好緊湊
等你慢慢寫
1個讚
繼續支持！樓主慢慢寫 
追
1個讚
樓主你都要小心身體
期待你嘅故事
1個讚
繼續支持
1個讚
真心, 好好睇, 雖然係02事件, 但好 touching, 好貼地, 好有代入感… 多謝樓主呀…
1個讚
《被祂選中的人》
第六章~初試中介人(三)
直到我做完功課，
欣然嫲嫲仍未回來衣紙舖，
我便唯有帶着很多疑問回家去。
回到家後，我刻意坐近在窗邊，
閒着望着樓下街景邊等待吃晚飯。
心裡面不停地想 :「欣然嫲嫲究竟係咪去左揾嗰個王小姐呢?我係咪真係幫到王小姐呢?」
原來爸爸由浴室走出來已一段時間，
他奇怪地望着我:「紫玥!諗咩諗到成個人呆左咁?」
「爸爸!你信唔信世間上有鬼架?」我認真地問
爸爸聽完我此話後，
他立刻一臉驚訝地向我說 :「下!紫玥妳宜家重有見到架?妳做咩唔同我講呀?」
「你都冇問我，咁我咪唔講咯，之前我夠有同你講，我喺嫲嫲度見到黑影架，但係你同媽媽都唔信我…話我講大話…」我扁着咀沒好氣地說
「對唔住…阿囡!其實我係信妳架，只係妳媽媽大人唔信咋，又加上我嗰排做野好忙心情又…唉!算啦!妳唔好嬲我啦!之前妳嫲嫲一直有同我講過有個「哥哥」既事，我都有同大陸既師傅傾過架」
爸爸拉着我的小手歉疚地說
「我都冇嬲你同媽媽呀!」我笑着說
「其實我相信呢個世界上，咩都有可能存在，或者妳天生特別容易見到「佢地」，因我既師傅有同我講過年紀越細既小朋友，係會比較特別容易見到，但亦有好多人之後年紀大左，隻眼就會開始見唔到，除非係天生陰陽眼，咁就唔同架啦!」爸爸一臉認真向我解釋
「咁我係咪遲啲會見唔到「佢地」架?」我疑惑地望着爸爸
「可能啦!係喎!妳都未答我，妳係咪又見到野?」爸爸隨即跟著我望向窗外說
我便又再一次將整件事，
詳細地告知給爸爸聽。
「阿囡!妳對眼真係見到好多野喎!不過妳放心，欣然嫲嫲佢有經驗識處理呢啲事架，等妳遲下放假，我都要帶妳番大陸見下師傅先」爸爸嚴肅地望着我說。
之後爸爸便提議到樓下便利店，
買雪糕留待今晚與媽媽一起吃。
一直存在於我和爸爸之間的隔膜，
終於在這一晚完全打破了，
同時亦拉近了我和爸爸的距離。
#疫情仍緊張大家記得小心身體
#我地大家要樂觀去面對
#期待雨後天晴來臨
希望大家看完故事後，會留低一個~讚好~送給我
22個讚
支持支持
你仲有冇去派口罩？任何時候最重要保護好自己吖
1個讚
我宜家仍有做口罩義工+惜食堂
放心!我一定會好好保重身體，好多謝妳對我關心
3個讚
繼續追繼續追
1個讚
《被祂選中的人》
第六章~初試中介人(四)
到第二日早上，我如常地等校巴上學。
欣然突然從我身後高聲地叫 :「紫玥!早晨呀!哈哈哈」
「早晨呀!欣然!」我拖着她的手笑着說
「紫玥，我靜靜雞講個秘密比妳知，尋晚我嫲嫲好夜先番屋企呀，之後我咪問媽咪，媽咪話嫲嫲去左地產姨姨嗰度喎!」欣然鬼鬼祟祟地在我耳邊說
「咁妳知唔知妳嫲嫲尋晚出去做啲咩?」我好奇地追問
「下!我瞓之前嫲嫲都未番喎!唔怕!我地放學之後番去問嫲嫲咪得咯!有車啦!」
我聽完後，心裡的確有點失望，
因我實在太想知道，欣然嫲嫲怎處理這件事。
終於等到我最期待放學時候，
我和欣然落過校巴後，
我趕快地拖着欣然的手，
即跑向欣然嫲嫲身旁，
然後我喘着氣地問:「嫲嫲，尋日王小姐件事我好想知…之後點樣?妳可唔可以講比我知…」
「紫玥，乜妳唔驚架?」欣然嫲嫲一臉驚愕望着我說
我用力地搖頭說 :「唔驚呀!」
欣然嫲嫲聽完後，立即大笑望着我和欣然說 :「我終於明白妳們兩個點解咁老友，
妳地兩個都係膽生毛」欣然嫲嫲笑着搖頭說
「嫲嫲，快啲講比我地知啦!」欣然用手狂搖着她的手說
「件事應該由上星期講起，對面街既地產老闆娘喺前個星期，收工時喺後巷洗完野， 佢可能倒污糟水時，冇講唔該借借，之後老闆娘就開始周身唔舒服，重話瞓覺俾鬼責左兩次，係前幾日佢黎左呢度查日腳，我查到佢嗰晚應該冒犯到位靈體，咁佢嗰日買左衣紙去後巷拜祭賠罪，就係老闆娘喺後巷化寶中途，原來王小姐行左出黎講埋啲無謂野，
唉!就係咁得罪左嗰位「姐姐」。好彩咁啱比紫玥妳見到咋，我尋日咪拿拿聲去地產舖揾王小姐同老闆娘咯」欣然嫲嫲淡淡然地說
「咁…王小姐佢點?」我繼續追問下去
「我將紫玥尋日見到聽到既事話哂比佢哋聽，嚇到佢哋面都青埋，最後佢哋尋晚咪捉住我，陪佢地邊道歉化哂寶先走咯!」欣然搖着頭嘆氣說
「希望「馬尾姐姐」唔好嬲啦!」我合着雙手說
「冇事既!佢哋只係唔小心冒犯，又唔係冤親債主咁麻煩」嫲嫲輕拍我肩膞說
「下!嫲嫲!咩叫冤親債主呀?」欣然睜大雙眼高聲問
「哎喲!妳地重細呀!妳地乖乖讀好書先，等妳哋再大個女，我先再慢慢同妳哋講，乖啦!」嫲嫲笑着打發我們，然後便催促我們做功課去。
#因我要備戰參加寫作比賽
#下星期將會更新故事兩次
#疫情嚴峻大家要小心保重身體
#第七章之離魂
希望大家看完故事後，會留低一個~讚好~送給我
24個讚
期待你出Post
樓主你都要小心身體
1個讚
樓主比賽加油
妳都要小心保重身體
1個讚
樓主加油，你寫嘅故仔好好睇，搞到我每日都㩒吓，睇吓有冇update
希望你比賽勝出
加油
1個讚
近呢幾日，我既教育工作因受疫情影響，所以我突然要改變上堂方式~Zoom~
又再加我個仔，星期三DSE放榜
，
所以我既心情起伏好大
在此好感謝各位支持我既讀者
謝謝體諒
#星期三放榜後會更新故事
#比賽作品仍未有靈感落筆寫
#我會繼續努力
8個讚
祝你兒子考獲佳績。
1個讚
《被祂選中的人》
第七章~離魂(一)
在我一至三年班時候，
相信是我唯一感到最開心的童年。
自二妹出世之後，
媽媽又再一次懷孕，
眼見爸媽對她們二人特別疼愛及關注，
而我就好像給爸媽遺忘般。
我不再感受到昔日爸媽寵愛及關懷，
他們只懂緊張我年幼的兩個妹妹，
當刻的我，的確真的非常不喜歡她們，
就是因為她們二人相繼出世，
才會弄致我今時今日被爸媽冷落。
這樣極端負面情緒，令到當時的我，
開始變得更內向及反叛。
幸好當時我身邊仍有欣然這個好朋友，
每天我最期望是上學日子，有欣然在我身邊，我才真正感到自己存在價值。
自兩個妹妹出世後，
媽媽逢周日便會帶我們三姊妹到教會，
對於我來說教會是個好有愛的地方。
在我四年級那年，
當時媽媽因非常著緊我成績，
弄致我和她關係差了很多，
她常常開口說我是大家姐，
應該做一個好榜樣給兩個妹妹看，
而每一次我聽到此番話後，
我都會故意不理會她，
媽媽只會偏心她們二人，
我平時只是做錯一丁點事情，就會被媽媽大鬧一頓，我真的非常不服氣!
如可給我再選擇，我絕對不願做家中最年長的大姐姐，實在太不公平了!
這晚我又再與媽媽爭吵一番，
我氣冲冲走進自己床上，然後便將被子蓋着頭睡覺去。
不知是否與媽媽吵鬧關係，
當晚我竟然很快入睡，
而且還發了一個好奇怪的夢…
在夢裡面，
我坐在一個涼亭內的石櫈子，而在我面前有三位年老的伯伯，他們三人都低着頭並排而坐在長石櫈上。
「紫玥，妳何解常常與家人吵鬧呢?」坐在中間的老伯伯慈祥地望着我說
他樣子一臉慈祥，
有一把長長的白鬍子，
他給我的感覺竟然有種莫明親切。
「伯伯!我好討厭媽媽，討厭我兩個妹妹，爸爸佢又成日番工，冇人肯湊我去嫲嫲屋企，我好掛住嫲嫲…」我板着臉氣憤地說
長鬍子伯伯聽完我此話後，他便慢慢站起來，然後坐近我身旁，再將我抱起放在他膝上。
「紫玥，妳不可因為一時之氣，而向自己父母說一些難聽的說話，他們會很難過，妳父母也有難處的地方，只是他們不想妳擔憂，妳父母又怎會不愛惜妳呢!所以妳要學懂體諒他們，知道嗎?」
長鬍子伯伯輕撫我的頭說
「伯伯!我知道…」我垂着頭說
「記着我剛才的話，不要再說賭氣的說話」長鬍子伯伯說完此話後，便與另外兩位伯伯一同消失去了。
#阿囝順利入到大學了
#好感恩好開心
希望大家看完故事後，會留低一個~讚好~送給我
33個讚
恭喜樓主仔仔考入大學
2個讚
恭喜樓主！！！
1個讚
恭喜樓主！
1個讚