樓主
1個讚
無意中係fb見到樓主近日身體不適，希望樓主好好保重，快些好返！
媽媽手~令到我成個左手及肩膀硬哂
食左藥痴埋藥貼先好好多
今晚更新故事
3個讚
《被祂選中的人》
第四章~椎心離別(三)
我陪嫲嫲晨運過後，我們便到商場內洒家喝早茶。
正當我想大口咬落叉燒包時候，嫲嫲突然好認真地問我
「紫玥，妳要老實同嫲嫲講，頭先究竟發生咩事?妳係咪發惡夢?」
我聽完之後，心裡面猶豫了好一陣子，
心想嫲嫲一直以來都是我最信任的人，其實我不應該隱瞞她。
所以我便一口氣將我與「哥哥」所有事，及剛才的事如實講出。
「怪得知呢排我周身唔舒服…」嫲嫲好驚訝地望着我，然後再追問我
「咁「哥哥」佢叫咩名呀?」
「我唔知呀…」我搖着頭說
「咁妳記住下次有機會問下「哥哥」叫咩名?我想燒野比佢，等佢喺下面都有買路錢」嫲嫲緊張地叮囑我
我們飲過早茶後，嫲嫲便帶我去衣紙鋪，買了很多紙扎祭品，然後我們便回家去。
當日我整個早上及中午，
都嘗試過坐在鐵閘門旁，
向着走廊不停叫喚「哥哥」，
但「他」並沒有給我任何回應。
而剛巧當晚我是要到爸媽家住兩天，
所以我十分心急想親口對「他」說，
嫲嫲很感激「他」昨晚的幫忙，
及想燒些祭品感謝「他」，
可惜，我等了一整天都見不到「他」…
差不多到了黃昏時候，
嫲嫲便趕快替我執拾好衣物，
然後便相約爸爸在樓下接我。
就在我和嫲嫲踏入電梯內時，
我竟隱約地從電梯門外走廊，
傳來「哥哥」哽咽中微弱的聲音
「妹妹…希望我地會再見!」
之後~砰~的一聲，電梯門隨即關上，
我整個人立刻停頓了好幾秒，
剛才我聽到「哥哥」的聲音，
「他」好像哽咽中，
「他」為什麼會哭?
「他」為什麼要對我說這些說話…
當我正想與嫲嫲說「哥哥」這件事時候，電梯剛巧已經落到大堂了，
而且還見到爸爸和媽媽，滿面笑容地等待着我，所以我只能暫時擱置這件事，待兩天後我回嫲嫲家，我再找「哥哥」問清楚吧!
嫲嫲將我的衣物轉交給爸爸後，
便微笑着叮囑爸媽:
「你地記得幫紫玥買齊開學文具呀，
佢下星期就開學，同埋你地有時間既話，就帶佢出去玩下」嫲嫲邊說邊撫着我頭。
當晚雖然爸媽帶了我去食豐富晚餐，
及送了很多文具玩具給我，但我並不感到興奮及開心。
因在我心坎裡，仍對「哥哥」剛才的~希望我們會再見~這句說話，感到極度莫名不安…
別忘記看完故事後，
記得送給我一個小小~讚好~及分享故事給身邊喜愛02故事朋友呀
#星期二將更新第四章的最後章節
#之後便到新的一章第五章陌生家人
#神經痛真係好鬼煩D痛係周圍跑
#都係嗰句好彩係左手
#因我係用寫既方法寫故仔架
35個讚
休息、好番才寫，唔洗咁急更新。
1個讚
雖然好心急想睇你嘅故事，但係休息要緊呀，我哋等得㗎 ！
2個讚
寫得很好，文筆流暢，極具追看
性。
1個讚
《被衪選中的人》
第四章~椎心離別(四)
回到爸媽家後，我見到家中傢俱添了很多嬰兒用品，我便冷淡地問爸爸:「媽媽肚裡面係細佬定妹妹?」
爸爸可能被我這冷淡的一問，
即反應不來尷尬地笑着說:
「係妹妹呀!到時妳就做家姐架啦，而且妹妹大啲重可以同妳一齊玩，」
「嗯!」我輕輕點了一下頭，
然後我便跟着媽媽洗澡去。
在爸媽家裡的兩天，我整個人都提不起勁，心裡總是想着嫲嫲和「哥哥」現在怎樣呢?
終於等到星期日早上，
我興奮地將自己衣物收拾好後，
然後便不停嚷着爸媽送我回嫲嫲家。
「紫玥，嫲嫲頭先啱啱打比我，話佢等陣同朋友出去打牌，叫我地今晚晏少少先番去一齊食飯」媽媽邊摸着肚子，邊拖着我的小手說
「嗯!知道…」我強擠出笑容點頭
~滴答~滴答~滴答~
我不斷地望着時鐘上的分針和時針，
原來短短一分鐘時間，是可以這麼長。
我終於明白大人常常說，
開心時間是永遠都過得很快，
而不開心時間是過得非常漫長，
這次我真真正正體驗到了。
其實當天爸媽對我說了很多話，
內容大致上是妹妹出世後的安排，
但可惜我全部左耳入右耳出，
完全沒有聽進耳內。
窗外天色開始漸黑，我便立刻催促爸媽出門回嫲嫲家。
~歸心似箭~
絕對可以形容到我當時心情。
當我回到嫲嫲住所的大堂後，
一直繃緊的我情緒隨即鬆開了。
熟悉的環境，熟悉的氣味，令我感到這裡才可以給到我安全感覺。
電梯門一打開，我即仔細橫掃走廊的每一角，可惜見不到「他」，我心裡想一定是爸媽在我身邊，所以「他」不方便現身於我眼前而已。
整晚嫲嫲家中非常熱鬧，差不多十一時爸媽才離開。
「紫玥，快啲同我一齊去沖涼，就瞓覺啦!」嫲嫲催促我說
「嫲嫲…係兩日前，即係爸媽接我返屋企嗰日，我聽到「哥哥」同我講~希望我地會再見~點解佢會咁講?」
我一臉疑問地望着嫲嫲
「傻妹，宜家好夜啦!有咩聽日先再講，知道嗎?」
嫲嫲明顯地迴避着我問題
「知道!嫲嫲!」
到第二朝早上，我如常地吃過早餐後，
便開始將玩具逐一搬到鐵閘門前，
然後我便向着走廊大叫「哥哥!哥哥!」
我由早上坐到中午，中午再坐到黃昏，但我仍都等不到「他」出現…
嫲嫲也不忍心見到我，整日都呆坐在門前，她慢慢走近我身旁，然後溫柔地說:「紫玥，我有個故仔想講比妳聽。」
「咩故仔呀?」我好奇地問
「「哥哥」既故仔咯!其實我喺妳去爸爸屋企嗰兩日，我問左好多個街坊，先打探到佢既事」
希望大家會喜歡我的故事
別忘記看完送給我一個~讚好~及分享故事
#實在太多野寫要
#下次先可以完哥哥故事
#多謝大家仍然支持我寫故仔
26個讚
好有温情嘅鬼故
1個讚
期待「哥哥」身世大揭秘
3個讚
追
1個讚
《被衪選中的人》
第四章~椎心離別(五)
我雙眼立刻通紅望着嫲嫲說:「我好想知道「哥哥」故仔」
註:~嫲嫲是在三年前才搬來這裡住~
之後嫲嫲陪着我坐在閘門前地上，倚着我身旁說:「大約係二十年前左右，我地呢層有一對夫婦曾經住過，佢地有一個獨生仔，叫做以朗，亦就係妳成日見到嗰位~天使「哥哥」~
以朗哥哥，佢都好可憐，由細到大佢都有長期病患，所以要定時定候要到醫院覆診檢查，聽個老街坊講，以朗爸爸負責揾錢生活，而以朗媽媽就全職照顧以朗。可能因為以朗既身體比較差，以朗媽媽好少比佢出去，同其他小朋友喺個走廊追逐咁跑，所以佢平時都習慣自己坐喺鐵閘口前，然後就同妳個傻豬一模一樣，將啲玩具逐個逐個放哂喺地上，可能佢希望有其他小朋友行過門前，會見到地下既玩具，可以會停低一陣同佢玩…」
嫲嫲望着走廊外嘆氣再說:
「老街坊有同我講以朗呢個男仔，雖然性格好內向，但佢地一家人平時出入都好有禮貌，會同其他街坊打招呼問候，所以老街坊好記得以朗呢個男仔。
唉!但就係大約四年前左右，以朗因急病喺屋企突然過身，佢既父母好傷心，所以便離開呢度移居左返大陸住。」
我雙手緊握着鐵閘門，望着走廊方向飲泣地叫:「哥哥!哥哥!你去左邊呀?我好想見到你…嗚嗚嗚」
嫲嫲輕輕地拖着我正在緊握閘門的雙手，然後從後抱着我說:「紫玥，妳唔好喊…如果以朗哥哥見到妳咁唔開心，妳會嚇親佢，佢會唔敢再同妳玩架!」
我將一直緊握的雙手慢慢地鬆開，然後用雙手抹乾面上眼淚對着嫲嫲說:
「我唔喊!我唔喊!「哥哥」會唔鍾意」
距離我上小學日子越來越近，爸媽和嫲嫲也開始相討我上小學之後安排，媽媽也提議過如我上小學後，她可辭去工作照顧我，但我一直都未接受這個決定，因我實在不捨得離開這裡，這裡有最疼愛我的嫲嫲，及我最喜歡的以朗哥哥。
這天是我等待以朗哥哥第五天，我如常地吃過午飯後，便開始將玩具及爸媽買給我的新文具，逐一平放在閘門前，因我好希望以朗哥哥會見到，「他」會再出現我眼前…
下回預告:
紫玥將會在下一章故事，
再見到以朗哥哥，
到時亦會交代以朗哥哥，
為何會突然之間消失
你們越多的~讚好~會給我很大動力，
繼續有信心寫下去
希望大家看完故事後，會留低一個~讚好~送給我及分享故事
24個讚
好精彩，加油
1個讚
純估計: 以朗哥哥之前同「黑影」隻揪，所以元氣大傷，要休息。
1個讚
感人的02故事，樓主加油，你繼續寫我地繼續追！
1個讚
多謝妳支持我
1個讚
支持支持
1個讚
好好睇呀
1個讚
一路追
1個讚
等你 
1個讚