頂 上面都有會員係依間既私家病房奶野
點解依間咁猛架
本身仲諗住轉依間生第二胎
好彩無甘做喳!!
你係咪都係頂樓私家房？
我又係唸聖母經，咁啱嘅.
佢好幾間私家房，冇咁啱啩！
我生仔住嗰間冇事，生女嗰間先有嘢。
十樓
我也在仁x生，不過我又冇遇到乜嘢
但當時有諗過住二人房，我朋友話住四人啦，人氣多D，一陣隔離床冇人，我生的時候又近鬼節，你一個人一間房會唔會驚，於是選了四人房
你地咁講原本想揀3人房
依家諗緊係咪揀6人大房好啲
其實我覺得四人房有D嘈㗎！不過我都怕陌生地方一個人，一陣真係得一個係房，我真係會驚到瞓唔著，嘈同驚我寧願嘈囉
我上胎揀左6人房，點知咁大間房得我一條友
勁恐怖
話說頭先返工落好大雨
咁我就係屋企行返工姐 我住係山上面咁要落去山腳到返工 一條大嘅斜路 成條街無人定我一個 我拎住把透明傘一路行一路聽到後面有啲聲 啲聲好似輕輕磨緊木嘅聲 係好接近我背後 咁我擰轉面向後望無嘢呀 無人 車都唔多架 咁繼續行都依然聽到個啲輕輕磨木聲 我已經4周圍咁望又無嘢 我停係一邊睇下把傘係咪有嘢刮啦 又無
我停埋個時啲磨木聲就無發出聲 之後無啦直接返公司
返到公司係到諗應該係我著住對拖鞋同雨水地下發出嘅聲
自己嚇自己
早幾晚瞓到半夜，打側身向床内瞓，有人用手拍我膊頭一下即時醒了，但隔離果位熟睡中，疫情下為了不吸對方口氣，我地一頭一尾瞓，無可能掂到我膊頭。
喺對家講過，喺度再講。多年前辦公室得番我一個，notice board上面幾頁紙嘅通告突然有人手多多撥咗一下，即刻毛管戙。執完嘢即走！
阿媽當年喺屋企附近行山，佢離遠見到有個尼姑喺山上急急腳行落嚟，想向尼姑打招呼，再睇清楚啲，尼姑唔見咗，嗰度得一條山路，無遮無掩，佢即刻由頭寒到落腳！
尋晚發左個惡夢，夢裏有個靚囡被個壞人強姦，一直姦，成晚都唔止，冇停過，最終姦死左。佢爸媽黎認屍，好絕望咁喊。而個壞人竟然冇受到任何懲罰。
當一諗到有女手足都係咁死嘅時候，於是就扎醒左
我就好好彩就算以前後生同朋友去旅行佢地中我都無事
幾個都係近期發生：
1.同小朋友玩玩下桌遊突然有把公仔聲叫「I love you」，似係我一個舊發聲公仔嘅聲音，但已用水洗過同好多年無電，幾乎係無可能再發出聲音。
2. 半夜小朋友瞓咗，房內電腦唔知點解開咗
3.apple watch 有紀錄朝早六點行咗十幾步（可能因為小朋友瞓醒攞嚟睇時間，而隻錶喺佢床頭，但apple watch咁精準，要紀錄行咗十幾步都真係要有郁到）
奇怪奇怪
宜家諗返起老公同我講係99屋企（住2樓） 有一晚零晨1-2點 咁我老公收工收好夜 買埋宵夜返到屋企都成1-2點 咁啱個日小朋友（2歲半左右）唔知做咩唔睏教 咁2父子坐係廳到食嘢 食食下 小朋友指住出面平台話「有哥哥姐姐係到玩緊」 我老公聽到當堂嚇一跳 係咁同小朋友講「唔好亂講嘢」之後老公就那那聲食埋嘢同小朋友一齊睏
個姨姨都可能見到
幾年前有一晚瞓到半夜，突然郁唔到，但就感覺到有尖指甲拮住我心口，同埋有嘢夾硬擘開我對腳，好似想攪我咁，我極力掙扎，又郁唔到又叫唔到，跟住過左一陣之後就回復正常。
又有一晚，當時老公出街未番，我瞓瞓下覺，突然聽到有把男聲係我耳仔邊，唉…左一聲，我即刻擘大眼，但又9分秒9合埋眼，當冇事發生。
驚
見到好多媽媽有咗之後都有啲唔同,我都好有共鳴
我以前都算係絕緣,但最鍾意睇鬼片,溫子仁Fans,基本上出名鬼片都睇過晒
但嗰時陀住大仔,夢過幾次鬼,仲要係勁真實,有一次夢到我行行吓kick親,原來係有個小朋友鬼特登整蠱我,喺地下伸個頭出嚟kick我,又想追住我,仲笑得好死怖,我嚇到醒咗仲驚咗成日,仲有好幾個夢唔記得咗.
我講俾老公知,佢仲好認真咁講"你知唔知點解?因為有人想投胎…"激死我 
自此之後,我成日都凝住間屋有啲嘢.依家過咗三年啦,我都仲未可以睇返鬼片…
我個仔有時都會話門口有叔叔之類,不過我聽人講小朋友好多都睇到嘢,咁我就check下見冇人就當冇事發生算啦