我估啲家長好驚安排唔夠好
但問題其實係咩先至係對嗰一個小朋友好
我自己係讀普通中學，我阿媽係放養type（但係要求你要「令佢唔好擔心」
）
仲記得揀中學嘅時候，我特登揀咗區內大約第三第四嘅中學
個個小學老師同同學都um我做咩有能力都唔揀一、二
我話，我唔鍾意入去個個都要爭第一，輕輕鬆鬆算
結果我讀得算輕鬆
所以嚟緊幫我自己個女準備，我都想用同一個心態，寧願佢有hea嘅時間，都保持對學習有興趣
睇小朋友能力同性格真係好重要
1個讚
呢樣我極同意。
我係放養家庭長大，對於翻學我好清楚個目的係考公開試，所以唔鍾意返學但係都會迫自己讀書，當然讀得唔開心，但現實就係咁。
宜家出嚟做嘢之後繼續讀上去，反而對學習產生興趣，因為我對自己個職業好熱衷，真係想學多啲對工作有幫助嘅嘢，學習動機完全唔同，亦會開心好多，發現其實自己都幾鍾意學嘢。
睇我老公打機玩三國，佢講咗好多中國歷史俾我知，睇戰爭電影，佢又講啲世史我知，我先發現原來史係咁有趣，如果我當年可以搵到學習興趣，就唔會讀得咁辛苦。重新再揀我絕對唔會揀理科而係文科。
所以hea or chur，我會睇返小朋友個程度，如果佢好叻嘅話我當然唔會比佢無謂hea，但擺到明佢唔係讀書嘅材料就做咗基本野就算，反而會發掘一啲唔關讀書事嘅技能，至少搵返人生嘅樂趣先啦。
1個讚
我阿媽都係放養type,我原本也學業平平唔突出、但因爲係校外認識左班朋友,佢哋個個來自傳統名校,英文超好,跟著係好恨既情況下發奮要入插班名中，要去外國留學, 要入名U ! 哈哈
而我發覺, 傳統名中小同普通學校其實係朋輩上,視野上,學習氣氛上已經完全不同。
6個讚
同我有點似!我初中中史未合格過，毫無興趣, 但而家會一些教授研究歴史、佢哋令我感到好有興趣。係香港地讀中學、又西史又中史又中英數普通話science humanities geography econ 九萬幾科仲要做project 其實我覺得太多及d 科好悶。我係英國讀GCSE 及A level , 心理學, business studies 學做生意等、好玩好多。我仔而家學校有catering and hospitality、astronomy 讀、好有興。
3個讚
呢個係好值得思考嘅問題
正如部分人都會覺得、小朋友係谷得嘅話、就用谷果套、付出回報係正比、小學中學名列前茅順順利利入大學神科有咩唔好。
但又係咪代表個小朋友鍾意被谷呢、有得比佢簡會唔會想過一個輕輕鬆鬆吃喝玩樂嘅童年呢、但當你佛係養佢，佢大個咗又會唔會怪你冇好好栽培佢呢……
正如有人講馬係適合操嚟做賽馬、但賽馬係唔係人道又係另一件事。
3個讚
好同意
揀學校其實係揀D peers, 因為佢地好影響小朋友既 ceiling
2個讚
咪咁直接啦衰鬼
超級認同。我自己係band 1津校讀，圈子大部分係家景一般但自己努力既人。出黎做嘢發現名校讀既同事，佢地識既朋友同另一半家景都比較富裕，而且上司好多都係舊師兄師姐，有份親切感。
但我同其他同事就勁唔鍾意某L名牌男校嘅同事
雖然唔係個個係咁
真係起碼有一半遇到嘅呢間學校畢業生，都係衝出嚟認叻就第一，野就人哋做，出咗事又秒卸俾下屬⋯⋯
所以我通常避得就避
然後D名女校嘅畢業生又個個串嘴，講嘢句句犀利
連我個best friend自己都係嗰間出嚟都話見到啲師姐咁好頂唔順⋯⋯
所以，有好有唔好
「師兄師姐」係咪真係translate to「親切感」仲要睇個人性格
表面好照顧，實質利用嘅我都見過⋯⋯
我讀屋村小學， 考入 band1 傳統中學果時覺得世界真係好唔同
同學家境，眼界，談吐，exposure係唔一樣
你講起L字頭男校超有共鳴，我頂唔順畢咗業十幾廿年仲要成日提自己邊間中學畢業 or fb寫proud to be XX仔咁
7個讚
係呀！
明明個仔就係靠父幹入去L小
就講到好proud of自己個仔好叻考到入去咁
跟住踢個波又要著L波衫同其他人踢 
1個讚
識投胎其實好叻
我呢D跨代貧窮好妒忌
呢種比較心理真係～
大人小朋友都要一齊辛苦～
所以想孩子讀書好,從小培養好喜歡讀書學習興趣就可以. 興趣係好重要因素之一,當孩子真係開心咁去享受學習,自然就可以唔需要補習都可以得到理想效果. 理科或文科都一樣各有所長,個人喜歡就得.
到今時今日都仲有好多人以為L小係考入去
3個讚
唔一定既,所有野都係相對論,有好一定有唔好,你衹係睇到好既一面,唔好既一面可能更甚.
我曾經好相信，小朋友快樂學習最重要。但走左好多錯路後，我發現全部都係有條件先做到，不是人人可以追求。我小朋友因為開頭太快樂，後來好痛苦，好彩最後終於無事。
如果想小朋友唔讀N班，屋企人（自己或其他人）要有時間有心機有方法去教小朋友。如果做得好過N班，就唔洗讀N班。如果日日都係屋企睇電視，就不如返N班。
如果為小朋友最後都係要考DSE成績好，佢呢幾年就係要學咁多野，幼稚園Happy讀慢D，小學就要補返。小學讀慢左，中學就要補返。叻既小朋友，可以讀happy school ，因為佢地中小學會容易追到，但差既小朋友，就唔可以讀happy 幼稚園，一定要日日溫書 ，否則中小學連課堂講咩都唔明，唔好話考好成績。
如果想避開殘酷的DSE，打算俾佢地入International school ，先唔講錢，就要playgroup 開始部署，先入到一般既國際學校。或者再俾多十倍d錢，可以入商業化既學校，但就算俾得起，又睇下你想唔想。或者再俾多1000倍既錢，再動用人脈關係，就再有d辦法，但對小朋友係咪好又係一個問題。
如果唔以DSE/IB為目標，大學都唔諗，小朋友就要有一技之長將來謀生，並且要有更加獨立既思考能力，咁就睇你有無能力教到，小朋友天資又如何。又或者，留層樓/公司俾佢，但你又想唔想小朋友變成咁？
最後，如果小朋友叻，讀係咪happy school 都無問題。但如果成績差，想佢快樂學習，如果自己識教就最好home school ，唔識教就移民。在歐美國家，藍領比較易生存，行業選擇亦較多。點都易過硬谷佢，或者買間學校/公司俾小朋友。
18個讚
認識一個小孩,幼稚園讀happy school , 媽媽常在家陪讀, 同小孩做science experiment, join outdoor learning 如野外求生活動等。小學已經是區內非常普通的happy 小學、小一第一次中英默已經不合格、老師已經話佢冇溫書, 叫佢努力默好書！英默已經係字如highlighter , pencil sharpener 等十個句+ 句子eg good afternoon teacher , good morning ,principal 等六句句子。只得10 日比佢溫。. 請問所謂沒有補過習學過phonics , 點可以愉快默書、讀書、而唔補習點可以有所謂理想效果。及如果沒有外補, 家長自己在家教,其實米又係補習。
5個讚
其實需唔需要讀N班,屋企人都係要有時間及用心機教小朋友,唔係將個波踢比N班學校就算,最好都係父母自己,唔可以依靠四大長老及工人姐姐.
DSE好唔好另一回事,讀書學野係孩子自己,讀得開心自然吸收會好啲,填鴨都一樣可以HAPPY SCHOOL(因太多人定義冇咩功課就係HAPPY SCHOOL,咁諗就大錯特錯), 為了怕殘酷DSE逃避仲不切實際,正常所有小朋友都應該可以叻,衹係好多家長用錯方法,攪到好多小朋友從小就冇曬讀書興趣,自然慢慢將叻的功能消滅曬,最終就如另一邊親子論壇既人喜歡既補習打救(治標不治本)~~