都未必要諗到中學咁遠，中學可以睇下小朋友係咪讀書料子黎揀學校，如果小朋友唔係讀書材料都無法，但小學大抽獎真係好可怕，我小朋友k1, 小學大抽獎有人贏又會有人輸，當大抽獎真係唔好彩抽中間唔好嘅學校，狂叩門又無其他收，點都要接受現實去讀時，入到去學壞咗真係唔知點算，就係因為咁我都會比小朋友去學下唔同嘢去整好份Portfolio 叩門用
就算係中學，感覺都同以前有啲唔同…例如九華所在的中學校網，統一派位無左DBS，咁理論上係咪多左band1男仔爭入九華？所以機率會唔會比廿年前低左？
（當然中學有自行，有實力考學校，或考跨區係無問題）
我只想講，任何階段依賴大抽獎，都咁可怕
時移世易, 個玩法唔同晒啦
- 以前填個NUMBER就等派位入名校, 而家?! 上品無寒門, 名校10間有7間轉左直資
- 以前小學彈琴考級已經好叻, 而家一人一樂器係起碼, 咩冷門樂器都有, 小學已經8級甚至演奏級, 樂器都唔夠仲話要一體一藝
- 以前中學先去補習, 而家幼稚園都話要上面試班
- 以前中學訓練營係去長洲, 而家係去歐洲…
4個讚
讀私幼私小唔一定係為入直資，亦可以係為班 Band 1 頭學校。好似 SFA 咁，年年起碼 10 個入灣仔 St Jo，佢哋好多都放棄直資等自行官津。直資上岸好多時候係因為派位冇保障，好似西貢區/南區咁，嚴重唔夠 Band 1 學校，一定要直資或者自行離場，等派位猶如等死。
直私小唔少都有教深，而且英文都玩得兩野，唔似啲普通官津（唔係講協恩、德信呢啲）咁，所以考直資有優勢。
要入九華都唔係容易。如果唔係油尖旺區學校嘅話，要自行入，入場卷係：Band 1A 成績。學埋樂團樂器可以補充樂團就更好。如果係油尖旺學校，咁 Band 1 成績就夠，但派位唔一定中獎。
如果唔住油尖旺區但非常想入九華，咁你就要準備叩門油尖旺小學，並且谷到上 Band 1 頭成績，識玩樂器，咁你入讀九華機會就非常高。就算唔入九華，都可以入其他標青學校。
其實我覺得有啲時候
係父母係自己讀書嗰陣得唔到某啲野
所以就谷自己個小朋友去做到自己嗰時做唔到既野
但其實小朋友有小朋友自己既人生
而唔係要佢過自己想佢過既人生
不過我都明白, 有父母會覺得佢既人生係要由自己話俾佢知有咩選揀
that’s why可能就俾佢學好多好多野, 想小朋友知道自己中意咩
我只希望如果小朋友真係唔中意既話
父母唔好迫佢地一定要學
1個讚
又或者父母小時候做到ge野, 都期望子女做到。
其實雙職父母想小朋友讀N班都不為過
我會報幾間心儀（讀埋K都無題）又近屋企報半日班，報時心態都係考到就讀，下年唔洗再考過，考唔到就下年再報K，尤其細B本身機會比大B爭d
面試時細半年爭好遠
2個讚
當屋企得小朋友同姐姐，真係寧願佢返下學見下同類好過。
1個讚
我都係咁諗,爺爺嫲嫲太錫個孫,宜定一歲多d d 已然開始變小霸王
我有個朋友既老爺有時會忍唔住講粗口，連響個孫面前都係，朋友搬唔走，唯有幫個小朋友報全日N班，減少影響。
一dd啦，如果個b 醒目唔谷好似浪費左
如果係一舊飯
谷黎都嘥氣
3個讚
其實唔駛"搏殺"
只要家長相信：learning is fun
而將信念帶俾孩子，孩子將一生受用，享受學習！
我家做嘅：
全屋最多嘅雜物係書，無處不在
爸爸係書不離手嘅人，出街跌唔少書！
亦同時無停過學習… 學咗7年日文，之後轉學小提琴，仲自學鋼琴，同仔一齊考同一期鋼琴3級！現時已完成8級小提琴，轉咗去上part time 碩士課程
我自己早兩年都完成咗個MSc，閒時搵書聽，家長講座、自然療法講座等，仲有我自己個專業嘅CPD 講座
當孩子見到你咁鍾意學習，佢唔會覺得學習係苦差
倒轉，如果家長覺得學習係苦差，又點叫孩子鍾意學習呢？！
就好似一個從來唔會攞起本書睇嘅家長，埋怨小朋友唔鍾意睇書一樣
10個讚
我bb 未夠一歲
自己讀教育亦做教育
我覺得冇必要讀N班或playgroup
我寧願自己花多d 時間陪佢睇書玩玩具
去下公園沙灘親親大自然
又或者探下親戚朋友d bb
1個讚
最理想係由大學去計劃, 準備小朋友係邊度讀大學, 你會有一o的想法. 唔想由大學去諗, 起碼都要想小朋友讀咩中學. 有好多家長一早已經TARGET 聖喇拔, 甘要入一間勁小學, 要入勁小學, 就要入勁幼稚園… 好殘酷, 我唔buy, 所以我無跟隨, 當年我都有考過kv (亦有位, 因為有第二個, 最後選擇左一間全日幼稚園, 唔係工人姐姐頂唔住) , 我小朋友已經中學, 快樂文盲幼稚園, 地區普通津小, 中學又入到英中.
5個讚
你講得啱
我見過有小朋友入咗同區爭崩頭happy school上午班，下午就報N個興趣班，上完一個就要趕去下一個，大人都辛苦啦，何況小朋友。
如果係咁，一開始讀一間谷嘅學校可能仲好…
關於"真happy school" 我都有2點想請教，唔知有無用家可以share:
- 如果happy school真的很吸引而有過多申請者，學校係咪都係會揀最叻仔叻女的申請者？到頭來競爭大，家長要申請前催谷。
- 是否真的無功課但又可以面對終極DSE? 否則，家長最終都係要找補習etc。
- 學校會否因為家長無法接受「少功課」而最終有壓力加返多啲功課。
其實多唔多人係想小朋友就咁讀完幼稚園 小學 中學就出黎做野？我地90後呢代好多係咁
邊有咁多野學
- happy 定谷，學校都肯定係揀叻仔叻女先派 offer，不過「叻」有唔同定義，而且唔一定只考學術，touch wood 個仔唔畀反應、唱歌騷擾人，都可能被 foul。呢啲人算不如天算。
- 就算係 happy school，冇乜幾間係零功課。
2.1 如果係非常 happy 連課程都冇高要求嘅話，會好多家庭都「驚落後/太放縱」而額外加操。
2.2 江湖一句非常真，出得黎行，遲早要還。小學時期冇操，中學都會加操，就算學校唔操，為左自己前途，自己加操。 - 少聽聞，反而係多功課而減就多。家長好少投訴少功課，反而係投訴老師教得唔好/考試範圍太多仲多。
1個讚
interesting. thx!
「出得黎行，遲早要還。小學時期冇操，中學都會加操，就算學校唔操，為左自己前途，自己加操」
好真實
1個讚