宜家仲陀住阿b
諗緊佢應該讀咩幼稚園 小學 中學
見好多人2歲開始已經不繼面試
幼稚園已經爭入名校
究竟對小朋友既將來有幾大幫助
忙完一大輪 駛左一筆錢讀n班 名牌幼稚園/小學/大學
其實到頭來入大學都係靠公開試成績
好懷疑由n班開始搏殺係咪必要
定係為左小朋友讀名校可以教得好啲？
我贊同讀邊間中學對小朋友發展好緊要
但唔係成績好先入到中學名校咩
讀小學名校有幾大幫助
各位爸媽/準爸媽點睇
7個讚
見到阿b未出世已經面對咁大競爭
兩歲開始不斷面試
樣樣都要同人比較爭學位
上一大堆興趣班/補習班
諗下都覺得好辛苦
唔知係咪香港先係咁
1個讚
其實在香港讀書真係好辛苦
由學制，課程設計到家長心態
每個家長對教養都有自己的信念
各人也說服不了誰
我只求自己能堅持初心就算
8個讚
以前教琴同家長夾時間
見到佢本schedule每日都寫住唔同既課外活動
日日full曬
學得幾多樣？根本唔會有時間練琴
嘥錢嘥時間
2個讚
希望你堅持到自己信念
N班點搏殺呢XDD
我自己覺得，到小朋友出身既時候，讀大學係咪真係咁重要？第一，響連學歷都通貨澎脹量化寬鬆既年代，到佢地果時可能全世界都有大學學位，除非讀專科，如果唔係都係走我地舊路。學歷唔再係收入保證，不如有一技傍身更實際。
第二，依家個世界好平，我坐響屋企都可以隨時讀英美大學ONLINE課程，比錢就得，讀夠Credit就有cert架喇。呢個時代就係咁，中五畢業都可以有方法攞到沙紙，沙紙唔太值錢架喇。
第三，將來世界變成點冇人知，其實清朝都只係滅亡左110年架ja XDD 果時仲讀緊四書五經，邊個會諗到世界變成咁？響變化咁大既時代，乜嘢對佢地黎講先最重要？我自己覺得係正直既品格，開朗正面既個性、保持好奇心願意學習，同埋抗逆能力。任世界點變，有D價值係做人應該要有，係歷久不衰既。所以訓練小朋友呢D能力仲有意思。
go back 返去揀學校。揀小學係重要既。讀書成績唔係唔重要，有D基礎知識係要有。但我相信如果可以激起小朋友好奇心同興趣，成績差極都有個譜卦，我又唔係要佢做精英。所以我揀學校會留意幾樣嘢︰校風、學校賣點同強項(如果間學校只強調成績…咁自己考慮係咪最重要啦)、學生質素。頭兩樣都可以響學校網頁、簡介會睇到，但學生質素係要自己做功課既，開放日固然要去，甚至如果有好鐘意既學校，係應該「等」放學時間去觀察下既XDDDD好變態呢。
咁幼稚園呢？當你有TARGET大約係邊類型小學，咁就要揀返相應既幼稚園架喇。例如直私面試著重小朋友語言，所以好多TARGET直私既家長就考英普私幼。
28個讚
我諗法唔係咁，讀n班係有小朋友一齊玩。
仲有自理，我係一個無耐性嘅媽媽，我仔連著襪都係幼稚園教。
如果你心儀間幼稚園係有n班，之後直升，亦唔洗煩幼稚園入邊間。
4個讚
咁家家有求啫，總有人覺得需要既。。。
我媽成日都埋怨我唔俾個女讀n班，覺得佢讀少一年書好緊要。咁我覺得小朋友讀書唔爭一朝一夕啫，我個女又慢熱同痴我，一陣喊足成年嚇親佢就無謂啦，都唔講嗰個年紀免疫系統未成熟，容易病。而且，我自己又湊到(雖然我唔會教學術嘢)，留返D位俾有需要既人啦。
其實。。。我個女由K1開始，年年都攞獎啦，而家都小二。。。都入到間唔錯既小學丫。。。
所以諗清楚自己需要，自己唔會後悔咪得囉。。。
12個讚
睇番尋晚星期日檔案
個單親女仔 小一老師讚佢乖 但欠基礎
好多幼稚園生已經有好多外補/興趣班
香港人就係咁 人報我又報 唔好輸 
1個讚
其實小朋友唔輪到你去plan佢人生，睇脾性，睇造化，睇資質，做父母，見步行步，扶助佢。
6個讚
星期日檔案係少數我會睇嘅cctvb節目。
題外話，我見到佢間屋，想掉佢上格床嘅嘢。
媽媽心理未清理到，間屋太多雜物了。
我地都未正式入學k1，d未來同學呀媽已經諗緊點塞爆放學後schedule, 人仔細細，學英文學數學琴，比拼下未返學但已經識到幾多字有幾叻，又狂買咩開發大腦寫字練習，比拼下小朋友有幾中意做。大人見到都唔想做，何況小朋友呢…有時見到都覺得大壓力，香港小朋友好可憐
2個讚
全世界都應該差不多，沒有比較沒有傷害
贊同，你plan左都唔代表佢會跟果條路走，跟果條路又未必代表一定好。
名幼/普通幼稚園都會有hea媽/虎媽，所以行邊種style係在乎家長點選擇
不過有一樣嘢叫做物以類聚，學校d小朋友係咩身分背景，名幼同村校就有好大分別，睇吓媽咪你覺得同邊類人打交道你會覺得自在d
3個讚
父母最多俾資源, 想小朋友成龍, 都要佢自己有能力先得, 我自己就唔會勉強
我覺得中學最緊要
對於個人價值觀同acquire soft skills
2個讚
我都有諗過直入k1 skip n班
淨係上playgroup
但如果要入名幼
應該要讀n班先大啲機會入到
所以係家家有求，諗清楚唔後悔就得
2歲開始不斷面試 上興趣班 補習班
除非揾間n班可以直升到小學
考完又要考中學
可能某啲小學係培養得好啲既
要研究下