贊同。我好驚人講到開心學習就萬能咁，好似唔洗努力開心愉快完就乜都識
所謂開心學習只係過程，洗唔洗補習或退一步講洗唔洗溫習係睇天資。理想可以講到好完美，但現實係另一回事。
2個讚
其實好多時睇小朋友既能力。你既方法對有d小朋友係有用既。我自己咁，我好happy咁填鴨，唔需要補習。甚至乎我唔需要返學聽書，我自己會去溫。我媽好叻教書咩？唔係，純粹係我天生係咁。我細佬就中五畢業出左黎做野，我就讀到mphil，明顯和阿媽點教無關。
但我小朋友，係最happy最有愛心既幼稚園讀，返學好開心，但就係學唔到。用左好多愛心遊戲互動方法，佢都係唔識。上到區內最happy既小學，肥左一半科，老師好有愛心無責備佢，但佢連書都聽唔明，唔好話學習愉唔愉快，佢根本無學習過。
我找左香港行內各個愛心老師，搞左幾年，自己仲上左3個堂學點教小朋友，研究左十種在家訓練既遊戲方法，但小朋友都係好痛苦，成績我地已經唔睇，但佢真係咩都學唔到。
好多人叫我唔好放棄。但我自問已經儘曬力，我和仔都開始想自殺。
最後我帶佢轉校，去左一間成績不好既國際學校。但佢開心曬，佢終於可以話到我知學校教左咩野，佢真係有學習。
7個讚
我當年無俾仔讀N班，我仔我老公我姑仔（佢係幼稚園老師）而家仲怨緊我。仔：「點解其他小朋友有N班，點解我無？」
我成日陪佢玩，個個星期去唔同既遊樂場。但無受過專業訓練就係唔同，一上K1，老師就發現佢有問題。
如果我早d帶佢上N班，老師就早一年發現。當然無能力既話，唔上自己帶都好應該。但我有能力，我無俾佢上。
我好後悔當年睇左網上好多人講，快樂學習無問題，N班唔洗讀。希望大家唔好再中計
2個讚
其實唔上n班可以去幼稚園暫托架
係一日一日咁book
我記得都係幾十蚊一日
好認同你，happy school 唔係真係咩都唔學唔理，我第一個都有啲中伏，讀happy school 培養到佢性格好好，但一出去考直私就知同其他人唔同level, K3先追，但已經無offer, 好彩最後入左津校都適應得好好。
第二個我照俾佢讀happy school, 但一定要背後發功，講真，除非離開香港，就算三線小學，一樣係要考試合格，一樣要谷，只係我希望有啲平衡，唔好學校又谷我又谷，但happy school 係香港其實行唔通
3個讚
係
隔離k3寫字個帖係好好例子
「HappyLearning 」係度扮中立，講埋啲似是而非嘅嘢
其實非常空泛
如果有screen吓，就會發現佢一啲內容都冇，即係廢話
我咁講係因為佢喺其他post因為太on9而露出馬腳
大家小心啲
2個讚
冇實質例子去support , 就算問佢問題及解決方案也不懂答、得一套只用係自己小孩身上可行的做法、及小孩已經升中, 6-7 年前小一課程同而家比已經不同、又深又快左好多….
4個讚
開心學習先決條件係：1. 小朋友智力 above average 2. 小朋友讀書態度非常良好 3. 家庭支援同足夠同有財力 4. 真係完全唔 care 入咩小學中學大學，做乜工都得
11個讚
我覺得四樣中曬好難，有一二三，好難做到四
你呢d 經歷及見解好真實及到地。
1個讚
想請教，你覺得呢一間成績不好嘅國際學校係用咗咩教學方式令你小朋友突然間變得學習到呢？我有時覺得人會有「開竅」嘅時刻，真係會叮一聲豁然開朗。
我唔認同N班係必須。我有3個小朋友，都係冇讀N班，最後入讀到心儀happy school幼稚園。佢哋學術唔標青，發展正正常常咁。happy school絕對唔係=唔駛學習，我自己個人理解：係用合理方式有效咁學習，起碼唔係你唔識寫呢個字？寫一百次啦你實記得，咁樣不求甚解、富士康工廠般倒模教育。
我大囡小二，讀英小，小一時因英文程度一般跟唔上，但學校冇俾壓力俾家長同小朋友，反而會提供一d方法去幫小朋友，而且不斷提醒家長我記得要注意唔好傷害到小朋友自尊心，呢種尊重小朋友嘅觀念令我好欣賞。
每個小朋友都有自己嘅學習方法（教緊二囡令我好有深刻體會，同大囡完全唔同）家長同小朋友一齊搵啱方式都係一個旅程，可以搵到俾空間小朋友去改善同進步（而唔係網上見到人分享嗰d 功課做錯幾題就提家長要跟進下喎）真係好重要
3個讚
仲一味覺得名小名幼=小朋友係被迫+讀得唔開心
其實個個人能力同特質唔同，有啲人係適合讀傳統學校，有啲就適合讀國際學校，教育嘅嘢唔會一個道理就可以解開所有難題，而學校除咗名氣，仲有好多嘢值得人留意
4個讚
傳統中學同地區嘅分別真係好大。
- 傳統中學所有科目都係用英文，教體育藝術都係英文，訓導老師鬧人都係用英文，就算放學/放假見到老師都會講英文。
- 傳統中學，尤其係 12 年女校，啲禮儀係一年級開始教，靠右單行上落樓梯，放輕腳步，想去廁所要點樣講，要雙手接過老師畀嘅野，所有文件都要寫齊自己全名 e.g. Peter 陳大明，就一定要寫 Peter Chan 或者 Chan Tai Ming，唔可以就咁寫 Peter。功課寫日期一定係傳統啲寫 21st October, 2021，唔會寫 21/10，或者 21 Oct 咁簡單。
- 由於傳統學校大家英文水平都高，溝通突然轉台講英文係唔會太突兀。試下地區學校突然轉台講英文，啲同學實當你痴線 show off。睇下傳統名校同地區學校啲 DSE 英文成績，一睇就知「同樣係 Band 1 頭/中/尾，傳統學校英文真係掂啲」
- 就係因為英文水平高，請返黎嘅英文老師口語水平唔會太差，而且 syllabus 同地區學校會好唔同，求其搵個中三四都可以考 DSE 英文攞 4。
- 傳統學校 IG 啲 secret 話題會講 XX 老師畀分鬆唔鬆，教得好唔好，邊個補習老師教得最好，地區學校好少講呢啲。可以試下搵傳統名校同地區學校啲 IG secret/memes pages。
- 傳統學校啲題目係會跣學生，跣到就學識下次小心，例如平日係
X，但考試係 △ O。地區學校唔會跣人，啲同學亦唔習慣睇題目/指示。
4個讚
咁又無咁誇張嘅，我讀地區名校，係1中左，其他都唔中，嗰時econ 出到太難，啲人得3x分，全級得幾個合格，最後要全級一齊調節，好記得因為econ第一嗰個加爆分，不過不能否認，傳統名校係有嗰種氣場，可能源於學校文化，又或者學生好proud of 自己間學校
家家唔同 , 好難一概而論
傳統學校一讀就12 年，好難冇歸屬感 
正是。可能佢只得一個小孩。
我仔同女2個都已經完成不同部處及教法。
報小學、大仔我一間神校都冇報、明知佢不是個個type。 細女越遇越強、個人比較aggressive ,係神小讀得開心又輕鬆。
5個讚
第一，唔洗讀中文。（雖然有普通話堂，但可以完全唔理）中文對我仔來說非常痛苦，happy school 幾happy都要面對中文，唯有國際學校唔洗。而中文需要好多練習，happy school 就算唔洗抄寫，都要睇好多書既。無左中文，佢即刻明左內容好多。
第二，唔洗讀通識，香港課程既通識我仔毫無興趣。但國際學校小學就教歷史和地理，例如二次世界大戰，北回歸線有咩國家，我仔就好興奮。而且，學完就得，唔會考試
第三，英數有真. Assessment ，但無考試。老師強調，assessment 前不用溫書。父母想迫佢溫書都無用，因為根本無課文可以溫。assessment 完，唔會俾分數你，但會俾好具體既改善方法，仲好。
第四，返學唔洗帶課本，只有3本notes。以前阿仔根本聽唔明/記唔曬老師既指示，成日執漏書包 雖然老師無點罰佢，但每幾日就一次挫折，佢好唔開心。而國際學校係無咩書要帶，變相帶漏既機會都好少。
第五，功課好少，一兩份，而且可以選擇唔做。咁有d功課，我覺得對我仔作用不大，我就會skip佢，留時間去操佢唔熟悉既課題。以前在happy小學，少極都有6份，會要求做抄寫比賽（我以為比賽即係可以選擇唔參加）。另外有d功課，講明父母唔可以幫手，作文可以係咁串錯字，老師唔會評分，只會建議你有咩可以做好。
第六，我決定移民，國際學校只是過渡
當然，阿仔仍然要面對佢最憎既英文作文。但這是唯一一個要對付既科目，好過以前十樣八樣問題一齊黎啦。
6個讚
就算得一個小朋友都未必一個方法可以用到尾，隨住佢哋年齡能力，甚至果排心情唔同，方法都要調節。
2個讚