唔好意思講得唔清楚，我身高158cm重67kg，體脂成41%。
四月之前一星期一日超慢跑45分鐘加一日運動，但都比較hea。
運動方面，四月開始（我唔係住香港），由於封城橫掂冇野做，的起心肝認真咁樣一星期一日legs, bums and tums， 一日HIIT加一日full body workout，上網跟virtual gym class.
五月開始就同四月一樣做三日virtual gym class，其餘嗰四日就跟Popsugar 個YouTube channel做唔同運動。
飲食方面，五月都開始認真咁樣去改善，跟16:8 intermittent fasting. 一日食兩餐，第一餐會飲protein shake 加一隻烚蛋，晚餐就會食平時食嘅嘢。不過都會盡量控制住每日嘅卡路里攝取量係低過1500。有時會超少少，大概一星期一次左右，不過都唔會過1800。
Virtual gym class我諗都係無重量？你講果堆都係自身重量訓練？
晚餐跟平常食嘅野，平常又係食乜野？就你描述蛋白質攝取唔太夠
體脂高有機會係你肌肉量太低，所以個數計出黎好高。
多謝你嘗試咁細心去了解
係，Virtual Gym Class絕大部份都係自身重量訓練，可能有一成左右會用個2kg 或4kg做lateral raise同shoulder press 之類嘅動作。但會有幾多跳嘅動作，例如High knees、squat jumps、star jumps之類，唔知係咪就係呢啲跳嘅動作令到我膝頭怪。我想繼續可以做運動，如果我唔做呢啲跳嘅動作，用扮跳但其實只係企高（腳趾）可唔可以保護到膝頭呢？定係應該做其他運動取代呢？不過由於封城嘅關係，我暫時去唔到gym。
我有嘅用具有： 一對2kg ankle weight、一對4kg kettle bells同一對sliders。
晚餐方面，會食例如蒸排骨+菜+飯，或者咖喱肉+菜+飯，又或者意粉。由於我好鍾意食嘢，所以我就選擇左16:8intermittent fasting，用食野嘅次數去限制卡路里，所以我食晚餐就唔洗點樣限住咁樣去食，例如會撈汁食飯，不過我會大概跟返之前gym 個introductory根據我嘅重量建議嘅一日 150g:100g:50g 澱粉質：蛋白質：fat 去做大網，咁由於我第一餐淨係會食一隻烚蛋加蛋白粉，所以就會有好多quota可以晚餐用。但係你講得啱，蛋白質通常都唔到標，其實澱粉質都唔到，fat就好多時都會多咗少少，可能去到60。其實雖然只係認真咁樣去每日運動左三個禮拜左右，不過我覺得自己係大力左嘅，例如一開始我連一下push都做唔到，而家我可以做到兩set，每set 10下。感覺上啲衫褲係鬆咗少少，同埋個肚腩冇咁頂住。（不過之前冇磅
，所以冇咩實質嘅數據）
至於體脂係真係好高，另外根據個磅所講：
Muscle mass 38.3kg
Bone mass 2.5kg
根據以上你嘅資料，你覺得我應唔應該繼續我而家嘅計劃（每日運動+intermittent fasting)但加蛋白質，定係要重新再定過個方向啊？唔係曬你呀
我建議你練下對大脾先再做跳躍動作。跳嘅動作如大腿肌肉唔夠，平衡又唔係咁好，land得差，力會落曬去膝頭。用kb做squat, deadlift, hip thrust, wall sit。你淨係做腳嘅負重運動都會有好好嘅減脂效果。上半身可以暫不理住，先做好下半身負重，練好對大脾先。
食夠蛋白質咯，同埋用天然調味料，蒜蔥鹽黑胡椒咖哩粉甜椒粉，走汁。你個飲食比例無問題呀，但食夠蛋白質呀真係要。
我建議，一日負重做下肢，一日做帶氧，咁都可以日日做運動
多謝你嘅建議呀，我會跟住你講咁去做，希望過幾個禮拜可以返嚟滙報俾你聽我嘅進度啦 
我唔係想減肥，只係想做yoga 拉筋個人輕鬆d，我有跟到coffee 片做咗3星期左右，每次做完真係輕鬆咗舒服咗。
唔知你對佢嘅yoga video 又有無咩評價？或者有無其他channel 可以推介下？
其實拉下筋輕輕郁下，係唔係coffee都好，個人都會輕鬆啲，嚴格黎講都唔係好關係唔係coffee事，最重要係你有做。不過瑜伽係咪有如佢所講真係咁強嘅燒脂增肌效果，我有保留。
瑜伽channel
Boho Beautiful
yoga with adriene
Sarah Beth
做左三星期Chloe Ting 腹abs workout , 真係減唔到肚腩, 好在睇到呢個post. 今晚做popsugar 先.
不過做左chloe ting 手臂有力左個人都輕身左咁 (我以前係一D運動都無做) , 都係令我開始左做運動
yoga with adriene 好正, 佢有好多唔同片, 身心靈, 唔係淨係瘦
都會有啲啲嘅，但難啲
我有個朋友又係鍾意晚晚抬腿話去水腫……同佢去旅行晚晚喺酒店抬，叫佢跟我練又藉口多多。無用架，唔好信埋啲無謂野
拉筋都無用呀？
之前得抬到90度左啦覺得大髀小腿都有拉到，
但我上網search 又話咁樣傷腰骨。
減少碳水化學物同戒糖根本就唔會有水腫問題
成個人都可以「走水」
但真係好多人唔肯相信事實，硬係要信「瞓住瘦」嘅理論，唯一解釋係想不勞而穫，同去馬會買六合彩同一道理
無用，大腿同小腿肌肉紋理根本唔係咁樣拉
做多啲運動，飲多啲水，飲食清淡少鹽少糖。水腫係血液循環回流不暢呀嘛……做運動咪最好
請問我有足底筋膜炎, 跑步會痛, 膝頭哥都係, 可以做咩運動減大脾同肚腩呢? 請問可以PM你嘅教學頻度嗎? Thank you!
減脂肪係無得局部減
我無拍YouTube sorry
盆骨附近有條血管，90度時等於摺咗條血管，影響血液流動
所以點解坐得多會下身肥胖
要解決，其實係要做下肢運動pump返d血(+廢物)去上身
第二，唔好坐咁多
請問我足底筋膜炎, 腳底痛跑唔到, 係咪先做重訓? 等身體輕左先做有氧?
跟popsugar做30 mins, 但我太肥, 如每日只做15mins加飲食控制可以改善肥胖嗎? 因為聽講15mins唔夠燒脂…thank you!
