Hello, 想問你是否有女性健身入門班嗎？可唔可以提供details?
想請教一下
，
我身材超唔均勻，上下半身係兩個身型兼相差兩個碼。
雙腳粗得緊要，試過做腿運動，多拉筋，多飲水，但半cm都冇減過。其實仲可以點？好多人都教做深蹲，我有做，但係咪會腳粗？我覺得我大腿嘅問題係嚴重過小腿（似肥+水腫）
運動方面，每星期一次重訓（LM果類group class），一cardio；淨番時間有時在家做YouTube片/ 上多一日瑜珈/戶外行吓，視乎時間安排。
唔多食碳水，蛋白質一日攝取最少35kg (有時記得就食多點），唔多甜食，想全戒但好間唔中破戒
我係矮妹，唔夠160cm，48kg
腰大概25吋，如果有時候食少咗甜食就24.5吋，臀 34.5吋左右，體脂24尾-25%
其實好氣餒，試過好多方法但碌腿真係粗到唔講得笑……
蛋白質35kg？係咪打錯？
你覺得自己係邊度嘅腳粗？大腿粗定小腿粗？大腿外側粗定內側粗？
著衫上身同下身會唔會都差一個碼咁多？
係打錯，g not kg 
35係雞胸同2隻蛋，睇YouTube 有人話體重的1.8-2倍？所以有嘗試向哩個目標食（但未必日日夠）
成對大腿都粗…. 可能外側嚴重些因為搣到好大團肉（大腿上的位置，近臀部）上下半身買衫都真係差到一個碼（有時可能2個碼）
正常人無運動都應該要係體重一倍，你嘅話即係48g，你而家嘅攝取都連正常都去唔到喎…
外側嚴重更應該要多做深蹲同硬舉，將兩腳應該要用力嘅肌肉練返好。而唔係借力用左其他不應該作為主發力肌肉嘅肌肉黎生活。
但見唔到面唔知你咩狀況，大概講下而已。
深蹲驚腳粗
即係返工驚自己會聽日就做CEO一樣
咁即係我嘅蛋白質攝取應該至少96g (48*2)? 我要再調整吓飲食
咁我努力D做深蹲，自己多D留意姿勢
行山係咪唔怕腳粗？哩排天氣好啱行
有做重量訓練嘅可以去到兩倍，無乜運動品洗食咁多，一倍多啲就ok
練好啲大脾同臀部肌肉發力先啦。
好的，謝謝你嘅建議
你之前嘅留言話一個星期做一次自己鍾意嘅運動，行山呀打波咁；係咪我照行山都唔怕？因為我都幾有興趣培養吓哩個運動，香港好似大把山可以行咁
想問如果完全唔戒口, 只做gym, 會有減肥效果嗎?
我唔介意過程要長啲, 可以戒零食、飲料, 但不斷食雞胸雞蛋真係好難堅持, 好難食+冇時間煮。
1個讚
無所謂…做咩都好，好過咩都唔做。
減肥係熱量赤字。
你做到熱量赤字，一日剩係食一餐麥當勞，1100卡路里，6星期左右就開始瘦。或者你食啲鄭秀X啲水煮仙女餐，一日得800卡路里都會瘦。但主要及微量營養素不均、煎炸食物嘅發炎反應，身體就會開始變差，甩頭髮，無月經etc
做唔到熱量赤字其他所有野都係講經。同埋而家咁多meal prep公司/慢煮雞胸公司，已經無懶+無時間+好難食做藉口，你有錢就得。同埋佢都唔係比雞胸雞蛋你食，正餐有肉有飯有菜。
咁係咪做運動無用，如果減肥黎講個效用係唔高，7成係食3成係運動。運動佔人體一日消耗約10-20%，你做到盡啲精英運動員都係30%，人體本來可以消耗嘅熱量係有人體嘅限制（最近有份新研究做呢樣野）。無得增加output就係要控制input，所以控制唔到input所有野都係講經。
3個讚
呢排凍咗好多，量力而為第一
約最少一個朋友一齊行
睇住啲時間，唔對路就即刻U turn返屋企
2個讚
多謝你
放心，我唔興一人行山，會量力而為。
眼見咁多行山事故，真心覺得好唔值
2個讚
留名學野
可唔可以分享多D你嘅keep fit/操肌過程？你本身瘦底定係以前肥過再減？以前操肌放幾多時間運動？（「常人」果陣唔計參加比賽果D)
多謝你詳盡嘅回覆同advice, 自己太孤陋寡聞,聽完你講先知有meal prep公司, 睇左有間都好多選擇唔駛白烚生活咁慘。
多謝你~會嘗試去改善飲食
本身係瘦底。未開始做運動前身體好差，成日病。咳左大半年後，中醫叫我做運動改善，當時屋企近游泳池就去左游水。身體狀況改變左之後有玩過好多唔同嘅運動，泰拳、空中瑜伽、瑜伽、pilates、長跑。有跑過幾次半馬，差啲比泰拳師父捉去打比賽，亦都拎左瑜伽導師執照。
有氧運動做得好多嘅時候體重最輕44kg，體脂率15%。唔想再輕落去，而當時嘅男朋友而家嘅老公開始做gym，所以跟埋去摸下啲機，之後自己摸索，都跟過PT，到後來做埋PT。未咁認真果時一星期練三四日，體重就一直慢慢上。而家係54kg，體脂17~18%。
3個讚
想知樓主公司係邊區同收費詳情，可以PM？：）thanks!
1個讚
有邊間真係唔sell, 最好係女專用
平均嘅意思即係點？有無你心目中嘅平均黎睇下