我女真係為興趣而學,我地以為學琴好似學跳舞咁,一星期去上一次堂,係屋企有練過已經好好,真係無想像過原來琴老師係期望學生日日都練下琴 
咁我同琴室講教慢D會唔會好D?
我自己唔識彈琴、想問每日睇佢練琴係就咁坐係度？
老師你好：
想請教一下下
六歲小童，學了琴約一年，買U1適合嗎，因為二手琴倉一直建議我先用細琴練好手指
另外，一直苦惱要不要買靜音琴，老師有建議嗎？
感謝
如果級數再高，樂譜會好多技巧，真鋼琴觸鍵感覺好重要
為興趣而學, 唔等於隨便咁學,
我覺得都需要有個目標, 你幫女女訂立嘅目標係咩呢?
學習需要堅持同埋解決困難, 努力過後, 就可以好好體會所得到嘅成功感同快樂, 果種滿足感係會令人繼續努力, 唔會咁易放棄
學琴生涯就係咁, 學睇音數拍子, 經過練習彈到d歌仔, 有成功感, 再學難d嘅歌, 練習後彈到, 再學新歌, 無限loop, 好多年後, 可以隨時隨地彈到自己想彈嘅歌
如果阿女本身無興趣嘅, 嘗試請老師幫忙嘗試發掘一下興趣
如果阿女本身有興趣嘅, 就請老師好好培養加深興趣
我們都做過小朋友, 如果無進步、無成功感, 又點會覺得開心? 點會鍾意果樣野呢?
至於你話想好似跳舞咁唔使練, 只需要一星期上一次堂, 咁你可能需要揾d小班教學嘅唱遊班之類, 唔使練習嘅班去上堂, 而唔係選擇上一對一嘅鋼琴班 
1個讚
參考下 
有條件就一買買部好d, 部琴可以用一世,
U1係最平嘅日本製Yamaha, 質素有保證少少,
不過如果買二手, 就上網做多d功課先, 小心比人呃
靜音鋼琴係一部鋼琴, 加裝左個數碼鋼琴系統,
用靜音模式時就可以帶耳筒彈, 唔會嘈到其他人,
睇下你有無需要啦, 唔使咁苦惱, 
不過想提醒下, 如果可以, 就盡量就咁練, 唔好開靜音模式, 因為靜音左就變左練數碼琴, 只練到基本野, 練唔到仔細野
謝謝分享,
我都有學生, 屋企只有數碼琴無租琴室練都考到8級,
成績仲要唔差, 有一百二十幾分架,
但識聽嘅, 就會知道佢有d技巧未做到,
亦都彈得唔夠好聽
不過睇個當事人想追求d咩啦
有d人但求考試合格, 有d人係對音樂有追求
我成日都話, 幾貴幾靚嘅琴都有,
你需要嘅, 只係一部你負擔到嘅琴
1個讚
其實我覺得, 需要真鋼琴先練到嘅技巧, 應該係由低級開始慢慢逐d逐d咁教, 自自然然到高級就會做到 
想請問小朋友9歲，學左半年，每星期上30分鐘堂，一般每次老師應該要教/叫佢練幾多首新歌先合理？謝謝
有冇話學到第幾級可以自學?因為而家疫情 學琴又要停， 前幾個月假期佢都係自己學自己加新歌每日練琴，但係我唔知佢係咪已經可以解決曬所有問題定係冇問題……
唔同長度/難度嘅歌都會有唔同, 唔能夠一概而論,
一般大約2-4首吧 
每星期一首係咪太少？例如之前用John Thompson Easiest Piano Book 2或者最近轉Suzuki Piano Book 1彈緊兩手一齊彈既歌，永遠只叫佢練一首，又唔執佢手勢，我覺得個老師好hea，睇黎要揾過另一個。
如果係小朋友, 唔建議自學,
我疫情期間都停左面授教琴,
都係叫d學生錄左片send比我,
我再比評語咁,
雖然效果點都唔及親身上堂,
但希望盡量keep到佢地練琴,
同埋有咩問題都可以及早發現,
你可以參考下我嘅做法
1個讚
每位老師做法唔同,
我自己唔會教一首咁少,
仲要小朋友已經9歲, 教多少少應該都可以吸收得到,
疑人勿用, 用人勿疑,
如果你唔信個老師, 就換過第2個啦
疫情期間鋼琴老師用視像上堂，安全又方便，完全沒有影響進度。另又有練琴Chart，每日練完一個小時後在Chart上填色。
可以分享下個練琴chart嗎? 謝謝
那個Chart就是用一個個的圓形來代表時鐘。女兒每天練習一小時，就可以用顏色填滿整整一個小圓圈(即60mins)，隨著時間的流逝，圖表變成七彩繽紛的，很漂亮。而老師、家長和學生都知道到底用了多少時間去練習了。
1個讚
謝謝你分享,
呢個方法好好,
既可以培養到練琴習慣,
小朋友又可以體會到填滿哂顏色嘅滿足感,
大家可以參考吓 
1個讚
請問你喜歡教邊類的學生?