我同老公都係鬼故Fans，希望依度多啲鬼故真人真事Post 
我講先：大左肚之後變左靈異體質 
對果個氣場特別敏感
咁話說生完大女同老公去歐遊，因為臨時決定去埋羅馬所以book酒店好多都full晒，正正常常既有牌子酒店全部book唔到！
是但book左間個大堂好似ok既
入住就知奶晒野 
間酒店勁古舊，廁所係綠色磚，睇得出佢好多年（30年）冇裝修…走廊係鬼片The Shinning果款
房入面有啲古董收音機
電梯係古董電梯圓形打字機制><一出lift係古董小鋼琴…what the fxxx
我地果陣住4日3夜，我果幾日一返酒店就好似比人吸晒energy暈左咁，企都冇力
出到酒店就冇事
最邪係食早餐果度，要係lobby行樓梯落地庫餐廳食
我一落到去就攰到pa左係張枱度，食野都冇力食
叫我老公求其食啲野快啲走
咁我望下側邊啲人，全部都唔係依個年代既髮型衣著，面無表情咁，好恐怖 
仲有夜晚訓覺有人係房摷膠袋聲…叫我老公起身睇係冇人，唔係驚鬼都驚有賊呀大佬！
19個讚
我啲靈異經歷冇乜特別
次次都係就咁見到
2個讚
未生前接近冇feel，生完之後就間唔時眼花咁見到，不過感覺唔太驚我都無理會
1個讚
你有陰陽眼？ 
好恐怖…好彩無事
我未遇過奇怪嘢…可能頻道唔啱，但又好鍾意睇呢啲
原來唔係得我生完變靈異體質 
留名睇故，我自己冇貨賣但鐘意睇鬼故
1個讚
以前就多撞鬼經歷
呢家收養左幾個古曼童就無乜特別事
我都唔知點解，有時諗係咪壓力大，廢事自己嚇自己
一直都有見到
多數喺公園/酒店/走廊
但有時喺屋企
家姐 婆婆 姨姨 堂妹 都有見過
我次次都同自己講係睇錯
因為怕會驚
以前出差自己一個一間酒店房
但有時係面對面見到都唔知點同自己講係睇錯
養古曼童既原因係咩可以講嗎
8卦想知你見到果啲係咪半透明定同人冇乜分別架？
1個讚
我冇陰陽眼，老公有。我哋成日瀨嘢
分享一個最新，新年前去大阪，最後一晚轉酒店。一到房層樓已經覺得唔舒服。咁咪夜啲至返去。返到去，啲燈勁暗，暗到根本睇唔清楚啲嘢。
沖涼時已聽到有聲，似有人用basin，拉開浴簾就立即冇聲。
到上床訓，我訓近廁所嗰邊。不停有人响廁所敲牆，仲越打越密，好煩。我叫醒老公換位，我訓近窗嗰邊佢就敲窗
之後就感覺到房有人，但我同老公見唔到。
到我訓咗又熱醒又凍醒。第二日老公話佢訓我本來訓嗰邊，有人係咁摸佢啲頭髮同掃佢塊面仲有嘢好似頭髮咁了佢塊面。
3個讚
試過黃昏時間係屋企去完廁所出黎，就兜口兜見個男人係房低頭衝出黎之後唔見左，話下嚇到我嘩一聲，屋企得我同個女同埋我媽，我媽果時問我嘩咩，個臉青左
1個讚
好恐怖 
1個讚
係咪一次半次咋，係自己屋企見堅驚
呢個已經算小事，肯俾我哋訓。但我已夠嚇親
請問咩叫做古曼童？
好似係鬼仔（唔熟講錯唔好怪我丫 ）
見過黑色影 極快咁"跑"過
又有啲係實在啲 半透明咁連著咩衫咩樣都見到
有2次係好似見到普通人咁 但1秒内再望多眼就唔見左
好多次都係直望見到 唔係眼尾Shao到
1個讚