上星期，港島私院3人房。
入院個陣都知近窗床位已經有病人，所以簡左中間張床，右手床位係近厠所同門口。
本來都冇咩野，淨係覺得間房好靜，因為隔離床位冇人探亦都冇點出聲。黃昏個陣我有朋友上過去探我。直到夜晚，姑娘夠鐘熄燈，一熄燈全房黑晒，只淨低我床頭既電視燈光。我已經感覺不妙，床既右手邊好似有個女人企係度。我已經唔敢望右手邊，無幾耐係感覺到有人跳落我度，全身即刻郁唔到。我又唔識唸經，唯有係心講，「我訓一晚啫，俾我休息下啦！」跟住就冇事。但全晚我都要聽住電視訓，經驗話我知，距地會係耳邊講野。
之後同朋友講，距都話其實入房時都feel 到唔舒服，但唔敢同我講
識嚇親我
「酒店比華利山」直譯英文
留得青山在
你啲經歷超恐怖超正
個人認為你家姐依個最恐怖
其實好多鬼會迴避人，有啲鬼想比你知佢哋存在，係唔係覺得你入侵咗佢哋嘅地方，想趕走你？
我都有私院經驗，真係熄晒燈淩晨就黎料。。
係囉 做咁大場大龍鳳 
有咩得罪呀
我陀大女時經常發惡夢有黑影上我身令我窒息, 每次我喺夢中要念咒語先可以呼吸番
個咒語係我喺西藏學番來
後來我好驚, 就開始戴佛珠入睡, 戴左就無事, 無戴就出事
未生前62過左身, 生左之後我有時會感覺到佢喺度, 大女亦特別敏感, 會喊, 有次喊得西利, 一抱入房就喊, 抱出廳就唔喊, 我拎住條佛珠念住咒語同黑影講左幾句話, 開窗俾佢走, 之後我大女入房就無再喊, 果次之後無再番來
我未有之前乜都睇唔到, 亦感覺唔到
我都係陀同生完大女變靈異體質
上面都有會員係咁
好想知點解
我都係, 真係唔知點解
同埋, 果句咒語真係好有效
心經都冇咁快有效
姑仔同大姑奶試過俾屋企過咗身嘅親戚上身，我都係聽我老公講，自己並冇親眼見過。但我姑仔而家間唔中都會突然入房瞓係度，唔知以為瞓覺，但叫極唔醒，面色蒼白。
我老公話試過有年返鄉下拜山，我大姑奶俾佢已過身嘅舅父上身，一邊食肉一邊飲酒，話好耐冇食過。大家都知係個D嘢，勸佢走啦，佢係都要食埋先走。有試過我老公，我奶奶，我老公姐夫痛我姑仔幾個打麻將，突然間我姑仔變晒聲。原來係鄉下個阿婆上身，我奶奶問佢咩事，佢話掛著大家，想上嚟睇下。我奶奶話你有嘢可以報夢㗎嘛，咁樣好傷我姑仔身㗎。佢話咁方便D喔。
之后好似我奶奶入纸扎舖問，話佢哋兩個仙骨重，然後就買嘢燒俾先人，仲一路燒一路鬧唔好再係咁搞，再加上我姑仔同我大姑奶而家周身都戴晒嘢，咩佛珠水晶芙逗掛係身。就冇上身，但耐唔耐就暈一暈，然後就發夢。無啦啦喊。D親戚需要咩就會報夢俾佢哋。我老爺，我老公伯娘，婆婆，爺爺都有，好奇怪都係親人囉，反而冇D其他嘅。
下 啲親人過左身咁耐都未投胎
冇啊，有個過咗十幾年都報夢話需要D咩咩咩。叫我姑仔清明過去燒俾佢。我姑仔醒咗就係咁喊。
我有聽過, 先人係唔會害自己在世嘅親人, 有可能嗰啲係假扮佢親人嚟要求, 佢地又真係聽話會燒就引來愈來愈多
我都諗親人點解搞親人？
掛住嚟睇下咪得囉，又上身又搞到唔舒服又喊咁
邊間酒店
你咁講我又好驚添，佢而家都係耐唔耐有D嘢，明明大家一齊睇緊電視，佢就會無啦啦入房瞓，叫極都唔應。面青青。醒咗之後就話好攰，佢自己都唔知自己做咩。我老公就話可能個D嘢，我有建議過搵師傅，但佢又話係自己人唔使驚。
會唔會喺腎虛ja? 攰，所以訓覺。訓覺醫唔倒腎虛，所以訓醒繼續攰。
我都係聽返黎咋
話有個人成日夢見先人叫佢搵一樣野，佢聽左個名都唔知係咩，唔識邊度搵，但成日都夢見，搞到精神好差，後尾問個好勁嘅師傅嗰個究竟係乜，邊度先搵到，師傅就話嗰個唔係佢先人，係假扮，邪嘢，先人唔會咁害佢
我住仁x，好冷有人在耳邊說話，立即唸聖母經，冇事