請問四五級程度, 好聽又可以練手指的歌仔有無介紹?
現彈緊Schumann 的 Album for the young, 類似的有沒有?
1個讚
小朋友係Tom Lee 學，8歲，大概皇家2-3級level，老師想叫佢考Yamaha level , 還是叫老師幫佢預備考皇家好D？
Hello 老師你好。
我係成人來的，岩岩搵左老師由零開始學琴呀。
因為屋企無乜位，想買電子鋼琴，
我打算二手咋，請問有無牌子或者有咩網有資料可以參考呀？謝謝！
各類型嘅學生我都鍾意教,
唔同嘅學生, 有唔同嘅教法,
勤力有勤力嘅教法,
唔練琴有唔練琴嘅教法,
有天分同零興趣都有各自嘅教法
每遇到一個新學生, 對我黎講都係一個新挑戰,
尤其是一d之前已經學過琴嘅學生,
可能會有d壞習慣已經養成左, 咁就要盡快幫佢改正
有時學生面對瓶頸位, 就要諗各種方法幫佢突破,
所以其實教學生嘅同時, 我都係學緊野的 
2-3級, 考黎都係攞下經驗, 所以我個人覺得無咩所謂,
可能有人會話皇家試認受性高d, 但係2-3級張cert都無咩實際作用啦
其實你都可以請教下老師, yamaha同皇家嘅分別? 點解老師想佢考yamaha呢?
不過呢, 其實我唔清楚Yamaha係點考同考d咩的, 如果你知道, 同大家分享下丫 
Hi,
歡迎你進入鋼琴嘅世界,
希望你好快就可以享受彈琴嘅樂趣 
sorry ar,
數碼琴我無乜研究,
識嘅都係大路牌子,
Yamaha, Korg, Roland, Casio,
我諗你去兩大琴行實際試下d聲同手感,
睇下自己鍾意邊個model先再揾二手會好d
不過呢, 數碼琴/電子琴始終都係電器, 壞起上黎好難講, 如果仲買二手, 驚唔驚唔襟用呢?
真鋼琴雖然大部d, 但d零件可以用至少幾十年, 所以不如再考慮一下買真琴啦 
1個讚
好啦，多謝你意見！
搵日去琴行睇下先
唔好意思, 剛剛先發現原來未覆你,
有無彈過Children Pieces, Sonatina, Bach First Lesson?
謝謝回覆
已彈完children pieces及兩本sonatina masterworks. 是時候彈bach了.
Bach First Lesson 有Book 1&2, Book 1對你黎講可能太簡單, 不過如果你未彈過, 都有彈嘅價值, 彈完Book 2之後, 就彈Bach Inventions and Sinfonias
另外, Burgmuller Op.105 同 Tchaikovsky Album for the young都可以試下, 仲有Master Pieces 
1個讚
老師你好，我以前有學過鋼琴到5、6級。之後停佐好多年無學，宜家想pick up 返
以前係琴行學琴時跟過幾位老師 深知好老師真係好重要
宜家想學返但唔想去琴行學 因為跟咩老師都係靠彩數
請問可唔可以聯絡你學琴，或者唔方便的話有無鋼琴老師推薦？
老師請問你上門教嗎？
如不方便請問有冇介紹呢？謝謝
真係唔好意思呀, 我介紹唔到老師比你
不過想建議下, 你可以喺正式學返琴之前, 自己練返下先, 尤其是睇譜方面
真係唔好意思呀, 我介紹唔到老師比你
有咩其他問題歡迎隨便發問
我想請教下多唔多人可以學2種樂器。小朋友剛學琴2個月左右。小一。但因為老師俾佢彈兒歌佢都好樂意學同練。本身佢唔考級都可以的。因我希望佢都可以第時學大提琴。所以想問下多唔多人可以處理到2種樂器。
而家好多小朋友都學2種樂器,
我d學生大部分都有學多一種樂器,
不過多數都係喺學校學班際, 或者喺音統學,
好少會好似鋼琴咁請老師一對一教,
如果負擔到嘅, 一對一係會學得快d全面d
彈鋼琴要睇高低音兩行譜,
其他大部分樂器都只係睇一行譜,
所以如果學開鋼琴去學第二樣樂器,
通常都會好快上手
有啊我最近都開始租琴房自己去練住以前啲歌
另外之前無意間經過通利，彈佐部yamaha yus5 好鍾意，後來查佐佢原來係直立式鋼琴最高級型號之一，如果要
埋靜音系統，佢價錢都可以買部入門或二手歐洲琴啦 
。老師有無咩買琴建議呢？u3或者yus1會唔會係幾好既替代呢？
咁就好了。我都係想佢係學校學班際既第2樣樂器。
果日買琴，通利果個人都係咁講。學佐琴就睇到二行譜。學其他樂器就易啲。
謝謝你的解答。
YUS5 係香港有賣嘅Yamaha直立式鋼琴中最高型號, 如果要埋靜音超過10萬, 可以買到部Yamaha Baby Grand喇
如果鍾意歐洲琴d聲, 不如考慮下入手啦, 日本琴聲同歐洲琴真係好唔同, 不過歐洲琴賣返出去就無yamaha咁保值, 所以我都好少建議小朋友買歐洲琴, 但大人就唔同
唔使咁快決定買咩琴, 去琴行試多d琴, 聽下自己鍾意咩聲先, 試多d, 慢慢就會揀到部啱你嘅琴, 唔好心急
你問U3 or YUS1, 即係你預6萬零蚊budget買琴? 月頭tom lee做過個幾日快閃優惠, YUS3都係6萬零, 好抵, 不過就唔知之後仲會唔會有咁平, 至於U3 vs YUS1, 我自己鍾意U3多d, 高身d琴箱大d共鳴感大d, 你試下睇下自己鍾意邊部多d?
最後溫馨提示, 買琴時記住揾鋼琴老師介紹, 琴行會有佣比老師, 有d老師好人會回返比學生的 
唔使客氣
祝你小朋友學琴愉快~