去gym room舉啞鈴呀踏踏實實做負重訓練
無概念嘅可以搵有經驗嘅朋友帶，或者搵教練
有部份健身室都有做健身入門group class都可以上
睇youtube search新手重量訓練拎返個概念先
爬完文!請問可以PM我嗎?
想知樓主公司係邊區同收費詳情
同埋可唔可以推薦下邊間淘寶買運動服既舖頭
淘寶
平價
kk fitness女子運動
蘇派淘
Jack大叔運動品牌直銷
貴價
Aria Sports Wear
La Nikar
其他內容pls check PM
爬晒文, 有D問題想請教。
我本身係骨架細既, 所以手腳都幼, 之前頂唔順自己愈黎愈大肚腩就大約3月開始做運動&改變飲食想減脂增肌, 而家既情況係:
- 戒晒精緻澱粉, 只食薯仔, 番薯, 燕麥麩, 而且份量比以前減少左好多
- 每星期做一次空中瑜伽, 盡量每星期去一次做GYM
- GYM每次大約做2.5個鐘, 重訓為主, 少量帶氧
- 體重有變輕, 而家BMI係18.幾
想問下,
- 肚腩而家都覺得仲有少少, 尤其下腹, 同埋食飽後更大肚, 係咪要繼續減脂先會平?|
- 我覺得自己骨架細唔夠橫, 想著衫好睇D應該練咩? 我有用啞鈴練肩, 都有做機練背
- 女仔想增肌應該用負重重D, 做約8-10下, 定係用輕少少, 做約13-15下好D?
- 成功增肌後, 係咪要長期KEEP住練先可以HOLD到個體型?
1個讚
可唔可以share 下咩片？
想問下Chloe Ting既workout progrmme ok嗎？
你果幾組問題其實有自相矛盾嘅點，所以我一口氣回應你先。首先我講左基本概念係減脂->熱量赤字，即係食少啲；增肌係熱量盈餘即係食多啲。增肌減脂同時間發生係有可能，但通常都係得一般新手蜜月期先做到。想個人大舊啲橫啲你要生多啲肌肉，唔食多啲野，啲肌肉搵咩黎build呢?
答問題我無所謂，我比較想你可以搞清楚自己想點。其實你個情況係skinny fat多於話真係肚腩大，要做嘅野就係重訓重訓同重訓，加快個新陳代謝，等自己唔好再驚一掂些少野食就會肥，日日望住個磅體重一升就驚果種心理。下腹有保護子宮嘅作用，有係正常，唔需要太介懷。食飽之後個肚唔大啲野食擺去邊？
如果你係有順利增肌嘅話，你個體重會一路上，唔應該變輕添。當然增加磅數對唔少女人黎講係好大嘅心理關口，增肌期亦都會增加身體內嘅脂肪，which is無辦法避免，只可以用飲食控制個增長比例。你亦都無提到蛋白質攝取which is far more important than carbs。同埋增肌要食好多碳水化合物，呢點你又接唔接受到？（呢個社會成日污名化碳水化合物同合理化少菜多肉呢啲bullshit）最後，唔好講身型啦，婚姻、友誼、事業都要努力先可以維持，所有事情皆同理 
同埋肌肉唔會有人嫌多，你係練黎等老果陣流失，就好似你返工唔會嫌錢多，等你退休果時用。
2個讚
做好過唔做。
我返office工，收工返屋企都唔早，仲要照顧屋企，又覺得好攰，到有時間停低又差唔多要訓覺，無咩時間運動。一星期只得1，2日可以做gym，咁樣係咪做得太少? 如果我唔訓，夾硬做運動/gym，完全無力/精神操
另外我本身有腸胃病，飲唔到水又食唔到野，唔夠水份就搞到便秘，呢個慘況不停無限輪迴，對增肌減脂好大影響
唔知有咩辦法改善
一星期一至兩日已經唔錯啦。唔好唔訓覺呀，會有假性肚餓同埋減慢新陳代謝。唔好對自己咁高要求，唔好講到增肌減脂咁嚴重，保持身體健康就好。
我本身腸胃都好差呢，我係戒曬所有令我腸胃唔好嘅食物（咖啡因、酒都戒左）。我唔知你需唔需要戒口啦，或者想唔想戒口，或者你係腸胃對某啲食物過敏（可以參考下腸易激綜合症的fodmap飲食方法)。本來腸胃唔好嘅人增肌係會比較慢，但唔代表唔會成功。正確嘅道路本來就係又慢又辛苦又無聊。
假性肚餓係咩意思?
其實我係要戒口架，好多野都唔多食得，Gluten，豆類，會易產生胃氣既都要少食，連健身人士恩物西蘭花，蕃薯都唔可以食。其實都無咩係食得
，所以增肌比正常人更加難，好似無增過咁，但脂肪就增左，所以最近想的起心肝努力管好把口同運動
不過我又衰為食，同埋返工忙個時水都無時間飲一啖，搞到腸胃越黎越差。我都唔知可以點做
即係啲人唔訓覺通宵睇波又會想食宵夜嘅感覺，唔係肚餓而只係因為捱夜需要能量而食野。
我唔食得嘅野比你多，豆類、乳製品、西蘭花、好多唔同嘅水果、蕃薯、菇類、洋蔥蒜頭、咖啡因、酒精。我都好地地啦，無事架其實…係香港啲餐廳對食物敏感唔係太著重，食西餐佢地會好緊張，我平時都係食西餐多。就算食five guys佢都有張allergy list。其實會慢慢慣，主要係唔想自己辛苦，因為一啖快感而自己唔舒服係唔抵…我自己咁諗啦。不過都仲有好多野可以食，其實係。用大水樽2公升裝定一日要飲曬嘅水，全日就要飲曬咁囉。
其實一般人無大重量訓練係好難增肌架…我覺得你真係唔好諗增肌呢個問題先，你搞好左生活習慣先諗其他野。
我唔可以食既野其實同你差唔多，我仲要係外食族，出街食好難搵到啱食既野。同埋我飲少少水即刻胃脹肚脹，好辛苦，越來越唔想飲水…
你都講得啱，要搞好生活習慣先講其他野。我健身2年，但效果唔太好，有增過肌但增脂速度仲快
其實我係新手呀, 你會唔會誤會左, 我都無唔食野同驚體重升, 我只係想改善體型, 唔係話一味要變輕, 我減少左carbs, 改左原形食物, 仲食多左好多蛋白質, 而且我都係有重訓再重訓呀, 但而家出黎個結果係體重有輕左少少, 所以我係想知肌肉應該點練先會有效D姐, 唔知應該要做重D少D下數, 定做輕D多D下數有用D。
另外你提到有下腹肚腩係正常, 即係就算有健身開/好FIT既女性其實都係有肚腩?! 無肚腩先係唔正常嗎?
其實我都好想知
到底生完小朋友，係咪真係皮鬆到返唔到轉頭，好似點做都係鬆咁
1個讚
剛才回應你嘅時候我都講左，增肌係需要熱量盈餘，減少左碳水化合物已經同增肌扯唔上關係。蛋白質有幾多？多係幾多？有無計住量度住？
你問到下數就，籠統啲講肌肥大係8-12下，想個人橫啲就練背練膊。
「另外你提到有下腹肚腩係正常, 即係就算有健身開/好FIT既女性其實都係有肚腩?! 無肚腩先係唔正常嗎?」
係，我而家備賽期體脂得10%，食完野都係會有肚仔架，唔係食完野憑空消失？我而家體脂咁低都要空腹先+呼盡曬度氣先無下腹肚仔。根本無些少肚腩就唔現實，影相個個都縮肚架，得我先話個現實比你聽，唔好比啲社交媒體洗左腦呃到…
7個讚
我曾經都比ig, fb上面既相呃左，佢地完全無肚腩仲有腹肌，女性都係，以為會真係可以做到平腹。
後來有次見到有個po，叫人唔好盲目追求平腹，將健美人士影相時同影相後既對比照擺出黎，原來係收晒腹谷住先影到個效果。佢地影完相放鬆，都係有個肚腩，腹肌都唔多明顯
好想睇呀
成日搞到我有錯覺呀頂，
有時我連蜜桃臀都係企得靚啲等個pat靚啲架咋，雖然後我覺得未係
我追求唔到平坦小腹，唯有望住個patpat發下夢
唔係要攻擊任何人，我見某啲kol都係用pose黎擺個pat pat出嚟，並非真係有蜜桃臀。