我會揀新界樓。
由細到大都係住新界，講真有錢都唔會搬去市區。
同一個價錢，新界樓可以買大好多。
而且新界環境好好多，周圍都有綠化空間，空氣又好d。市區周圍都係石屎森林，感覺好局促。
唯一唔好處係去市區遠d，不過所有生活所需自己個社區都搞掂，其實冇必要出市區。
調返轉，市區人放假過黎玩咪一樣。
不過新界樓呎價升幅一向跑輸大市，證明其實好多香港人唔會買新界樓
甚至有d人未去過新界。
你地又點睇？
睇下返工係邊
以前住港島
再住過9龍
現在新畀住落都舒服
1個讚
見到d人住市區納米樓，細得可憐，根本就唔似一個家。
明明呢個價錢可以係新界揀間正正常常既2房單位，點解d人唔考慮下？
新界，空氣好d，空間感好d，城市規劃好d
當然，間屋都大dd
我比較好彩，當年因老公响沙田返工，住MOS樓，然後我住咗4年就轉工，返馬鐵沿線，咁多年，我地兩公婆都係馬鐵/東鐵沿線返工，所以住新界無問題，但d細路出九龍返學比較遠，所以搬返出d
1個讚
市區，要博殺返工會住市區，慳返好多時間可以休息
1個讚
我同老公反而寧願細啲住市區，番工番學來回少兩個鐘好過你比多2間房我⋯⋯
間屋細啲，打掃嘅時候好輕鬆，同埋我哋身邊啲人放假都唔會入新界⋯⋯
3個讚
沙田好多新學校？出市區讀名校？
我會睇源身家庭響度，自己出入邊區多，主力睇交通配套
1個讚
習慣問題，聽過有人堅持港島添
但我又唔會覺得住小西灣會方便過沙田好多
1個讚
咁如果住慣港島區，的確唔會習慣九龍新界嘅，反之亦然
我細個住九龍，係正中旺角喎，乜都好方便，我從來買嘢冇話搵唔到。但又羡慕人哋有大公園
三十後返工返新界，搬入新界住，啲樓大好多，同一價錢多一個房，環境都好好。不過 weekend 一出返娘家，我老公就勁行鴨記，我就去旺角買衫，殺殺殺!
2個讚
新界係咪近果頭多D呀!?
唔明？
我只見到自卑變自大
話新界樓大市區樓細，只係你無錢買市區大屋
各區各有各好，無話邊度好過邊度
從來都冇覺得自卑wo，點解住新界要覺得自卑？
當然各有各好，所以咪叫大家討論下，唔係上討論區黎仲咩。
1個讚
唔關自卑自大事，講緊同一價錢買樓大/細，方便/冇咁方便嘅個人取捨
我係咁啱做嘢係新界，住入新界因而享受到三房單位。同一價錢我喺九龍只買到兩房四十年樓齡，港島一房五十年樓齡
但我係掛住旺角嘅方便嘅
比我揀我而家未必住得返市區樓，買得太多嘢冇位放 
1個讚
唔關自卑事+1
樓主係講緊呎價比。
我唔用「性價比」字眼，係因為新界樓平當然有原因，探過唔少住新界村屋or別墅嘅朋友，就算佢屋企大我住緊嘅double，但要我轉幾次車先入到去一個荒蕪嘅地方，仲見到野豬食緊垃圾⋯⋯我都係鐘意1分鐘到地鐵，步行30秒有便利店同超市，仲有N間食肆選擇嘅市區多啲haha。
住新界要出港島番工真心慘，見啲同事每日來回可以飛一轉泰國⋯⋯搵番新界工咪幾好。
我之前住新界市中心都好方便，樓價都唔平，搬去港島之後的確冇咁多位放野，所以屋企嘅裝修好重要，同埋明知屋企冇位我就買少好多嘢，真係會儲多好多錢，而儲儲又可以準備換港島大屋⋯⋯ 
良性循環
自己做女住港島
嫁左老公住新界
初初一搬入去，去邊都要一個鐘，來回2個鐘
覺得非常唔方便
靜就靜啲
但我會情願住番市區，買野去邊都方便
2個讚
好明顯你係自制 type 我唔係 
我係會照買，不過我斷捨離得勁，買三件衫就真係迫自己掉足三件/更多，錢就儲唔到多，但位就冇減少，都唔錯 
我老公返港島區，我哋樓下有村巴去中環45分鐘，好快，快過佢之前住九龍去返工。
不過我哋而家住距離市中心十五分鐘腳程嘅屋苑，唔係好大，細嘅三房單位，我都想試下住村屋啊，可以養幾隻狗
1個讚
其實住新界，都可以搵返附近既工同學校。
雖然學校一定冇名校咁出名，不過我地就唔要求讀名校。
新界樓都可以附近有便利店，食肆，又唔一定要住到鄉郊咁入既