沙田區
以前有鬼報夢俾我叫我唔駛咁嬲黑警。最近兩晚聽左志豪講的，覺得自己對be water理解深左，令我更加堅信鬼世界有牠的安排。
好恐怖ar
仲要得你一個
差啲忘記提，當初新屋嶺死去的手足亡魂托祖利安向仲在世的手足傳話，“一定要記得be water”
我開始明白點解鬼世界咁睇重be water
我有一個經歷好近期，發生今年一月
因事要去泰國，全部同房同事出左去玩，我見攰就自己回酒店沖涼瞓覺，沖完涼都相安無事。
我就上床戴住AirPods 用電話睇新聞，總之要塞住耳仔有聲就得，專注緊既時候都好似聽到廁所有聲，但唔望唔理。
再睇多一陣間，嗰啲嘢可能見我唔知佢存在，佢竟然搞我睇緊既電話，我手楂電話，部機自己調大細聲，調左一次到最細聲，我無理，較返大聲，再調多一次到得返一格（我嗰到係新買電話，當時買左一星期，肯定不是壞）。
我心都寒埋，之後快速換衫去大堂坐到佢哋返來，我驚到房卡都無擰，只擰左電話同袋證件的袋仔。
準備回港時同同事講返，原來同房都話其中兩晚都聽到廁所位置有腳步聲，所以問我夜晚有無起身去廁所
而且我睇到solomon對班擔心都會被自殺的手足咁講，我竟然感到了坦然
be water 真正意思係？？
1個讚
嘩！咁恐怖！比我肯定嚇死！ 
我都想知，同問
我唔肯定，但我自己理解係：唔好硬拼，要識變通走位，當自己弱勢時，要識得避去睇清楚敵人弱點，留得青山在，唔好無端送頭。
Be water 係嚟自李小龍嘅武術，佢話打拳要be water, 似水咁千變萬化，除咗以唔形態同招識，心理質素亦好重要。
4個讚
以前住向屯門一個公屋屋村，果間屋真係好恐怖。間屋好細冇房，媽媽+家姐+我3個人住，我同家姐瞓碌架床，我瞓上格家姐瞓下格。
最深刻嘅一次經歷，我夜晚瞓瞓下覺突然醒左，眼未張開，但係就感覺到有嘢閘住唔係好郁到，我嘗試起身同mark大眼，眼半開半合時，隱約見到我身上面有個透明迷彩咁嘅物體，當時好驚係咁掙扎想起身叫我阿媽，我阿媽就瞓向對面床。我嘗試叫但係叫唔出聲，只係可以er sir上身咁ee er er，個身已經起到少少，跟住突然聽到有把男人聲話：「唔好嘈呀」嚇到我x街。好彩阿媽細細個就教我唸心經，我即刻合埋眼係咁唸，唸唸下就開始郁到，mark大眼之後已經唔見咗件透明迷彩物體了。
間屋仲有恐怖嘢，待續
1個讚
屯門呢間公屋真係好恐怖，我住到廿歲先搬走。到搬咗去新屋之後，有一日同媽媽家姐講返呢單嘢，先知原來阿媽同家姐都奶過好多次嘢，大家都有啲唔同經歷。
我媽媽話佢成日比嘢閘，因為驚我哋兩姊妹驚，所以一直冇同我哋講。最驚嚇嘅一單，當時我哋住果啲舊屋邨，屋內有一個窗係對住走廊，媽媽張床係靠近果個窗口位，平時都會閂埋，因為有人行過係會望到入屋。有一晚阿媽話佢瞓瞓下，又係突然醒左，之後見到個窗口打開左，我阿媽以為唔記得咗閂，正想合埋眼繼續瞓覺。但係突然有隻手向個窗度伸入嚟，隻手越伸越長，跟住隻手鏈住我阿媽隻頸，阿媽話佢當時郁唔到，抖唔到氣，好驚好辛苦。之後佢就開始唸大悲咒，唸左好耐好耐，當佢再mark大眼，隻手已經唔見咗，再望向個窗，係冇打開嘅。
仲有我家姐嘅經歷，待續
1個讚
當年我家姐係瞓下格床，我瞓上格床。佢向床邊加左塊簾，私人度高啲。有一晚，又係瞓瞓下覺，又係突然醒左，迷迷糊糊下聽到啲好嘈嘅聲，好似有人打鑼打鼓咁。之後佢話見到塊簾出面有好多人行過，出面個環境已經唔係向屋入面。啲人抬住新娘出嫁嘅花轎，前前後後有人打鑼打鼓，當新娘花轎隊伍走咗之後，有另一個隊伍行過，全部人着白色衫，抬住棺材，又係有人打鑼打鼓咁，今次係送殯隊伍。又紅事又白事，家姐已經好x驚，回過神來仲見到佢嘅上面有個女人着住紅色新娘衫，挨住塊床板面對面咁望住佢。唔知大家明唔明當時嘅情況，我同家姐瞓碌架床，我瞓上格佢瞓下格。
我（瞓咗，面向上）
床板
女鬼（挨住床板，面向下啤住家姐）
家姐（面向上，同女鬼對望）
即係當時我只係同隻鬼隔住床褥同床板，背對背咁瞓，而家諗返起都真係好x恐怖
之後，家姐又係出招，唸心經。佢話佢一路唸一路聽到把女聲話：「唔好呀，唔好呀」唸到心經最後幾句，係梵文嘅咒語，佢就聽到女鬼大叫「呀～」跟住就消失左了。
以上就係我同家人向舊屋遇到過嘅靈異經歷。
後記：自從搬咗去新屋之後，我哋都冇再遇過呢啲怖恐經歷，所以一定係間舊屋有問題。
3個讚
不如試吓用「風水」角度去分析Be water，
風水五行有⋯⋯金、木、水、火、土。
水 主要顏色是⋯⋯黑色，白色。
無固定嘅 形態 及 溫度。
冰點是固態，
常温是液體，
沸點是氣態。
五行之中，
金能生水，水能生木。
用土剋水，水亦剋火。
水主管智慧，文昌雖然屬木，但 趨旺 文昌都係要水。
五行屬性之中，獨 「木 」擁有生機，
但水係「木」生命之源，灌溉 木 生長。
也可以引伸至⋯⋯「雖然現在因為環境因素影響你意識形態，但是你本質是百變的，到適當嘅時機，必定走出困境，循環生生不息。」
2個讚
明白 唔該晒
好恐怖!!!
仲有冇? 
留名
嘩，你可以上xx在線做嘉賓了
可能個姨姨睇到知咩事
1個讚
加埋人地浮晒上面, 我地就深潛。水, 既可進亦可退, 可起巨浪, 亦可以平靜如鏡, 不動聲色