很多謝你咁詳細地答我
或者因為我是80後，享受過97年前的自由，所以對現今的香港更加失望
你講到語言治療師所寫的書有問題，所以被補，但我看過大綱（因為繪本被禁，所以無法一睹內容）其實作者只是把現實發生的事，再加上自己的想法（我諗也是很多香港人的想法，包括我）寫出來，當中並無血腥，暴力或色情，如果書是在97年之前出版，我估5位作者一定不會被捕。
書令人大開眼界的地方就是有不同的聲音，小朋友年幼，家長可以幫忙選擇，教導他們正確分析，當小朋友漸漸長大，才能有一個批判的能力。 當然在這個連Peppa pig 都容不下的國家，那繪本真的是很危險。
而話他們的繪本是抄襲大陸的「喜羊羊與灰太狼」，我看過當中的圖畫，又不覺有相似的地方，兒童繪本不外乎用動物去做主角，是否要創作外星生物才不算抄襲？如果這繪本都叫抄襲，那麼「喜洋洋與灰太狼」又是否抄「三隻小豬」
至於話有人被捕是因為「聚集」，我完全覺得可笑，我每日迫地鐵和巴士，一定多人過他們聚集，政府設立「限聚令」你真的認為是為了防疫
另外講到自由，請不要本末倒置，我講的自由不是任意妄為，我會向我小朋友講，他有自由不讀書，但即使做一個運動教練，也要懂得讀小朋友的名字，也有機會有外籍學生，用英語溝通，並且要計學費…等等如果不努力學習，連自己的興趣也做不成。 當然我會給他自由說明他的感受和想法，他累了會有休息時間，或減少溫習內容，而不是家長式的施壓與限制
最後，看完你的回覆，我明白到大家道不同不相為謀，完
7個讚
不好意思，請問是否講緊我逃避或隱藏？或是我多心了？
因為我不是5毛，早上需要返工，要放工才能回覆一下討論區，不能廿四小時隨時回覆。希望不是真的一個早上無回應，就令人誤會我逃避
其實當我發現你回覆我時，內容已經被隱藏（不是我做的）
真心提醒，我相信以你的現在的想法，在BD很難找到共鳴，不如盡快另求他處，無謂在這裏浪費時間
8個讚
大家都係想自己小朋友向自己好嘅方向想,現在有網絡已經比以前好好多,可以在網上找尋好多資訊. 逃避或隱藏我不是講你的.
其實我既教育想法,根本同一般人想要小朋友入HAPPY SCHOOL都係一致,衹係想法和做法同其他人唔同,最終小朋友亦都得出好滿意既結果. 這邊的家長講Baby Kondom太恐怖,**不接納他人的聲音,**甚至離題到唔關親子題目,其實心態上同你們這邊都是一樣,衹係自己範圍就接受,其他做不了就不接受及講係歪理. 我冇理會在網上找唔找到共嗚既人,衹係分享自己方法都可以做到, 網絡世界係虛擬,現實世界先係真實,網上睇到嘅野,睇嘅人自己自會覺得合適與否.
小朋友都高中去,有自己獨立思考及學習方式,間中與我一起探討課本及生活上一些事情,所以我時間充裕好多,如果唔係因為疫情,都多外出同好友相聚,彌補翻以前少聚的友誼.
其實各自有冇抄襲難講,書中列出又狼又羊,自會令小朋友想起「喜洋洋與灰太狼」,唔會想起「三隻小豬」甚至Peppa Pig. 提及的Peppa Pig容不下,所指國內嗎? 我國內朋友既小朋友都有睇到,應該唔會有容不下.
「聚集」所指既地鐵與巴士,係人自己自願與否去坐(因為工作或去玩),當然亦都算係聚集,且我由始至終都講這兩種交通工具,先係做成傳播最大帶病菌工具. 用呢點來對比那幾位人仕叫人去某一個地方,係兩種唔同定義.
既然你會講小朋友可自由不讀書,但你又提及過這段文字: “正如我小朋友只喜歡數學，但中文、英文，語文能力差，唔迫佢溫書，唔補習，就很低分（我只求合格），有時甚至乎是哭著溫習，那我是否剝奪了我仔的童年？” 咁做咩又要做? 小朋友將來做咩,可能係你自己都估唔到情況下做到出來,中學及大學都未到,為何要諗到咁遠? 當然,道不同不相為謀,講咩都係冇用,你方法係得既就唔會呻出呢啲問題出來. 不過,都祝你小朋友健康成長,走上一條佢自己喜歡既路.
我老公朋友個仔當年就係咁,靠父母20分入左一間全區最谷成績最好既小學,但跟唔上,被勸轉校,但2線頭都唔肯收佢仔,最後留到而家高小等升中,而家成績叫好返少少~
有關「抄襲」，「聚集」，我已經在之前說了我的觀點，我在這裡就唔討論了，免得造成沒有結果的爭論
至於我話「可以比小朋友自由不讀書」，請看清楚內文，我下一句是用「運動教練的比喻」向小朋友解釋每個自由的選擇背後，都是有後果的。請不要斷章取義。我以為不用說教般寫出「阿媽是女人」的簡單道理，大家都會明，但原來不是
至於我有說過我會迫小朋友溫書，這是事實，但我小朋友是明白我迫他溫書是為他好，只是感覺上覺得辛苦
曾經他溫書態度差，我同他說我唔陪他溫習了，由得他不合格，佢哭著求我陪佢繼續溫，因為他知道唔溫書的後果
人可以自由選擇要行的路，只是也要承擔後果，這是正常一個大人都知道的道理，我也正在努力教導我小朋友這個道理，自由並不等於放縱
當然我所追求的自由是大家都有權暢所欲言地表達自己的情感，意見，無論是好是壞，只要不是傷害人，大家都互相尊重，而不是強迫別人像木偶一樣做一個良好公民，稍有不慎就被捕入獄
3個讚
我記得我仔準備升小一時，我去了一間一線的小學講座，校長說「讀書一定是辛苦的」內容大意是要有心理準備，小學要求高比幼稚園高，要溫書、要串字、要日日做功課…等，正如大人返工一樣，不會覺得輕鬆，我當時沒有選擇那學校（之後才發現那學校有很多正面的好評）而選了另一間比較關愛的學校。
但小一開始，漸漸地發現那間一線小學的校長說得一點也沒錯，我仔學校的老師，雖然每個都很用心教學，但每次面對學校的默書，考試，都要坐定定來溫習，加上每天不懂做的功課，這些對我仔來說都是辛苦。
每晚放工，我都趕返屋企和我仔溫習，我記得小一時，我仔默書成績不好，老師總會蓋印「請用心溫習」，可能老師想鼓勵或提醒，但當我第一次見到時，真的很想哭，真的有努力過，只是結果不似預期
不過慢慢地，我不停同我仔講，盡了力，結果並不重要
現在我也沒有想得太遠，我只希望成績好時，能給他成功感，可以繼續努力，成績唔好時，就鼓勵他，仍有很多機會，仍可繼續努力
至於是否愉快學習，我覺得因材施教，每個小朋友都唔同，我知道我仔暫時一定要付出比別人更多的努力，才能有進步，我就只好默默地陪伴，他會感到辛苦，但並不是弧立無助
10個讚
咁又係,每個人自由定義都唔同, 迫他溫書是為他好,但感覺睇得出你同小朋友溫書,出嚟嘅效果好似真係唔得,可能你真係要好像恐怖嘅BK論壇嗰啲人咁,揾正宗嘅補習老師吧. 但你若真有同小朋友講,可以自由啲不用讀書,向自己喜歡嘅路專注發展,我諗你小朋友反而會更放開咗,冇咗那種怕不合格,怕到哭著求你陪溫勉強去讀心態. 誠如你在另一個內容所講,盡了力結果並不重要. 將來事鬼知,機會仲有好多,可能你小朋友將來在社會做事富起來都講唔定,世事野冇出現過你點知. 我衹可以講,你令到小朋友學習係開心就足夠. 好像我女兒剛高中,就要教初中同學,我都唔想佢因此影響到自己學業,但她開心去做自己喜歡既事就OK啦…
我看了你的回覆，只可以恭喜你有個很叻嘅女兒
謝謝你關心我小朋友學習進度，其實在補習姐姐，我和老公每天的教導底下，他的成績漸漸進步，並不是你所說的沒有效果
而在你的文字中，給我感覺是，即使家長有能力教導小朋友，但為了令他們可以愉快學習（不想他們辛苦地溫書）可以由得小朋友不合格？但你知否現今香港教育對小朋友是有要求的，難道你覺得小朋友留班也沒所謂
？如果你的答案是「係」，我只可以講大家見解不同
你經常以你女兒的事例去證明可以愉快學習，但我也可以給你兩個事例:
第一個事例，有位由北京嫁來香港的同事，有教普通話的專業證書，她小朋友入到B1中學， 我問她是否有幫自己小朋友補習，她說從來沒有，完全是他自己自動自覺溫習，考到好成績
第二個事例，我認識我上司時，她大仔已有一份很專業的工作，她說在大仔6年的小學階段，她從沒有看過電視，日日放工和小朋友溫書，也鼓勵我不要怕辛苦
我只可以講，每個小朋友學習能力都不同，請不要用你單一成功的事例，去否定別人的教導方式，世界很大的，不能一本通書睇到老。
1個讚
可能係表達嘅問題,我提出的意見的確是我覺得事例,但唔會否定其他人成功既教育方式,因為每種方式都有它成功機會, 我衹係否定那邊論壇既人讀得好靠補習既定義.你亦都睇到好多專業範疇人仕做既野慘不忍睹(最近天文台及醫療事故例子),呢啲可以講係死板唔識變通(也可以講讀死書做成). 第二點事例唔敢講係好,整個小學階段沒看過電視感覺係好難做到,且唔覺得係一件好事,衹可以講做到所謂專業人仕工作,但小朋友這個童年開心與否冇人知,更唔知係唔係小朋友自己想要. 當然如你所講,這都係其他人做到嘅教導方式.
香港教育對小朋友正常係冇要求,有能力咪讀囉,所有有要求大部份都係父母做成,衹係好像好多人所講,香港教育老師師質問題,這也是教育制度做成其中一個原因之一. 若父母從小朋友到小學都攪唔起學習既興趣,做到常常留班,情願放向孩子喜歡專業既地方專門去學仲好(例如職業訓練局的課程),我就唔會強迫小朋友去補習勉強讀,我諗你都識會講"行行出狀元",且亦都有好多例子.
其實我很久沒有看那邊的論壇，所以不知道他們的理念
如果你不喜歡那邊的意見，不如你過去表達意見。
高官的問題，人人皆知，現在為愛國者是用，有能力的精英都離開了
所以我也不再對那些高官有所期望。
香港的填鴨式教育一直有著很多爭議，如果只賴師資問題，我覺得不公平，其實香港課程太趕，想活動教學，也沒太多時間。除非移民或讀國際學校，否則仍在香港讀書，也只能適應。
我朋友的姨甥女是讀直資的happy School小學，但她姨甥女也讀得很辛苦。
即是如你所說成績不好，就讀工業學校，請你查一查現今所謂的工業學校有幾多間，幾多歲才可入讀？是否和以前一樣這麼普及？
我奶奶以前在職業訓練局做過校工，她說某些科目（例如：電工）會優先選一些成績好的學生，所以成績雖然不是一切，卻是將來可以有更多選擇的入場卷。
我相信不是人人都當讀書是興趣，而是為未來的工具（雖然現在都對香港的未來沒有太大期望）但如果只因為培養不到學習興趣，覺得辛苦，而放棄，不去嘗試努力，我相信這對小朋友的成長也不是好事。（出來工作，也會因應不同需要，而要學習新事物）
最後，我對教導小朋友的想法，大致都在這幾次的回應中表達出來，為了不再給人沒完沒了的感覺，今次之後，我也不再回覆你了
1個讚
記得有次見到一個媽媽平心靜氣咁問小孩為什麼欠做科學功課 小孩話因為沒有興趣 不喜歡做 。那家長說 但學習是你的責任 媽媽爸爸的責任是返工 你的責任是學習 每人除了興趣外 也有自己的責任 不是一句有沒有興趣便可以選擇做或不做。我覺得這個媽媽教得很好
5個讚
咁搞笑，又狼又羊就會諗起灰太狼？！如果灰太狼作者認為有抄襲成分，絕對可以民事起訴人地，幾時輪到需要警察做野？
而且唔好係度side track, 而加係警察同國安拘捕佢哋，話佢哋煽動公眾對政府既憎恨同暴力呀，一本兒童繪本都容不下，好明顯係衣個政權既又一方法去嚇人，想禁聲，侵犯緊基本既言論及創作自由，如果你咁都唔明or覺得沒問題，請分享我知，我認真地好想知道同你諗法既人既邏輯係怎樣形成。
3個讚
我唔同其他人咁,諗咁多額外野,自己分中一到中三係初中,中四到中六係高中. 老師安排,若唔影響學習都唔會阻礙. 教下低年班冇咩壞事,大家都係同一間學校學野,亦都可以講係一種凝聚力. 當然我知道係有能力先會安排你咁做,你無料都唔會叫你輔導低年班同學.
