bb仲有3個月先出世，無意中睇到呢個post.
我…都係好好享受淨低嘅孕期先算
(利申，呢一刻嘅諗法係想bb健康長大，將來返學開心，唔好太大壓力…)
2個讚
無必要，幼稚園到小學，90%係靠計分+抽獎。
宜家番教會拎多5分更緊要。
小三要考TSA ma…TSA成績關乎學校banding
TSA 唔關學校 banding！！！
TSA 同 banding 完全冇關係，小學同中學都冇 banding！學校緊張 TSA 只係因為出學校評估報告如果唔靚仔，教職員有機會被校長、校董會之類問責。
俗稱 Band 1 頭中尾都係按佢 DSE 成績同埋收生嘅學生學術程度。
劉慕裳都係11歲先開始學空手道。
李慧詩中三先踩單車
自己培養小朋友正向思維比學業重要。
10個讚
唔知你係咪講東區嗰間
我有番playgroup, 有去講座
感覺上幾好
但有次去playgroup 有個老師好惡咁鬧家長同小朋友點解咁慢
(個playgroup 係玩一陣就要轉去另一個房)
即刻怕咗冇報N
從來都只係學生有banding
咁一間培育80%以上band 1 學生的小學又係咪"band 1 小學" ?
我最佩服的係有D小學,
band 1 人數係平均以上, 但band 3 %係個位數字
而佢又唔會叫D 跟唔上ge學生轉校
可以想像佢地係放幾咁多心機喺跟唔到的學生身上幫助佢地
呢D真係對所有學人一視同仁
可能叫左但賴死唔走。
咁唔通年年個個都賴死咩
幾年做到band 3 咁少人要走好多人
咁走法出咗名啦
(好似某男校同某女校)
唔出奇，年年都有讀得書，唔讀得書嘅學生。啲出名嘅小學當然賴死唔走，就算呈分考得差，靠校名都俾到爛船三分釘嘅感覺，叩門都容易啲。
最出名係聖瑪利天神，年年都有人留班跟唔上都賴死唔走，點會肯走。喇沙瑪利諾呢啲，就算係 band 3 都係叻過出面啲街坊會學校 band 3，更加賴死唔走。 
1個讚
呢D"名小學" 特色係band 1 over 60%
我講嗰D係地區小學, 家庭support 唔算最多, band 1約40%
但band 3 率明顯超低
家長心水好清, 呢D小學一般係受區內家長歡迎的
數據係點黎唔自爆
如果係地區一線都可以好多賴死唔走，加上區內 Band 1、2 相對充足嘅話，要做到呢樣野都唔係唔可能。呢啲上自己心儀學校升中資訊一睇就知。
就算唔係家庭 support 多嘅學校，入得一線都知道係準備好搏殺，最差嗰個都唔會差得過出面寶校嘅 Band 3，Band 3 率都係偏低。求其都舉到一兩間係咁樣嘅地區學校。
有冇叫學生轉校，只有讀緊嘅先會知，走唔走係另一件事，代表唔到學校有冇擺心機幫佢哋，咁樣係睇唔出。以前讀書都好多，家長賴死唔走，學校老師即刻叫補習，唔補就繼續留班，好多唔願意留班咪即刻去補，入唔到靚學校嗰啲就靠校名去叩門，Band 3 都叩到 Band 2 頭學校，Band 2 都入到 Band 1。🤷
1個讚
有冇叫學生轉校，未必只有讀緊嘅先會知
同區家長間都會知
全港符合我講呢個條件的
大約5 間
共通點係課前課後星期六小班超級多
科目都係分小班
不過都唔係個個家長鐘意的
一個小朋友整個學習階段,最重要就係中學. 我可以講你知,唔需要理會外面其他人點講,讀名幼名小唔代表一定好,自由啲比孩子輕鬆愉快心情去享受學習就足夠,邊一間幼稚園及小學都一樣可以學到野,最好就係近自己住既地方.
我可以講你知我女兒都係普通幼稚園及普通小學,一樣可以入到孩子自己鐘意嘅名校津貼中學. 且聽女兒講名小升上去嗰啲同學,同心目中所知道嘅有落差,女兒成績都可以維持前列位置,所以唔好覺得入到名幼名小就一定好~~
4個讚
請問你間私幼係邊間？可否Pm？
最緊要揀間你覺得岩小朋友既學校
沒有最好，只有更合適
1個讚
咁大把中學,點解要入名中？亦大把小學,小孩考到名幼名小讀得輕鬆快樂唔通唔讀？特突去讀二線小學？讀名幼名小也可以很快樂
讀完 LH 抽入 St Mary’s 個個家長都快樂
若果真係讀得快樂又輕鬆,唔理名幼名小普通幼普通小,當然都可以繼續讀下去. 而家係睇到好多情況,未知係唔係讀得開心,孩子父母好多都千方百計要去入名幼名小,好似攪到普通幼普通小冇能力學到好的知識. 唔理你邊間幼稚園邊間小學,基礎你攪得好,如你所講大把中學,你亦都可以按自己能力選擇力有所及喜歡既中學.
咁其實, 不入名小名幼, 孩子父母好多都千方百計要去入名中、名U ,攪到好似普通中學及U 冇能力學到好的知識咁…