同埋我想問我體脂32%,係咪算嚴重?
體脂率係一個計數方法，假設你50kg(160cm女仔正常體重)，而脂肪你有12kg，12/50即24%體脂率。 體脂率有兩個數字，一個係你嘅體重，一個係脂肪幾重，所以降低體脂率就有兩個方向，第一係減身體入面嘅脂肪重量，第二係增加體重但唔增加脂肪即係增加肌肉。
我用返上面個例子，脂肪重量不變，但增加肌肉2kg，體重係52 kg，12/52=23%，咁體脂率就會下降。
如果本身不是特別重，而係體脂率高，咁好大機會係因為肌肉太少，咁計出嚟個數就會體脂肪感覺上好多，但實際上未必真係好多。
對於瘦底女士我都係建議，重量訓練、食得夠營養、訓得夠。重量訓練好重要好重要好重要
體脂率我哋建議一個月做一次，同埋要揀喺同一個時間，做運動之前度就會比較準。但係冇一個磅係絕對準，unless去醫院度做
強帖留名
疫情開始停左三個月 我都想做番運動 我上group class 但帶口罩做weight / cardio 會唔會焗到換唔到氣。。唉
腹肌明唔明顯有幾個原因 1)天生 2) 體脂高低 3)腹肌肌肉量
天生就係男女問題，同埋身體構造，有啲人練極都練唔到最下面嗰兩舊，都係因為基因問題都冇辦法。 體脂肪低嘅話腹肌明顯一啲啦，同埋真係腹肌好大嚿咁又會明顯啲嘅。
女性天生個下腹兩舊係唔明顯，因為我地需要脂肪為子宮保暖。我都係參加比賽，突然間減好多脂肪，下腹嗰兩舊先會相對地明顯啲啲，平時嘅我都係望唔到下腹嗰兩舊。
我咁睇，我以前都好執迷六舊腹肌，我曾幾何時都好瘦，本身都係瑜伽導師。我知道好多女仔都好鍾意好瘦，鍾意見到自己有六舊腹肌有人魚線blah blah blah，但end up去inbody度出嚟都係偏瘦、肌肉量唔夠，得個瘦字，身無半量肉，但下腹肚腩仔仲喺度…etc 下刪一萬字 擺脱對自己嘅框架，做運動都開心啲，有興趣可以喺YouTube睇下Stephanie Buttermore嘅故事～
6個讚
係，女性理想around 23~24%
如果上group嘅circuit training最好都係除口罩。單純做重量練胸練背都可以戴口罩。
有聽過一個講法，運動不能每日做，隔天做效果更好，這個講法啱嗎？thanks
搭嘴,你有無check過會唔會係卵巢多囊症?呢個病好多人都有,會肥同埋D M唔準或者唔嚟
想請教，腹直肌問題嚴重，有乜可以做，有乜唔可以做？ 有無成功經驗可分享？
好無奈，以前唔知原來會有呢個問題，仔都十歲…
睇下做咩運動，跑步跳舞游水單車瑜伽可以日日做，重量訓練如果係分肌肉部份都可以日日做，胸背腳膊手腹分開五日練，另外兩日做帶氧就操曬一個星期。
不過最重要都係自己身體狀況許可
2個讚
如果好嚴重，即腹白線多過三隻手指要考慮做手術。情況唔嚴重日常都係多做腹肌鍛練。
我又冇咁認真去分，只是跟YouTube 做hitt同tabata之類，我想減得快d，因為個肚腩太勁了
唔該晒你解釋關於體脂率嘅問題，我估我要先去減脂，然後再睇吓個percentage之後先睇吓要唔要增肌
減脂飲食有乜嘢要注意？做有氧運動定係做HIIT?
理論上HIIT可以日日都做，只要心臟負荷度就無問題，但YouTube好多巧立明目嘅HIIT都係流嘅(esp Emi Wong)，只係全身運動咁
我都跟過emi wong幾日，覺得冇太多心跳加速的感覺，所以轉了其他，希望每個月都減到2%體脂啦
減脂主要係食同有氧運動，但增肌都可以幫到手減脂，因為肌肉消脂能力高，減完反彈得無咁快。
我有喺自己身上做實驗嘅減脂方法係食少每日所需200卡路里，唔食碳水化合物，清菜雞胸加好脂肪，兩星期無咗1kg淨脂肪，肌肉無跌，無做有氧，繼續維持平時一樣嘅重量訓練。俾你參考下
2個讚
心跳加速=/=消脂，因為消脂都有好多方法
2%一個月已經好顯著，唔使心急～
不是要將心跳去到130左右才可以較快燃脂？
你的分享很有用，有啱嘅知識才可以事半功倍 