~半透半截人~
今次故事主角繼續係~豬隊友爸爸~
某個寒冷晚上，我阿爸及阿媽因天氣寒冷關係，他們二人待在廳中梳化裡，各自看書及看報紙。就在這安靜氣氛中，我阿爸突然聽到屋外既大門出面，好似有個人係度不停踱步。
阿爸:「阿玲!(阿媽化名)出面有人係度行黎行去?做乜鬼呀?」
阿媽:「係咩!唔覺喎!」(繼續睇書冇理阿爸)
阿爸:「天寒地凍係出面食風咩!D人真係奇怪」(繼續自言自語地嘲諷出面不停踱步既人)
阿爸突然放下報紙，入廚房覓宵夜，不到一分鐘阿爸即大叫:「好肚餓呀!煮個麵食，好嗎?」
阿媽聽完之後，隨即放下手上本書，衝入廚房取了個鐵壺給阿爸。
阿媽:「好凍呀!你自己去買宵夜番來!」
阿爸便預備出門口時，驚嚇既事就在這5秒發生了…
阿爸打開大門不夠5秒，以下是他既反應~
1)大嗌一聲
2)鐵壺被他拋着地上
3)砰一聲關上大門
阿媽被阿爸以上行為嚇了一跳，即刻走向阿爸身邊。
阿媽:你做咩呀!你見到咩呀?(冰雪聰明既佢，估到發生咩事)
阿爸:頂!我見到個半透明男人，得上半身，冇下半身架…(面色仍帶青)
阿媽:吓!咁恐怖!唔係嘛…
雖然我阿媽把口話恐怖，但轉頭佢好似冒險家上身
即開門想探個究竟，可惜阿媽同佢緣慳一面
阿爸見到阿媽既失望樣，便知道它已走了。
阿爸:「我今晚唔再出去!妳快啲煮麵比我」
因阿媽見阿爸咁慘，所以即乖乖入廚房整宵夜。
8個讚
~Lam叉燒~
故事發生在30年前，某次嘅生日飯局。
嗰日係我姨姨生日，所以我阿爸及阿媽相約在姨姨家替她慶祝。
當日阿媽因提早收工，所以便很早到姨姨家了，而阿爸要待放工才趕過來。
阿媽與姨姨一見面，當然大家互報近况及八卦事。
特別人物~表姐(囡囡化名) 8歲左右
性格: 比較內向，不多愛說話
天賦: 天生陰陽眼 (隨時隨地，不論日夜)
阿媽:「最近囡囡點呀?」
姨姨:「唉…咪又係咁…咯!間唔時佢話見到哥哥企喺露台望住佢，有時話見到個婆婆企係度唔郁…我都唔知比咩反應佢…」(皺住眉地說)
阿媽:「可能暫時性啫!遲下大個左或者會見少D架啦!」
姨姨:「希望係咁啦!」
差不多接近黃昏時間，阿媽和姨姨都開始預備今晚晚餐。廚藝不了得的阿媽，即從手袋取了一張50元紙幣遞給表姐，然後向她說:「囡囡!妳去斬料加餸啦，買完之後剩低既錢，姨媽比妳買雪糕食」
表姐接過阿媽的錢後，甜甜地笑點頭示好，便自己出門到樓下街市。
過了一陣子,乖巧嘅表姐將手中的燒味外賣,放在擠滿飯餸的餐檯上，然後乖乖坐在一旁,待齊人便一起吃晚飯｡
門鐘聲響了,阿爸保持佢嘅作風，人未入屋聲己到[
人齊了便開飯了!
大家在說說笑氣氛中，享受這晚餐 。
阿爸:「今晚好好餸喎!有我至愛叉燒!囡囡真係乖女，醒目」
姨姨:「個傻豬同你一樣，最中意食叉燒架」
阿爸留意到表姐，飯碗中沒有叉燒,正想夾一塊半肥瘦的叉燒給她。
阿爸:「囡囡!阿丈夾舊最大最靚叉燒比妳呀!唔好只食魚同菜嘛!」
表姐:「唔該姨丈!但係我今晚唔想食叉燒…」(表情有點為難)
阿爸即刻好疑惑追問:「放心喎!姨丈食過好好味架」
姨姨見到表姐表情越來越不自在，便忍不住問:「傻豬!究竟發生咩事呀?」
表姐望到各人為她擔憂，她終於打破沉默。
表姐:「頭先我落到燒臘味店，見到有2個半透明叔叔，企喺掛叉燒架旁邊，其中一個叔叔不停係度lam掛起度叉燒，而另一個叔叔就烏低身食滴落黎既叉燒汁…」
眾人聽完之後，大家都靜左幾秒，姨姨即刻向我阿媽打眼色，示意要她幫手解釋…
阿媽即刻社工上身，走在表姐身旁。
阿媽:「囡囡!妳好乖既，妳都明白靈界既朋友仔都會肚餓架，所以妳唔駛驚架!」
表姐:「我知呀!所以我今晚唔食嗰間D叉燒，我覺得好污糟…」(表情開始輕鬆番)
阿爸聽完表姐既叉燒來源，即係靜静雞拉開阿媽。
阿爸:「哇!阿玲!係咪冇事架?頭先我食左好多呀!」(擔憂樣)
阿媽:「咪傻啦!拜完神D燒肉同雞，我地咪又係咁食」
阿爸即歎哂氣說:「果然係靈異家族，我呢D凡夫俗子真係唔會理解到」
12個讚
呢個好笑
BTW我好鍾意你爸爸,好有喜感,同埋好似對你媽媽好好
3個讚
我老豆真係好~遷就~我阿媽架
我同阿妹成日笑老豆，
~太后~是如何錬成的?哈哈
5個讚
~養鬼仔~
故事人物: 我阿媽 A小姐 P小姐 E先生
故事地點:某間美容按摩中心
阿媽在這間按摩小店是負責清潔(毛巾、床單)，而P小姐(按摩師)是阿媽較好傾的同事。
凡工作地方女人多，是非當然一定多。P小姐趁在空閒時間，找阿媽呻訴一下。
P小姐:「有時真係唔到妳唔信，阿A佢自從學人養鬼仔後，佢啲運真係唔同哂」(既羨慕兼妒忌地說)
阿媽:「傻女!不以其道得之，唔要得架!凡事有得有失，等價交換」(拍着P小姐肩膀說)
P小姐:「我梗係知啦!我邊敢喎!阿A佢呢排意氣風發，周圍同人講自己D仔仔女女，好鬼旺佢，重話聽日番工帶埋佢地番黎，比我地見識下，真係服左佢」(不屑地說)
到第2日，A小姐帶住一大袋物品返公司。眾人當然圍住她，嚷着給她們大開眼界一下。
我阿媽和P小姐亦隨著眾人，看看A小姐帶了什麼東西回來.
A小時從袋中取了2個男孩及1個女孩公仔(約1隻手掌咁大)然後向各人介紹他們3人的名字，及他們愛吃什麼零食等等.
其中一個同事好奇地問:「阿A，妳話買零食比佢地食，乜佢地唔係食香燭嗰啲既咩」
A小姐聽完佢問題之後，便將3隻公仔放在她的儲物櫃，排排坐一直線，然後再從另外一個袋子，取出3杯雪糕杯及M&M朱古力，各放在3隻公仔前面，而朱古力就分左三堆擺放在雪糕隔離。
A小姐:「嗱!我地宜家比D空間佢地先，等陣我地收工再番黎睇下，妳地就明架啦」
A小姐便將儲物櫃鎖上，大家便走回自己崗位開始工作了。
來到收工時候，A小姐開始叫各人到休息室集合。好奇既阿媽拉着攰爆P小姐亦慢慢走進休息室內。
A小姐看到大家差不多到齊，便開始打開自己儲物櫃…
各人看到儲物內的3杯雪糕杯，竟然完全沒有溶化過跡象(雪糕放左有5個小時多)，而之前分左三堆M&M朱古力豆，全部朱古力豆顏色全退掉，全部變哂白色，(就好似比人lam哂表面顏色咁)
「哇!好驚呀!」其中一個女同事叫着。
「唔駛驚呀!我啲仔女好乖架!佢地只會做幫我既事，唔會害我」A小姐挺滿足地向各人說。
遠處E先生好像看不過眼…
「好心妳啦!做咩帶佢地番黎啦…」E先生帶有抱怨語氣說
A小姐見E先生(經理)板著黑面，亦都收斂所有笑容。而其他人亦隨即散開或收工。
A小姐:「冇下次，放心!」
E先生:「養佢地，唔係養寵物呀!周圍同人分享，妳係咪傻架!」
在一角P小姐，偷偷暗笑。
E先生仍捉住A小姐不放，繼續嚴刑迫供咁追問:「我聽Y師傅講，妳前排係咪問佢拎過佢地啲屍油?」
A小姐聽後即不敢作聲，只敢輕輕點頭。E先生見狀立刻大發雷霆，「我警告妳，妳做咩都好，妳唔好攪到公司啲客人，嗰啲屍油唔好亂咁用，旺人緣都唔係咁樣用，妳喺佢地身上拎幾多，係要還架!」
A小姐給E先生訓話後，便急忙走到儲物櫃帶走他們。
而P小姐聽完他們對話後，她終於解開A小姐何解咁多回頭客了
4個讚
阿媽話A小姐將來生小朋友及結婚，同時D問題就有排佢煩
~呷醋
~安置問題
~接受
等等
2個讚
《被祂選中的人》
~序幕~
是否每一個人命中所遇到的人和事，
~祂~是否已有安排及選定呢?
~祂~是否已選定誰人有某些天賦能力，
能去肩負某些重大使命。
有些人，
天生有聰穎腦筋，懂善待人，
他們是否已被選定肩負領袖責任?
有些人，
天生有正義感，抱不平，
他們是否已被選定肩負社會責任?
有些人，
天生有獨特體質，能見到超自然現象，
他們又是否已被選定，
肩負陰陽界橋樑責任?
每個人都有命中遇上的事與物
人生的選擇永遠只有兩個答案
做或不做 吃或不吃 走或不走
通常被祂選中的人，
都是註定行一條非常之崎嶇的路。
因為被祂挑選中，
而需要經歷一番考驗。
25歲的交叉點
是前世種來的因果；還是惡果?
《被祂挑選中的人》是講年紀輕輕的~邢紫玥~如何成為被祂選中的人成為法科師傅
驅鬼故事是普遍的說法，而她卻只是覺得自己是一個陰陽界的中介人而已
1個讚
《被衪選中的人》~有口難言~
在幼稚圍童年時的我，
我常常反問自己…
我是否不乖巧〈呢?
還是爸媽不喜歡我嗎?
何解爸媽要將我交給嫲嫲照顧呢?
「紫玥!妳做好功課未呀?」嫲嫲邊看着電視邊催促我
「嫲嫲…我…」我垂着頭說
嫲嫲聽後立刻皺著眉頭說:「唉!紫玥!妳仲有半年就升小學架啦!妳唔好成日好似遊哂魂咁」
我心裡是非常想向嫲嫲解釋，但又不知怎去講…
自我幼兒低班後，爸媽因工作時間關係，所以便將我交給嫲嫲照顧，
只有長假期，爸媽才會接我回家住一至二天。
嫲嫲家中除了我之外，
還有兩個姑姐同住，
及有一位只有我能看見的「怪哥哥」
「怪哥哥」他外表很友善，「他」不太愛講說話，年齡大約十七至二十歲
我還記得自己第一次見到「怪哥哥」時，
「他」是坐在七樓欄杆上面，當時年幼無知的我，當然很好奇問身旁的嫲嫲
「嫲嫲，嗰個哥哥坐喺欄杆上面，佢唔怕跌落街咩?」我天真地用手指指着欄杆方向
嫲嫲聽完後非常愕然，頓時反應不來便向我高舉的小手，打了一下
「紫玥!妳唔好亂咁講野，放低妳隻手，教過妳好多次唔好用手指指向人，好冇禮貌架!」
嫲嫲竟然沒有理會欄杆上的「哥哥」，喃喃自語地望着我說:「唔好怪佢，佢細路女唔識世界」
「嫲嫲…哥哥佢望住我地」我委屈地望着欄杆上的哥哥說
嫲嫲聽後二話不說將我整個人抱起，然後急步衝回家去
回到家後，嫲嫲好認真對我說:「紫玥，妳要乖乖同我記住，下次妳再見到任何陌生人，都唔好用手指指向人，同埋唔好同陌生人傾計，知唔知道呀?」
「我知道…嫲嫲」我點着頭說
如是者過了幾天，嫲嫲如常接送我放學回家，我又再一次在七樓走廊見到上次的「哥哥」
今次「哥哥」沒有坐在欄杆上面，
「他」站在走廊消房喉管前面，
而且「他」更向着我微笑一下，
當刻的我不敢向「他」作出任何回應，因嫲嫲之前告誡過我，不可再與陌生人交談，故此我無奈地不理睬「他」便與嫲嫲回家。
回到家後，嫲嫲便走到廚房預備今晚餸菜，而我就在書桌上做功課
當時嫲嫲是居於較舊式公屋，所以我們大多數住户，都慣性關好鐵閘門之後，便將木門長期打開，既通風又方便與鄰居打招呼
就在我做功課時候，聽到木門有人輕敲喔!喔!兩聲
我便轉過身望木門方向看看誰人，
原來是「哥哥」呀!
「他」站在鐵閘門外，
然後一臉歉疚向我說:「累妳比嫲嫲鬧，對唔住…小妹妹」，
之後「他」很快在我眼前消失
我當然感到非常奇怪，所以便立刻跑向鐵閘門方向，我站在鐵閘左看看右看看，都見不到「哥哥」在走廊外面，
嫲嫲剛巧從廚房行出來，
「紫玥!妳企喺門口度做咩?做好功課未?」嫲嫲板着臉說
「嫲嫲頭先有個哥哥企喺出面，但之後佢好快走左」我天真地向嫲嫲說
嫲嫲聽完後並沒有什麼反應，只是催促我快些完成功課而已
在當時只得四歲的我，不懂分辦「鬼」是什麼東西，只懂得「怪獸」是世界上最可怕東西
直至發生這件事後，我才真正知道「鬼」是什麼一回事。
「鬼」原來是有很多種不同的形態，而當中有善良的靈體，及有惡意傷害人的靈體，而我一直見到笑容滿面的「哥哥」，原來就是鬼的其中一種…
我仍很記得當晚情景，我因感冒而持續發低燒，整晚我和嫲嫲都睡得不太好。我是和嫲嫲同床，而另外兩個姑姐則睡在隔壁房間。
就在大約凌晨5時半左右，嫲嫲輕輕拍我的小手說:「紫玥!妳乖乖地瞓覺，嫲嫲宜家落去晨運，之後買早餐比妳同姑姐食，知道嘛?」
「知道!嫲嫲!」我睡眼惺忪地答
之後嫲嫲便出門去了
而我就繼續躺在床上，手抱着熊仔公仔在懷中，正想閉着眼睡覺時候，
我聽到房門~咔!~咔!~咔!~發出聲響，
本來半打開的房間門，
現在整道門完全被打開了…
我隨即從被子探頭望向房間門外，
竟見到有一團奇怪的大黑影，
「它」倚靠在房間門的一側…
而這團大黑影並不似人的身影，
較似一團垂直的橢圓形的東西。
而我也開始感到「它」散發一種寒意，
一道道直打在我面上，
「嫲嫲…姑姐…」我不停叫喊著，
但好像怎樣拼命叫也叫不出聲，
同時我不斷將自己身體，
盡全力縮到最貼近牆位置。
「它」是恐怖怪獸嗎?
「它」是否會傷害我嗎?
腦裡面充滿著驚慌不安的畫面，
我不由自主地將懷中的熊公仔，
奮力地抛向那團黑影身上，希望可以
嚇退「它」
但「它」仍站在房間門外不動
就在我想崩潰嚎哭的時候，
「哥哥」突然從我的房間出現，
「他」站在我的床邊背靠着我，
而「他」正望着房間門外，那可怕的黑影團
「哥哥…我好驚…」我含着眼淚望着他背影說
「你同我快啲走!走呀!」哥哥向著房門外黑影大聲喝罵
之後我見到那團可怕的黑影，
就好像退色般慢慢消失了。
而我仍縮在床邊一角，不敢郁動。
「哥哥!怪獸係咪走左?」我用雙手蓋著眼睛說
「哥哥」不作一聲，
「他」步出我房間門外，然後從地上拾起我剛才拋在地上的熊公仔
「妹妹，唔駛驚!冇事啦!」
「他」溫柔地向我微笑示意，
之後他將手上熊公仔輕放在我身旁。
「哥哥!你係咪趕走左怪獸呀?」我好奇地問
「他」聽完後，便再用「他」一貫對我親切笑容點頭說:「嗯!」
我正想再追問「他」第二個問題時候，外面大廳傳來姑姐走出房間聲音，
此時「哥哥」亦在這時候不見了!
我心裡突然浮現出這個怪想法，
「哥哥」應該不想被其他人見到「他」
這次經歷對於當時年幼無知的我，
我並不是完全真正理解到，
但我亦因這次可怕的經歷，
我心裡已確定在這世界上，
的確是有可怕的怪獸存在。
但對於我來說，「哥哥」他並不是可怕怪獸，而是保護我的~善良天使~
9個讚
…?
