堅驚
好彩冇即時發現咋
有片段喺度㗎嘛~
咁鬼死得人驚, 都可以book返同一間酒店
如果唔係一定睡不著, 驚成晚
好恐怖
早幾日洗緊碗，老公入黎俾心理準備我叫我唔洗驚，我不明所以，伸個頭出廳望下佢搞乜，淨係見佢起晒鋼好大聲向大門位置喝左幾聲。
我都仲十下十下唔知佢做乜，仲問佢做乜，俾佢笑我豬兜話門口有半透明野。
之後佢果晚開始覺得唔舒服，個人唔知點咁，跟住第二晚發燒訓唔到，我唸左108次經佢就訓得到。
依個係聽阿媽講，我都未出世。
阿爺仙遊左好耐，在鄉下住既姑姐要嫁去一個好窮既農村，阿麻無say由得個女自己揀。
出閣前一晚，阿爺上左姑姐身，平時姑姐滴酒不沾，阿爺上左佢身之後一碗一碗咁飲米酒，又鬧阿麻做乜俾個女嫁去d窮地方，係咁叫阿麻八婆(阿媽話一向阿爺都係咁嗌阿麻)。
阿爺吵吵鬧鬧左成晚，凌晨2,3點先肯走，姑姐暈左一陣醒返唔知發生咩事，大家都當無事發生，訓教，第二朝送嫁。
你屋企人咁鎭定嘅 
咁第二日有冇去拜神
試過同老公一齊去日本，酒店房內皮匧嘅手柄突然自己拉起然後"啪"一聲跌返落去，我哋兩公婆你眼望我眼。老公冲涼嘅時候，我親眼目睹跌喺地下嘅叉電線被拉行好似條蛇咁。喺呢間酒店房，我哋都瞓唔著，直至轉過另外一間酒店。
無呀，日日返工放工無時間，老公仲病緊，明日OR後日都想去一去廟求個安心
幾年前去左泰國曼谷間W hotel
佢d燈好麻煩 唔係一盞盞咁開山
係一組組咁set
之後冇燈制的係用ipad control
去到最後一晚
訓訓下個廁所燈好似光左
但其實我唔sure
因為佢係好濛既玻璃心同埋我本身係開左小小燈訓
感覺上光左小小
之後醒左就叫醒老公叫佢陪我去廁所
去完又訓返
之後係突然個床頭射燈開左 射住左我
我又醒左
其實內心幾驚
但又唔想打草驚蛇
之後我就轉向老公果邊訓啦內心安慰自己
間酒店咁新又咁大牌子唔會有野既
同埋又係咁旺既市區
應該係d電流電路既姐
睇完好驚…
泰國我自己一個去過一次，果時無野發生
但之後我朋友不停嚇我，嚇到唔夠膽再一個去 
講開泰國鬼故，等我re-post返之前個post先…
仲有次就係我個Friend同佢d同學四個一齊去泰國玩，為慳錢大家屈蛇住響一間房。咁岩對面房又住左四個香港人，佢地出入撞到就企響房門口傾左一陣計。
傾左一陣返入房之後，有個同學問︰「對面房唔係同我地房一樣size既咩，點解住到咁多人？」原來佢見到間房入面有成五六個「身影」響度…
1個讚
仲有一個︰
同事係容易中招體質，但偏偏佢間唔中就要出trip.
有次去東南亞，唔記得係菲律賓定越南，我地公司book開果間酒店full左，所以book左另一個差唔多level比佢。佢入房時話未feel到有事，但響房度睇睇下電視聽到水聲，去浴室睇又冇野，但一坐底又有水聲。
佢覺得應該會有下文，所以即刻落去換房，點知又冇房換。佢唯有死死氣又返上房。
今次佢坐落床度時feel到隔離有壓力，好似有人坐響度。佢嚇到想起身，但起極起唔到，好似有人禁住佢肩膀唔比佢起身咁，佢勁驚，跟住個心係咁唸佛經，搞左好耐先起到身。
結果佢落左大堂坐天光，冇再上過房。
我有好幾個夜晚踩單車經歷，當中有兩次經歷 都係夜晚喺山上面踩單車遇到嘅 , 一次係城門水塘，另一次係大欖涌水塘 .
城門水塘果次，我哋踩踩下突然有把聲問我哋喺度做緊咩，我地醒水知道係咩事，當然冇答佢亦都冇理佢，繼續安全速度前進，直接過咗一段距離後，先停低，睇一睇大家有冇野。
另一次喺大欖沖水塘 落山 喺個彎位度見到一個大約古時大紅燈籠咁上下高嘅侏儒企係路邊 之後上山既路又見到有另一對黑影係水塘向山邊(經樹頂) 飄咗入去。
除踩山外，我都有踩公路車，十幾年前有次係青山公路沙倉段(即e家屯門公路 往 屯門方向 轉車站下面) ，見到有個人 坐起 燈柱上面 條條揈。另一次，係新娘潭路踩緊，見到路邊燒烤場一班人企晒喺度 望住我地踩。
我經驗係心一定要定，唔好處會e d 異像，保持正常速度離開，當刻唔需要特別念經頌佛，直接無視就可以，簡單d 講，當見唔到。
2個讚
講到當起唔到身, 我經驗係唔洗格硬尼, 可以先全身放軟, 突然猛地一起 就得.
但重點都係心要定, 唔洗驚, 信念比佢強. 我試過訓訓下, 感知到對方位置後, 警告佢唔好亂尼, 對方無視, 我當時幻想自己係一團光茫, 不斷擴散, 直接將對方煙滅. 大家可能覺得係我發夢, 但我試過3 幾次都work. 總之, 你唔驚, 就成功一半LA.
2個讚
最後都係要嫁…