主話有錢都未必會搬去市區住，並唔係因為住過唔啱住，而係根本… 由細到大只係住過新界
口氣大但又無見過世面
起碼都住過比較過先話唔鐘意吧⋯⋯
利申：我自己香港、九龍、新界都住過
1個讚
退休前就邊度近返工/仔女學校，唔洗錢俾我住元朗但仔女學校/公司係九龍甚至港島，咁我寧願住市區。日日辛苦一來一回一個鐘只係為左多一間房。時間就是金錢，唔值得。
退休後會考慮新界大屋住。不過如果有錢嘅，住港島啲大屋都得架 
25歲前住新界最北果區，之後自己搬出去住九龍，未有小朋友住ssp，有家庭後住何文田。
娘家係屋企附近有另一個三房單位，話平啲租俾我，我都say No，寧願係九龍區住細啲，我接受唔到返工來回要兩三個鐘～
1個讚
我覺得村屋都幾屈機，呎價又平，大部分又唔洗管理費，好多都有超大花園，泊車唔洗錢，仲要有個天台可以整太陽能，每個月有錢收。
退休唔洗返工住村屋都幾好丫，可以係花園種下野，住得村屋都會渣車，唔會交通唔方便。可以剩係住一層700呎，唔洗住全幢咁大。
冇住過，唔代表冇去過九龍，香港，唔知環境係點，間屋係點
有d野唔洗試過都知唔鍾意。
各人喜好，選擇唔同，我都係講自己睇法，你可以唔同意，但就唔好下下人生攻擊，又自卑自大，又口氣大
1個讚
唔只yoho 貴， 連雞地嗰啲單幢舊樓都同九龍區差唔多
我就覺得唔值
1個讚
我真心唔覺得樓主口氣大，佢只係坦白講個人選擇
可能我多嘢，我覺得多一間房好重要，好多人每人返工兩個鐘來回好基本啫
我個人經歷係愈住愈大&遠，我承認係我冇本事住到九龍大屋，不過我唔自卑。
我會想退休後住村屋，如果唔移民希望成真 
1個讚
其實我想住馬灣、愉景灣嗰類屋苑，不過因為有小朋友，揀學校好唔方便，希望第時小朋友大啲可以搬去住
1個讚
佢可能真係好鐘意新界呢
即係我唔認同何博士妻妾成群，係因為我自卑未做過有錢人二三四姨太，未見過世面，要試過先有資格話唔鍾意？
1個讚
呢個係道德標準
唔使試過
有d嘢係講經驗… 試過先知
eg間餐廳好唔好食點都要食過先知
無試過就話唔想去食，因為覺得唔好食
呢個係咩玩法呢？
去過/同住差好遠…
你去一個地方旅行同住係嗰度都係兩樣嘢，唔係嗰回事
無試過就話唔鐘意，我覺得好固步自封