見到好多JM都講減肥，夏天又到
見到好多錯誤觀念
不如開個Post俾大家問下
反正又未開工
健身年資7年，1年前做教練
30+ 女 從不節食 減脂期都係
推薦YouTube Channel
- Popsugar Fitness
- SELF
- FitnessBlender
25個讚
請問去開邊間gym room? 有冇推介？ 我上網睇fit lxx 大約500幾一個月？算唔算貴？
你係男定女？
500幾一個月算貴，如果你唔怕俾人sell去goji physical簽三年都係200幾蚊一個月。我以前去California做，後期執咗就去咗24/7，跟住喺朋友開嘅gym度做，就無join到大gym
女
果間朋友有去 佢話包埋d堂上 例如yoga 果d 但就先到先得 所以就唔知$58*貴唔貴
我本身未去過做gym 有少少驚簽長約 驚左俾錢 好少去
1個讚
如果你驚自己俾咗錢會好少去，可以搵private gym跟教練，或者上group class。上Group classes一堂百幾，一個月都差唔多580幾
依家先開始減, 會唔會冬天先至修到身成功架… 
…
多謝 咁我再搵多d資料先
另外呢 你地對於coffee教既運動會唔會有咩睇法？
其實肯對自己嚴格啲，兩三個月就會見到成績。當然係講緊好嚴格一星期做三次運動，食雞胸白烚菜少碳水。
3個讚
我唔會抹殺coffee、emi wong呢類influencer對運動初心者，的起佢第一下想做運動嘅動力，呢點的確係真，你而家問香港十個女人，我諗有五個都至少跟佢地做一兩條片。當然我有時同女性客人傾開計，佢地都會用呢啲influencer做目標。
只要動作岩，觀念岩，就唔會有太大問題。觀念錯咪就係練鎖骨、排毒果汁、通淋巴、拎水樽就練到果類，觀念錯喺教學生果時都幾難糾正返，只能慢慢滲啲俾佢地。
雖然喺我眼中coffee同emi都係過瘦，可能喺一般人眼中叫有肌肉啦，而佢地嘅身型亦都影響好多香港女性，覺得瘦加些少線條就靚，咁呢啲各花入各眼。我就唔鍾意太瘦嘅，但個客鍾意就無辦法，咪幫佢達到目標咯～
7個讚
要減肥，我覺得飲食係最難。carb,菜,肉係咪1:1:1最好?
菜無限食都得。Carbs係肉嘅一半，我食好少碳水，可能一日都食唔到一餐係有白飯。肉係每餐自己手掌咁大，水果一日一拳頭。
2個讚
健美同 strength and conditioning training 有咩分別？跟緊個健美 trainer，train 到個 shape 但其實力都係差D
做平板支撐係咪可以有腹肌？
如果有肚腩，做plank係咪會唔見咗個肚腩㗎
已經隔天做30mins 運動，一個只減了1.5-2%，進度是否太慢呢？
太好啦！我等呢個post好耐！想係度掟西瓜尋教練
我知人人情況都唔同，想知道啲youtube講到一個月就練到馬甲線，係咪呃人？
宜家要返工無咁多時間，如果每晚只做一組workout，會唔會太少都練唔到馬甲線收肚腩？
2個讚
其實睇你自己想要啲乜嘢，如果你單純想身材好嘅，咁你就可以跟健美嘅trainer。都有好多唔同方面嘅，譬如你玩健力，咁你可以跟相對應嘅教練。健身都有好多種。 如果你自己係想練多啲力嘅，你可以同返你教練講，想改下個program。Strength and Conditioning一般都係講客人玩開某運動，例如打籃球，就會同佢訓練返打籃球需要使用嘅肌肉、關節活動度、穩定度、跳躍同埋防止受傷。
1個讚
如果想全身減肥，係咪划艇機比起跑步機會好d? 本身無做開運動，如果想開始應該一星期要做幾多日？每次做幾多分鐘？thanks!
平板支撐係訓練深層核心肌肉，單係平板支撐係練唔到六舊分明嘅腹肌。
做腹肌運動係減唔到肚腩，sad but true。雖然坊間好多咩9分鐘練人魚線 sorry係唔會發生。減肚腩都係做下有氧、HIIT、戒糖食清啲。咁你減走咗個肚腩之後，先會見到練咗明顯嘅腹部線條。有啲人天生瘦底練幾嘢就有線條，就係因為無脂肪遮住喺肌肉上面，但唔等於佢core勁，單純係體脂低。
10個讚