我響第二個post度有分享過身邊人既古怪事，但搵唔返個post. 搵到我再post返過黎集中一齊。
小朋友睇到古怪嘢都可能係真。我女好細個果時我地帶佢去睇樓，有一層有一戶插左楊柳枝(果時唔係農曆七月)，我地出黎之後，我女企響走廊一直望住另一邊走廊，因為佢果時未好識講嘢，問佢佢又冇答，淨係用手指指住 er er 聲。我拖住佢想行佢又唔想郁咁。我個心都寒寒地，就抱起佢離開。
落到去我問個agent果層樓係咪有古怪嘢，佢話果個單位唔係，但同層唔見有紀錄。之後我上網自己搵都搵唔到，所以唔知係咪咁岩定點。
老公要番shift ，所以我好多時都係自己一個人訓。好幾年年前，老公果日番夜，我自己訓晒張床，我訓訓下突然feel正張床另一邊好似有人跳定拍波咁，但好快就冇左啦。但果下都幾驚，因為好肯定唔係老公，因為仲番緊工，唔會無啦啦係張床拍波/跳跳
之後同屋企人講，叫我放番d 平安符係床頭，之後都冇再發生啦
我以前做嘢間公司，有個同事病死咗，我被調職去接手。之後新加入嘅一個同事有陰陽眼，話見到死咗嘅同事喺尾格廁所喊，雖然佢未見過佢，但描述到特徵。係其他同事傳番比我聽。
好慘，死咗仲要返工喊
香港人真係好鍾意返工，死左都仲要返工。
關於小朋友見到嘢，我信係真。嗰陣我仔25個月大，啱啱開始講嘢⋯⋯
我媽有病要做手術，同一時間屋企隻狗急病走咗。咁我同我仔就即刻由外國趕返香港陪我阿媽。而我有個識動物傳心嘅朋友喺狗狗啱啱走咗之後同我講佢返咗屋企，未去彩虹橋，不過我就冇同其他人提過。
落機返到屋企之後就同阿媽傾咗陣計，期間阿仔指住半空，大約一個人咁高嘅位置話：wow wow… wow wow 跌⋯⋯佢應該係見到我隻狗，而“跌”嘅意思我理解係狗狗喺半空跳嚟跳去。可能狗狗見到我哋返嚟開心到跳起。聽完阿仔咁講之後我同阿媽一齊爆喊，但同時我又覺得少少安慰，因為我一直都好內疚唔可以好好照顧隻狗，到佢病重離開我都唔喺佢身邊。知道佢終於都見到我哋我都覺得好過啲。只可惜我見佢唔到，唔可以抱佢同佢玩
又係同一個trip，有一晚大約8,9點左右，我仔指住門口話：叔叔⋯⋯叔叔唔入嚟⋯⋯
我嗰陣坐喺門口隔離，個心即刻寒哂，但都繼續做自己嘢，扮到乜都唔知乜都聽唔到。不過阿仔又冇話好驚，同埋佢話佢唔入嚟，應該都係路過同冇惡意嘅。
另外有一次，都係2歲幾嗰陣，喺外國屋企。有晚我同阿仔喺房，佢指住窗口話：婆婆⋯⋯
我間房喺2樓，對住公園，何來“婆婆”？
就只係呢三單，touchwood之後佢都冇再話見到啲奇怪嘢。
上星期夢到黃子悅被國安抓走輪姦+酷刑，今日就過國安法了。
周庭同黃子悅以後會點，簡直唔敢想像 
我姨甥仔都係2-3歲果時成日見到嘢，有一次仲好恐怖。
話說有一年中秋晚飯後，我同埋阿媽家姐姨甥4個人落街玩燈籠。我哋住村屋，出面有條河邊車路一路行到去市中心，就諗住邊玩燈籠邊散步。我哋諗住中秋節應該好多人落街玩燈籠，點知沿路一個人都冇，都覺得唔對路。到行到一半路，我拖住姨甥仔佢突然停落嚟，指住旁邊黑忟忟嘅樹林話：妹妹呀。當時佢太細個我驚我聽錯，問多佢一次講咩，姨甥仔都係指住樹林講：妹妹呀。果刻我哋幾個大人都呆左對望幾眼，跟住我家姐一嘢捉住佢個仔話：冇妹妹呀。跟住即刻拖佢高速走返屋企。
返到屋企以為冇嘢啦，到第二日我放工返屋企，我家姐就叫我黎睇下個姨甥仔。佢叫我拉開佢衫領位睇睇，我一拉開，就見到有3個菸痕向姨甥仔條頸到。果一刻真係堅嚇到，果3個菸痕係好似3隻手指抓住條頸，之後留低左3個手指印咁，最恐怖係，我將自己3隻手指放上個菸痕度，位置係啱啱好，但係好明顯果3個印係比我嘅手指細好多嘅，應該係小朋友嘅手指印
而家諗返起都打冷震
https://www.instagram.com/p/CDyq-Yhg-dl/
尋日黃子悅po相，咁靚咁好身材
遲啲中美全面脫鉤後，共產黨響臨滅亡前會大規模清算香港人(就似Nazi德國即使潰敗而撤離集中營前都要殺晒所有囚犯)，周庭同子悅畀國安捉左會點?唔敢想像 
不過同時覺得呢個亦都唔重要了，因為當佢地都有生命危險時，我地所有人都會陪葬，共產黨唔可能只殺左周庭、子悅、Gphone、肥佬黎而放過其他香港人嘅，係咪? 
今晚凌晨發左個意味深長的夢，醒左後瞓唔返
並唔係惡夢，夢裏透露左有條路等緊我，我處響一個好關鍵的人生階段
如果我走左呢條路，我應該會好快死，離開呢個世界(醒後的我都好清楚)
如果我唔做呢個選擇，我可以遲啲再死，可能亦會睇住共產黨響倒台前將所有人關入集中營，甚至大屠殺?
響確認我好快都會生不如死的前提下，我乾脆自行了結算了 
你見到咁唔對路重唔即刻走
都算係一個惡夢呀
Push 仲有冇會員想交功課呀？
留毛，以上好驚呀
我果個小兒科，上年去日本東京有間酒店，因為第一日太tired，我同朋友一早大約9點10點上床瞓左，瞓瞓下個電視機自己著咗，我望一望個鐘，啱啱過12:00零幾分，同時我朋友都一齊醒咗，大家對望，唯有扮唔驚仲有心諗好tired，唔好搞，我哋住一日咋，然後行去枱拎個control熄機，好彩之後無事，其實酒店附近有間大酒店，經過時個心都突一突。
係經典情節～～自己開電視
仲有d小兒科嘅經歷（多年前經歷）
小學時經常被鬼壓，每星期最少1-2次
試過係屋企瞓地下，瞓到半夜，打側瞓聽到係地下傳來好嘈，好似開party咁，但轉另一邊側身瞓或打平瞓，就聽唔到。
有日我係屋企厠所內辦事中，聽到我妹把聲嗌「家姐，你返嚟喇」，我答佢「係」之後，諗起我妹唔係到住ga wor。
…
我有一個係上年去鯉魚門渡假邨的經歷
上年12月聖誕節果幾日BOOK左3曰2夜既宿營
諗住開開心心一家人玩下
因為之前都未去過宿營
點知第二日就急不及待要走了
我仲BOOK左3日既早午晚餐
最後果一日就冇 食到
因為實在太辛苦
話說當日入住我都唔係好記得邊一座
記得要上山既
條路都幾鈄下
一入房就睇下是點樣…
原來是要同另外兩間房既家庭共用廁所同煲水既地方(有張枱可以坐係度食下野之類)
咁我地就冇理啦，而且隔離果兩個單位都唔覺有人來CHECK IN,因為都冇咩人聲…
咁唔理啦…我地一攞完房就擺低行李果D野就出去玩下康樂設施再去營地餐廳食埋飯先回房休息
因為得兩個廁所…所以我地就襯其他兩個單位未有人回來就沖涼先…怕一陣多人用要等
我地沖埋涼攪掂哂食埋杯麵已經差不多10點幾
我地心諗唔通隔離兩間房係冇人住？
咁奇怪？我地又諗可能而家D人去哂旅行唔興住渡假邨
又冇哂大陸人
又可能咁我先有機會BOOK到
由於第一天都幾早起身同幾攰
我地大約12點就準備瞓覺了
正當我地準備瞓時
終於聽到隔離房有小朋友同大人聲
應該都係一家人來玩
我心諗佢地咁夜既
當晚都好難入睡
可能張床唔舒服
瞓瞓下出面又好嘈
我心諗呢家人仲夜過我地(我地都係夜鬼黎)
咁因為都好攰唔理咁多照瞓
但就好似成晚瞓下醒下瞓下醒下咁
仲發夢有個男人話我瞓哂佢個位
我就在夢中堅持我話好眼瞓
仲同個男人爭位
突然聽到一聲大叫
個身感到一股氣流由左至右衝左出門口(門口在我右邊)
果一刻就扎醒左,
咁我就好驚啦，但原來我女亦都在呢個時候醒左
我同佢都扮冇事
睇下個鐘是凌晨5點零
我女就去廁所
佢去完廁所問我佢個咀係咪捐左
我話冇呀
太長…驚大家悶…下次有時間再分享
試過北海道一間近火車站嘅酒店，住3晚，第1晚訓訓下醒左，聽到廁所有人喊，好驚，係張床碌左輪之後決定爭開眼睇下咩事，好彩又冇野見到，個時經已訓唔返，就坐起身開床頭燈開電視睇，聽到廁所喊聲細聲左，定一定神就決定去個廁所就訓，入到去咩事都冇，之後d聲冇左，我就繼續訓，仲要訓足3日冇換房
諗起都覺得自己好勇
#3 唔算小兒科啦 
等你呀