請教一下，如果買數碼鋼琴比囡囡學鋼琴，可以應付到幾級？
入通X做? 
請問一下你想買數碼琴嘅原因? 
我諗你問任何一位老師,
都會叫你唔好用數碼琴取代鋼琴,
雖然兩者都係用琴鍵黎彈,
但發聲原理唔同, 其實係兩樣唔同嘅樂器黎
考級係要買真鋼琴練琴， 冇其他選擇
主要因為無咁佔地方&打理比較方便
我知琴鍵彈落去嗰下feel 係唔一樣 
我見台灣有得考Yamaha試，唔知係咪就係嗰啲
數碼鋼琴個力度真係有啲唔同，不過香港土地問題又真係幾嚴重
搭下嘴先，因為我細個都係用數碼琴，當時我考完5級樂理就要轉返傳統鋼琴。
不過真係彈得唔開心，有少少覺得自己唔係彈樂器，而只係彈緊代替真正鋼琴嘅玩具咁。不過細個咩都係媽咪話事，所以冇反映過意見比媽咪知。
所以可以試下問問小朋友覺得點呢 
路過搭嘴，多多見諒
其實真琴同數碼琴, 個長度唔係差太多, 係高度同深度差得多d, 如果個位放到數碼琴, 咁再執下應該都放得落真琴
而真琴都唔使點打理, 長插暖管, 一年tune一次琴, 部琴就可以用至少幾十年, 點都比數碼琴耐用 
唔止彈落去個feel唔同,
實際出黎嘅聲都唔同,
彈琴唔係就咁用手指彈落個琴鍵度有聲就得,
係要用到手指手腕手踭手臂膊頭身體,
用唔同嘅角度/力度/姿勢去彈, 出黎嘅聲音都會有唔同,
呢d數碼琴係做唔到嘅
所以如果你問我,
我會話最好就用返真琴練啦,
屋企無位就去琴行租琴房練,
除非, 你只想學流行音樂, 唔學古典,
咁就可以用數碼琴練 
香港土地問題雖然嚴重,
但香港人最識變通, 要放點都有位放嘅,
不過其實而家好多學校一人一樂器都唔計鋼琴啦,
咁不如學d小型樂器仲好啦,
大中小提琴/單雙簧管/長短笛/大小號…等等,
仲可以玩埋樂團 
唔知呢, 香港好似無乜呢方面資料
呢條片係講Yamaha試其中視奏同即興兩部分, 如果香港都有得考Yamaha試就好喇, 呢d先真係識彈琴 
咁學樂器唔係淨係為學校嘅，如果講音色多變豐富，始終鋼琴個combination 可以做得多啲
1個讚
可惜Yamaha個試認受性唔高，剩係得台灣同日本認。
原本我今年都可以去學即興，但係因為某啲原因，都未學得住，我覺得即興幾好玩
你申請入職
佢會成組人講解完再考個試
得就train你
Trian左一段時間再考核
Pass就幫你開班
但家下疫情問題應該都唔請人住
仲要應該唔少分店準備關門呀
Train時冇人工
但當免費學多一套野
值得
1個讚
數碼琴完全唔可以考慮呀
我之前有個學生為慳位用數碼琴
到考試前知出晒事
Touching完全唔得架
仲有電子野呢
要壞就突然壞
用唔到就用唔到
傳統琴你正常保養
用到你下一代呀
我家下留俾阿女當玩具玩呀
我笑其他朋友買玩具鋼琴
要玩當然玩件真野啦
其實小朋友唔需要玩具
俾個計數機佢地都可以玩一大餐
唔好浪費錢去買玩具
你諗下俾個真手機同玩具手機小朋友
佢會要邊舊黎玩
1個讚
請教呀女6歲,岩岩開始學琴,由於廳細,次次練琴都要搬開好多野,所以一星期只會係屋企練1-2次琴,另加1次出去上堂,咁樣會唔會太懶?我見樓主都建議日日練琴,但小學仲要做功課,真係無咩可能日日練
日日練係必須嘅，就算時間唔多，點都要抽少少時間，每日十幾20分鐘，其實點樣必到必到時間出嚟。
1個讚
我每日練琴會先練scale手指熱身，才開始練戲肉。
以前未買琴會儘量隔日去琴行租琴練個半鐘
我通常叫學生至少每日將新歌曲練10次
係練唔係彈
咁當然好明白家下功課好多
小朋友做完功課已經要休息
但最好每日都彈下
令小朋友有個習慣要練琴
其實佢彈到首歌好流暢
有大細聲，有連跳音，有埋速度
值得欣賞嘅都可以喇
我通常話學生
連佢自己都唔欣賞自己彈嘅歌
點希望人地欣賞
又點希望去考試/比賽有好表現
有時要佢地唱番首歌都唔得住
其實就知佢地有幾唔熟首歌
2個讚
哈哈, 睇到你咁講, 諗起我以前上門嘅一個學生屋企,
部琴附近, 琴蓋同琴椅上放左好多野, 次次去到教琴都要幫佢手搬走d野先可以正式上堂… 
襯初學, 就要建立好每天練琴嘅習慣,
唔使多, 一日練10mins先, 每日練,
講真, 6歲小學生, 點會無可能日日練?
係睇個家長有幾堅持啫 
試諗下, 第時仲要TSA/呈分試/升中/DSE,
而家已經無時間, 咁第時點算?