《被祂選中的人》
第四章~椎心離別~六
臨睡前我和媽媽在電話傾談了一陣子，內容大致上想我搬離嫲嫲家。
電話掛線後，我便與嫲嫲及姑姐說晚安，便自己衝進睡房裡。
「紫玥，妳乖乖地瞓先，嫲嫲要洗埋衫先瞓」嫲嫲將睡房燈全熄掉，
然後再將睡房門半關上，
而我亦出奇地很快入睡了。
「妹妹!妹妹」一把好熟悉聲音不斷在我耳邊叫着。
當我睜開雙眼時候，竟然發覺自己正坐在走廊後樓梯級上。
「妹妹!好對唔住…因為我…見到妳為左我咁唔開心，我真係好內疚，好心痛」
以朗哥哥非常歉久地望着我
我正想開口問「他」去了那裡時候，
奇怪地我的嘴巴，好像給人用膠布封了嘴巴一樣，我不斷地用雙手嘗試打開自己嘴吧…
「妹妹!妳乖!喺呢個夢裡面，妳係唔可以同我講任何一句說話…對唔住!」
我聽完後便停止所有動作，然後用極無助眼神望着「他」。
以朗哥哥慢慢走近我身旁坐下，
然後緊緊地握着我的小手說:
「喺呢段時間裡面，我真係好感激妳，係妳令到我揾番我自己，揾到我停留呢度咁多年存在價值。我自細一直都身體好差，我一直都係慣性被人保護。但我真係冇諗過自己，為了保護妳同妳嫲嫲，我可以有勇氣同其他靈體抗衡，雖然我既力量唔夠，但我都希望盡自己所有能力，去守護到妳!」
我立刻忍不住流着兩行眼淚，
嘴巴不斷發出~嗚!嗚!嗚!
因我也很想親口對「他」說，
我同樣地都好感激「他」，
但可惜我連一隻字都不能說出來…
「但可惜…哥哥我冇用，我既力量亦因為每一次抗衡，而逐漸變得支撐唔到…就喺我以為自己就快灰飛煙滅既時侯，
「衪」出現喺我面前，神明同我講，我終於可以離開呢個地方。因為我做了該做的事，所以我可獲准提早離開呢度。我本來以為上次我同妳道別之後，妳應該會好快忘記我，但之後我見到妳…為左我好傷心，所以我求「神明」比個機會我親口再同妳講再見。
紫玥妹妹! 妳一定要應承我，妳一定要搬去同爸爸媽媽住，妳爸爸係可以有能力去保護妳既人，妳一定要答應我最後既要求，妹妹，幫我同妳嫲嫲講，我收到佢既心意，好多謝妳地一家人，希望我地會再見!」以朗哥哥說完此話後，便化成一團煙消失了。
隨即我整個人好像比針刺感覺，
我睜開雙眼看看四周，
看見嫲嫲睡在我身旁，
我立刻跑走出大廳看看，
就在我心裡感到非常迷惘時候，
嫲嫲也從房間走出來，
「紫玥，妳企係度做咩?」
我即擁着嫲嫲哭着說:「嫲嫲…我…」
然後我便將剛才的夢境轉告給嫲嫲…
#第五章陌生家人
#好多謝大家仍繼續追看
希望大家看完故事後，會留低一個~讚好~送給我及分享故事給其他朋友
