好可怕 
後來病完仲有無事？
好似好多人中招都會發燒同嘔
無事喇，原來真係撞鬼後會病
[quote=“pat00, post:169, topic:11802, full:true”]
我會寧願落大堂等天光
我好好彩冇乜古怪經歷，稍有印象係大約四五歲時，有一晚瞓覺，我對面掛左一條大毛巾，當時成家瞓晒又熄晒燈，但我見到條毛巾尾好似比人向上拉起咗咁，重複又重複咁拉咗好耐，我一路望住，又唔覺得驚（果時應該未知有鬼怪果d)，最後我睇到攰瞓著咗。
細個阿媽話農歷七月唔好游水
聽講阿哥中學暑假同同學去離島玩，玩水果時差d浸親，佢話有野抆住隻腳，好彩比朋友救番。
但你記到依家，係你腦海印象好深
依樣野中學時訂報紙，每朝reading session睇都有發現年年農曆7月都有熟水性既人浸親，好邪
我懷疑中過西貢結界(超長文注意)
之前玩AYP要去西貢行山
總共十二三個人
因為有幾個行快啲 所以分開兩隊行
用各自嘅速度行返同一組路線
咁我係後隊嘅
我哋到咗lunch 地點嘅時候前組已經食完飯 所以前組出發先
我哋大約二十分鐘後出發
嗰日路線有部分時間係密林加左右有人咁高嘅草 視野好差
不過路線都清晰 密林路段冇分叉路
前後嘅路線都係郊遊徑 清晰易行
但係係密林路行左一陣之後條路好多蜘蛛網
係路中心同左右草叢都有
行過一定會掂到嗰種
咁我哋幾個女仔就開始驚啦
但係都行到一半 點都要行埋去
所以啲男仔就前後夾住保護我哋
用行山杖開路繼續行
雖然去到後尾我哋幾個女仔全部都係喊住行
但係都叫做平安行完到咗營地
不過奇怪嘅事而家先發生
我哋到達營地嘅時候前隊居然未到
前隊最後係遲過我哋大半個鐘先到
而且佢哋所有人都話佢地途中冇停過，冇改過跆線同冇見過蜘蛛網
我哋本身都冇乜特別感覺
以為係普通睇錯地圖行錯路
但係返到屋企做report 嘅時候對返資料 諗返轉頭
我覺得呢個情況有啲古怪
我哋兩組人係一齊設計行程
用同一版嘅地圖 同一組路線
而且係我親手畫路線上地圖 所以一定係一模一樣
地圖上清楚顯示密林路段得一條路 (同埋所有人都話冇見過分叉路)
而且大家都有經驗
冇乜機會成組人一齊睇錯地圖
如果兩組人行同一條路
中間又冇相遇
咁點解我哋可以後來先至？
又點解前後組相距最多一個鐘路程
前組冇見過蜘珠網
但係後組行嘅時候會有大量蜘蛛網係路中心？
而且平時我雖然怕蜘蛛
不過自問唔係會嚇到喊嘅人
但係嗰日我至少喊左半個鐘
仲要嗰晚冇記錯有幾個人因為一啲小事嘈到差啲反枱
我唔知係我哋行得太辛苦壓力太大嘅而搞錯 定係真係有其他嘢搞事啦
總之最後大家冇事就冇人深究啦
2個讚
早知咪鬼睇你哋啲嘢~
搞到我當一個人喺間屋度 ，熄咗燈嘅時候就會驚驚地 ~
1個讚
好彩出得返黎囉
你睇完仲記得啲故仔所以驚？？
我呢幾年住過兩次都冇發生奇怪事
仲覺得環境幾好幾舒服
反而對面樓有啲Pk鬼
我哋好地地係入面個廣場開營燈會(有同營地申請)
雖然有百零人 但係冇咪冇樂器冇大聲尖叫
居然有對面住客投訴我地噪音滋擾
搞到成架EU車入嚟了解
你知唔知嗰陣時幾點呀
夜晚九點半都未到呀
而且個營地同住宅中間仲有條馬路
一定係嘈到佢啦
係呀搞到自己疑神疑鬼~
1個讚
我小6畢業營都有靈異野
一打出黎如果係舊同學應該知係我
太經典，今晚有時間打
你記性咁好既
我睇完好多都唔記得要再睇
不過睇鬼故就係愈驚愈要睇 
之後大家講過下
其實都冇乜點驚
因為大家都著住制服
又一大班後生仔女 覺得陽氣夠
而且著住制服係唔會驚嗰啲朋友仔嫁
有次係墳區附近做模擬搵傷者
要講一段「我哋係xxx嘅急救員，係嚟幫你嘅。如果你聽到就大聲呼叫或者拍打身邊嘅物品，我哋會嚟幫你嫁。」
如果係平時你打死我都唔夠膽講啦
真係有＂人＂出聲點算呀
但係你知你做緊正經嘢 又冇害佢 冇嘢要驚
(雖然心入面叫啲朋友仔有咩事去搵帶隊嗰個，我都係跟指示做
)
幾年前，同老公去澳門玩，住珠海拱北車站隔離個間「英文字頭酒店」。當晚番緊酒店個時，因為D小事嬲左老公，沿路直到番酒店房大家都無出聲。番到酒店就沖涼，我沖完就到老公入去沖。大陸酒店房好興沖涼房拉個簾就可以望到床架嘛。咁我沖完涼就背住左個簾坐起度吹頭，自備左塊鏡吹頭喇，吹吹下就起塊鏡望到沖涼房個簾開左 「有人」同我揮手wo 我又無帶眼鏡又見到好大霧氣，咁我以為係老公整古做怪想氹番我。我又未嬲完，我就好嬲咁對住塊鏡怒bear番「佢」。我老公沖完涼出黎又好似若無其事wo。
咁就告一段落喇。第二日番到香港，我醒起呢件事，我先覺得好恐怖 我問老公有無開過簾 同我揮手 咁當然係無喇…
係咪“長”酒店？當年要出差都係拱北關口個邊搵過下酒店，個間係個個位算高級，其他個d甩皮甩骨咁
L酒店