打咁多字都無半點營養，
與其獻醜，不如藏拙
1個讚
睇你想個仔未來點行lor …
其實某程度上都係家長自己既心理滿足 …
你自己估吧，我冇講人地入到名校係谷，我係講好多人為了入家长自己喜歡嘅學校就镶孩子學好多野，小學已有人講又快又深，因此做成好多基礎都唔穩，且最终都失望。入唔入到係一回事，入到了係唔係力有所及又是另一回事。
老實講，經歷完2019就知道，無嘢係必然。邊個話，讀到好好既書就一定賺到錢，一定搵到好既伴侶，一定從此幸福快樂無困難包生仔。反之亦然。
犧牲細路目前垂手可得既童年，去追求一個並不promising一定有既「光輝」未來，感覺太本末倒置。
4個讚
就係問你點令一個小一學生冇補過習、只在家有媽媽伴讀、點解決小一第一次英默已經默pencil sharpener , good afternoon principal , good morning teacher , what is your name 這些字及句子, 得10 日時間溫。點可以愉快去學及應付到。仲未計同時間內仲有中默15 個字+ 5 句句子eg 操場, 遊樂場,彎腰.及每天平均4-5 樣功課+ 常識也要認字。有什麼實質倒子。（ps 個父母不是要求100 分、這是三線小學）
1個讚
呢間學校太chur
三線唔等於唔chur
一線也唔等於好谷
1個讚
我之前係網上睇到一段說話，類似係"真正既睇得開，唔係家長放養乜都唔理，而係努力過但坦然接受自己仔女既平庸。"
有時未生b既朋友會同我講而家d 小朋友好辛苦架，好心你唔好同佢報興趣班。其實完全放手乜都唔理對呀媽黎講仲易，難係難在點中間平衡讀書同休息時間。
4個讚
第四樣唔中，佢地肯定唔會俾自己仔女讀普通官津，野雞大學都仲可能，但中小學唔會。何猷君都讀港華同 MIT。睇下會唔會有讀街坊福利會呢啲比較次熱門嘅官津。
Bob 佢嗰家仔女都讀一線大熱，胡諾言嗰三個，大女本身都讀德望，之後為仔仔而轉 CKY。
所以冇乜幾個係全中。
咁點可以令小孩係呢啲困難及階段之中仍’愛上睇書、有喜歡讀書（包括默書、測考）既心’?
我有兩樣，以為可以，點知在香港都係唔得。
不過在英國可以。
1個讚
好明白…
在一間國際幼稚園，老師要小朋友發自內心寫字，唔俾我迫佢。咁我又真係聽老師講，唔迫佢，俾其他野引佢，例如沙上寫字之類。
一年後，老師話佢唔識寫字，智商有問題，要入特殊學校
然後我唔理老師，操佢寫字，一年後老師話佢可以入正常學校…
5個讚
難。我自細睇住電視做功課，唔駛溫書都年年級三。但眼見同學仔幾勤力都好，都係尾尾果堆，所以我好相信書緣。
有d細路好鍾意睇課外書，但就係讀書拉牛上樹，無計。作為家長，唯有盡量客觀同接受現實，要明白有d人真係無書緣，唯有降低期望，同埋試下發掘佢其他方面如體藝的長處
btw我覺得你細路果間係太難，尤其如果讀開券幼會更吃力，你一係而家努力d幫佢外補跟返上，否則愈來愈難追。學下phonics咁，中文字就真係難，識果個字都未必識寫
1個讚
其實我覺得在香港很難愉快學習，除非小朋友很喜歡寫字、串字，記性又好，理解力又好，不用死記死背，也有好成績，很有成就感，但一個班房裏，有幾多個這樣的小朋友？
正如我小朋友只喜歡數學，但中文、英文，語文能力差，唔迫佢溫書，唔補習，就很低分（我只求合格），有時甚至乎是哭著溫習，那我是否剝奪了我仔的童年？
而且在現今香港教育底下，我小朋友是否可以只愉快數學，不用理會中英文科？如果我唔迫他，他經常唔合格，學校也有微言
溫默書時，我也會用拆字，用拼音等方法，但有時時間緊迫，到最後都是要佢迫著他寫多幾次最有效
我小朋友現在小學，我都想等佢開竅喜歡學習，但我怕等他開竅時已經中學，想追回以往所學的也無能為力
1個讚
唔識寫字同智商有問題要入特殊學校差好遠喎
我呢個friend 個女一入小一已經被老師炳左幾窩…慘
不是我仔女、我仔女已經係英國了 大仔已升中 哈哈 我記得大仔小一第一次默書默school , friends 等、邊有pencil sharpener 咁深
同埋, 有d 野, 唔係喜歡就喜歡、你叫我如果生活係香港而去學韓文 日文 法文 我都覺得無趣 但如果生活係個個國家咁學 有語境 學地道文化 一出街就係個個語境 我又好有興趣
1個讚
我都反覆諗
2019年之前果幾十年，讀好書條路大概唔會太差，先有動力犧牲眼前既玩樂換未來既快樂
2019年以後，每日都唔知下一日會點，仲會唔會有以後都唔知，隨時入集中營又唔知，究竟仲值唔值得搏有先苦後甜
6個讚
2019前都會諗下留港升學，要面對DSE
2019後已經唔敢諗留港讀落去，反而冇左DSE壓力，有錢就去歐美，冇錢就近近地去台灣讀都未妨不是一條出路
再過多幾年，可能升中都唔敢諗
而家係每日都唔知明日事
要「喜歡讀書」太理想化、就算大人都冇乜幾多個「喜歡返工」、就算果份工係你鐘意嘅、總可能有啲位或者有啲人係你冇咁鐘意。
話比小朋友知、每個人叻同唔叻嘅地方係唔同、有人英文叻、有人數學叻。但係唔叻嘅、都要試下去做好佢…….
我覺得如果小朋友鍾意果科嘅老師、基本上嗰科就唔會有問題。 我小朋友二年級時我都覺得佢係數學白痴（20以內加減都搞唔掂）、今年個數學老師可以同佢合眼緣定點、成日送好多貼紙、又送左把間呎比佢、小朋友好鍾意佢、呢傢放學做完功課竟然自己拎數學練習出嚟做。雖然都係唔叻、但睇得出喺度進步緊。
3個讚
遇上伯樂真係好