我諗你要搞清楚咩係抄襲，就算都係狼同羊唔等於抄襲，唔同樣已經唔係抄襲，內容唔一樣亦都唔係抄襲。
出版內容適唔適合出版為兒童刊物抑或要有18禁呢D warning，係要根據 淫褻及不雅物品管制條例 黎執法，出版自由係以前既香港係唔會受干涉。
好似你咁講書本內容究竟畀唔畀我自己小朋友睇，係我哋家長自己決定。並唔係政府或警察決定，因為假如係政府同警察決定的話，即係根本你就冇say，你只可以喺佢哋認可嘅書本/電影/藝術等等下，畀你小朋友揀，明唔明個分別係邊呀？
的而且確，呢個政權而家已經喺度禁緊好多嘢，黎緊個list只會越來越長，你唔係冇睇新聞唔清楚呀？
所以你明唔明點解咁多香港人咁唔滿意警察同呢個政權呀？就係因為佢哋而家用權力同國安法喺度壓制我哋本身擁有嘅自由。
你攞衣度做例子，個分別咪就係BD管理人就算係黄，唔鍾意你發表既意見，佢唔會禁止你發言，只係呢度其他會員同你會有爭拗，但你如果想繼續發表你既意見，沒人可以阻到你。Buy唔buy你係另一回事，你自己比其他jm鬧到你自己禁聲亦係叧一回事。但我哋係衣個政權下，唔可以自由發聲，連8個字都唔可以講，因為隨時可以畀人拉，未判都先坐監，明唔明個分別呀？
而且我希望你記住，簡單D諗，好似一間上市公司咁，政府係CEO同其他管理人員，幫股東即係我哋市民大眾，以我哋最大嘅利益去管理間公司既係我哋既社會。
係我哋出糧比政府，如果佢做得唔好嘅話，股東可以自由地鬧個ceo，個ceo係唔可以禁止D人或者媒體鬧佢哋，股東亦都可以爭取投票炒咗個ceo。當然政府同公司好大分別，但係簡單啲咁樣諗，你就會明白極權同埋民主社會嘅分別。