100分滿分，徒手20分，加拉力帶多10分，可以叫做好過無。
呢方面我好有經驗，次次瘦都係瘦上身
啱啱先見到依個post，唔知仲可唔可以請教下
我耐不耐就會有膝蓋痛嘅問題，有時想做下運動（跳下健身操咁），不過做完就痛。
請問有咩運動適合膝蓋痛嘅人？
還是我應該先加強小腿或大腿肌肉先去做運動？
先睇醫生, 睇下醫生建議做啲乜(中醫/西醫都好)
無論如何建議先取醫療建議先開始做運動…
唔知仲可唔可以問呢
本人勁肥人士, 依加想努力減肥
150CM, 68KG
為左健康!!
我依加暫時一星期會去3-4日, GYM 房做跑步機 /單車30分鐘。KEEP 住心跳有60%左右
但又唔想成日去, 怕悶, 就係屋企做下D 30分鐘全身WORKOUT
我岩岩開始, 咁算可以嗎?
同埋想問下你間GYM ROOM 係邊?我想有返個岩GE 運動方法, 唔想白做。
最後, 我呢D 體重, 你地會唔會好怕教?
我都想問，如果而家懷孕10週，叫剛剛陀得穩，有冇d運動啱孕婦做
因為之前作小產，差不多有個半月冇點郁動過
啱啱開始嘅話咁都可以嘅，其實冇話做咩運動係最好嘅，你最鍾意做嘅又可以持之以行咁樣做，其實就係最好。
Pls check DM
孕婦做運動前先問准醫生~
明白，唔該晒
Hello!
咁講講我個背景先，我之前由體脂41%減到而家34左右，體重由70kg減到而家係58kg。咁我係靠跑步，一星期4次，每次45分鐘，有時無時間或者太攰就係屋企做coffee既workout…做大概45分鐘左右。但冬天既時候我就stop左。
而家想開始返減肥，想問下我係咪應該一日跑步，一日係屋企做workout？本身我Patpat同大腿都比較肥。或者你會有咩建議？唔該
Ps:本身想試下去做gym，但驚比人sell課程，所以卻步左
你問我我覺得最好嘅始終都係重量訓練，無論短期減肥定長遠而言講緊骨質密度都係重訓最好。不過每個人有自己嘅藉口而拒絕開始重訓，我勸唔到，你可以再自己考慮下。
減肥要做有氧就少不免的，你個方向大致係正確的。但無得話想減邊度就減邊度，減脂係全身減。
明白，方便問問你係邊區做教練嗎？
其實都想試下做gym…想train下自己手臂同腳，由其手完全無力
Pls check DM 
1個讚
想firm手臂，2.5kg嘅啞鈴是否唔夠重？
想firm手臂係減磅喎…唔係舉啞鈴喎
係咩
你好 樓主
我上網search下啲資訊咁岩見到你依個page嘗試留言請教下及想知你係邊區做教練因為我都想減肥，想知啲information 如果可以方便留個contact or ig都ok.? 
背景：
話說我生咗小朋友都2年半左右，而家重到76kg左右 身高155cm
之前都有做運動，咩都做但湊小朋友既精神＋返9 5工太攰更加小咗動力做運動，confirm咗自己係多囊性卵巢症人士，自己又有時真係忍唔住個口但而家就真係好想減肥，可能年齡問題啦，加上都開始真係想健康啲
想問下 如果1日做有氧（跑步/單車） 1日hiit or 1啲 youtube/apps教既workout 1日阻力訓練ok嗎？
你最後唔係問自己做運動得唔得 咁拎我contact做乜 我免得有人會覺得我賣廣告咋
減肥最重要嘅係控制飲食呀，你有呢個病都知道減肥會對病情有幫助，最重要係食，七成係食，三成係運動。做咩運動唔係重點，食先係。
你岩揾教練都係想自己唔好亂做都無效果或者執下啲動作，因為有時自己做既動作都唔知岩唔岩 
但你係問自己做運動得唔得呀嘛 我收過呢度唔少enquiry都有話要拎我contact話想搵教練，但都係無下文 我想講嘅係，本身你嘅時間已經唔多，好嘅教練時間好難夾（我已經開始比現有嘅客人話我時間好難就，話我好難book），咁搵教練仲係唔係適合你呢？你要自己反思下呢樣野先。你唔做飲食控制嘅話，就算有幾好嘅教練都幫唔到你架。你先控制飲食，飲多啲水，日行一萬步已經可以瘦一個圈，我講真，唔係呃你。
3個讚